Breaking News:Thantlang ah thawngpang tha taktak thei a sicang.

Thawngpang

Thantlang sii-inn a panh i harsat ruang ah chawva in bawmhchanh hau mi hna cu Thantlang Healthcare Charity (THC) nih tikhawhtawk bawmhnak pek an si lai, tiah an facebook cahmai ah an thanh.

Atulio kan ram harnak le thinphang thlalau in nunnak khua kan sak lio ah Thantlang Healthcare Charity nih kan tikhawhtawk in mizaw hna kha chaw le va in bawmhchanhnak kan ngei kho peng. Atulio cu Thantlang sii-inn zong khar a si rih. Cucaah, damlo ruang ah Thantlang siikhaan na panh i harsa tuk le chaw le va in bawmhchanh hau na si sual ahcun kan tikhawhtawk bawmchan ding in nan pawngte ah kan um zungzal,” tiah an thanh.Mah belte, THC nih oxygen tu cu kannin bawm kho rih hna lai lo. tiah an thanhchih.Pehtlaihnak Ph:09887283349

Thawngdang Rampi ruahnak petu Daw Aung San Suh Kyi le ramhun /lutlai U Win Myint hna biaceih caan khiahmi cu an thawnthan Nay Pyi Taw adang te biaceihnak zung ah tazacuai a tongmi rampi ruahnak petu Daw San Suh Kyi , ramhun lutlai U Win Myint le Nay Pyi Taw council chiarman Doctor Myo Aung hna cu biaceih ding caan cu rallokap nih an thawnthan tiah Daw Aung San Suh Kyi a sihni Daw Min Min Soe nih a chim.

Daw Aung San Suh Kyi telh in 3 hna cu nikhat ni le nihnih ni hi si peng ding in bia chah nak an ngei nain tu hrawng zungkhar caan a sau tuk caah an thialthan nak hi asi.

Rallokap chiarman uknak lak thla 6 tlin nawlchuah nak chungin zungkhar caan cu zarhkhat chap asi lai ti bantukin Daw Aung San Suh Kyi te biaceih ni cu zarkhat thawn a si ve.

A hlan nikhat ni a hmuh 4 cu thla 9, nihnih ni a hmuh cu 2 hmuh cu thla 10 ni ah zung auh an si. Ka nu telh in an 3 in conferencing ah pehtlaih hnu in keimah sin ah an ka thanh tiah sihni Daw Min Min Soe nih a chim.

Mah leng ah Mandalay biaceihnak zung in ziknawhnak atuah ti kong he pehtlai in Daw Aung San Suh Kyi tazacuainak a hmuh biaceih nak cu thil pakhathmanh theih a si rih lo tiin Daw Min Min Soe nih achim.

Rallokap nih cun covid-19 zawtnak i runven nak ti cu i chimhnawhchan in July thla, thlalai hrawng ah khan thok in zung cu sautuk an khar i pengkulh hna zongah tlunkal an phih the chin post.

Thawngdang Myanmar Rahrang pawl cu An tuar ve thluamah cang ko hih. Ceicik cek ve hna seh, mi mipi nunnak tampi a liam zong ah zeipoi lo bantuk in an um i tutan cu anmah chung lila in Covid-19 in a zawmi an tam bak ve cang. Min Aung Hlaing nupi cu Covid- in a zaw i a thi dengmang cang tiah theih a si.

A nupi cu Oxygen level zong atum ngai cang i, lungrethei ngai in khua an sak ve lio si. Micung ah tuahsernak that lo man cu an tuar cuahmah ve ko hih. Cu lawng si lo in Zaw Min Tun te chungkhar zong Quarantine ah chiah an si ve ti asi. Cu leng ah cun Than Shwe te chungkhar zong hi Covid-19 in an zaw ve ko tiah innpa naihniam nih an chim.

Cu leng ah Min Aung Hlaing a chang tu ralbawi Soe Win a nupi Daw TanTan le a an sin um nu telh in minung pa 5 bak Quarantine ah an chiah fawn hna tiah theih a si. Cu pa 5 chung ah cun pakhat cu a nunnak aliam cang. August thla an tuah dingmi press conference zong tuahthan lo ding in an cancel than cang.

Atu bantuk in anmah ralbawi chung in Covid-19 in a zawmi an tam tuk cang ruangah an program vialte zong an cancel dih nak hi asi . Min Aung Hleing nih a chim ve nak ah cun mipi caah a herhmi tu tuahkhawh kan i zuam lai tiah achim.

Thawngdang Germany Nih Mipi Thim Mi Cozah Phungninglo In Hlawt A Duh Lo Kawlram mipi nih an thim mi cozah phungninglo in an hlawt mi kan cohlan lo tiah Newyork ah a um mi permanent mission of Germany to the United Nations nih a thanh.

Mah bia hi Germany UN palai changtu Gunter Sautter le Kawlram UN palai U Kyaw Moe Htun hna July 31 nih an i tonnak ah Germany palai nih a chim mi a si tiah theih a si.

Atu bantuk Kawlram nih harsatnak an ton lio ah Germany nih Kawlram mipi lei ah a dir peng ko tiah UN palai Gunter Sautter nih a ti.Ralhrangbu cawlcanghnak le sualnak a tuah mi hna cu Germany nih kan colhan khawhlo bantukin a thiltuahmi cungah tuanvo a lak a hau te lai tiah Gunter Sautter nih a chim tiah Germany permanent mission to the United Nations nih a thanh the chin post.

Thawngdang US Defence Secretary Nih Taluk Ralrinnak A Pek US nih Taluk he buai kan duh lo nain kan ram ca i thil thathnem mi miaknak tiang hnahnawhnak a kan pek a si ahcun dai tein kan zoh lai llo tiah Singapore ah a tlawng lio mi US ralvennak vuanci Lloyd Austin nih a chim.

Lloyd Austin nih Taluk nih South China Sea ah a ngeih mi kong a chim mi hi vawleicung upadi le phunglam he a kalh mi a si.Taluk cozah nih hin south chin sea kong pin ah buainak dang zong dai tein tawlrel duhnak lungput a ngei lo tiin Lloyd Austin nih south china sea he a pehtlaihmi a hawikom ram pawl chanh ning a chim.

Taiwan tikulh kong,Taluk ramah a ummi Muslim miphun hna ci mit lakin thahnak, India le china ramri buainak hna cu Taluk nih mei a vanmi lawng a si.Chawnhbiaknak he tha tein ceihpi zong a duh lo.

US nih Taluk cozah he zong siseh, Taluk ralkap he zong siseh buaibai kan duh lo, rem tein um kan duh ko.Asinain kan caah thil thathnemmi ah hnahnawhnak a kan pek a si ahcun dai tein kan zoh sawhsawh lailo tiah US defence secretary nih a ti.

Singapore ah a tlawnglio mi US ralvennak vuanci le Singapore ralvennak vuanci hna cu nizan ah pumpak in tonbiaruahnak an ngeih hnu ralvennak kong tonbiaruahnak ah a tubantukin a chim mi hi a si.Hi tonbiaruahnak ah Taluk buainak kong pin ah Kawlram uktu ralhrangbu hna thiltuah ning cu pom awk tlak le pom khawh ding pakhat hmanh a um lo tiah Lloyd Austin nih a chim the chin post.

Leave a Reply