Breaking:Rev Langh Khua Hau le’Saya Khai Deih Tuang cu ralkap lei ah an tang tiah thei a sicang.

Thawngpang

Tutan thawngpang kan thei mi cu a dik mi a siko ah cun a poi hrinhran hna’Mipi nih thi nak le fahnak an tuar lio ah kan mah chin mi lila nih mah bantuk in ralkap lei ah kan tanh ah cun zeitin hmeh teinak kan hmuh khawh hna’Ka lailung family page nih a van tial ning ah cun’Pu KHai Deih Tung Tahan,Kalay Myo le Rev.Langh Khua Hau Taung Phila hi kalaymo Tawngphila um misual pawl lei a tang mi an si tiin tu nai te ah khan thawngthanh nak a van tuah hi si.

Relchap duh mi hna caah:April 1,2021(Thursday)i UN Security Council nih Meeting an neihnak ah Midle East le Kawl ram kong hi biatak te’in an i ceih i, Members-15 lakah 12 nih Myanmar ram Ralkap cu fak tak takin hrem (Action) lak dingin an duh i,Member -3 cu Neutral in an um.US, UK, France le Turkey nih cun Raltuknak tiang (Military Action) tiang hman dingin an duh na’in China le Vietnam nih a daihnak lei’in ASEAN he rian tuanti dingin an hna a tla ve. US Ambassador to UN, Ms.

Linda Thomas Greenfield cu a thin aa sum kho ti lo i, “Myanmar Ralkap Uktu pawlnih Mipi an thah an nawn peng rih ah cun, US nih a zoh sawsawh ti lai lo..A herhning in Military caaknak kan hma’n ve cang lai” ti’ah a chim bak ko.Ms. Linda nih hin zeiti bantukin dah kan hma’n lai timi belte a chim duh rih loh.

April 5-7,2021 chungah US le France hruaimi ” QUAD” members Australia,Japan le India pawl cu Myanmar Tipi kam Bay of Bengal ah Navy raltyk cawngtinak( Exercising) an nei lai ti’ah France Embassy,New Delhi nih31/3/21ah khan thawngthanhnak an tuah. Cu thawngpang cu Myanmar Ralkap Uktu nih an rak theih ca’ah 4 April in 11 April,2021 tiang ” SIN-PHYU-SIN” Operation(စစ်ဆင်ရေး) cu Irrawaddy Division i, Pathein Region, Chuangta, Ngwe Suang,Shwe Tha Yan Tipi kam Ti Meng-15(ရေမိုင်)chung poh ah Ti- Cung,Ti- Tang le Airfare an nei cang.Mipi a ho hmanh Tipi leng chuak lo dingin Ralkap nih thawng an thanh dih cang. Nizaan khan Tipi (Bay of Myanmar) ah Miakpi zuun-6 puah thawng Mesa Khuami pawl nih an theih ti’ah DVB/AFP nih an chim.

Hi “QUAD” Navy Exercise tuahnak ding kong hi March12,2021 ah khan US le France hruainak in an ceihkhan mi asi i, India hi tutan lawngah US Defence Minister sawmnak in a tel ve mi asi i, an i timh bikmi cu China le Myanmar kong ah asi bik ko.

France le US nih hin, Kawlram hi Warning an peknak asi i, Myanmar Ralkap an cawlcang sual ah cun kahcawlh dingin an i tim ready cia ti’ah PTI(India) le Nikky(Japan) News Agency pawl nih an tial. Cun,September, 2020 ah Russia, Iran, Pakistan, Myanmar le Vietnam hna nih Raltuk cawngtinak(Exercise) an rak nei ve cang bantukin, November,2020 zongah US, Australia,Japan, India le France”QUAD”nih Indo- Pacific Ocean Malabar ah Raltuk cawngtinak an rak nei bel cang.

UN Security Council Acting President Mr. Dang Dinh Quy hruainak in China Foreign Minister Wang Yi nih ASEAN hruaitu Indonesia,Thailand Malaysia le Singapore Foreign Ministers pawl cu an chawnh cuahmah liopi asi i, Myanmar Ralkap Foreign Minister Wannah MaungLwin zong an chawnh ve cang ti’ah Asean Times nih a chim.

Hi ASEAN ram hruaitu pawl nih hin NLD (CRPH) le Taingyinta Hriamtlai le Party Upa pawl zong ton biaruahnak neihpi an duh ti’ah Editorial ah an tial len hna. Tu’in aruahhlanah thawngpang thar cu kan theih cawlh zumh a um ngai ngai cang. Hngak rih hna usih mk bik lian.

Leave a Reply