US Election Thawngpang Thar Bik: Nevada state court Judge nih cun Republican hna nih vote an fir bak ko timi kong ah lawsuit an file mi cu December ni 3 ah khin an bia a ngeih (Hearing) piak hna lai.Zeitin dah Democratic pawl nih i thimnak ah khan mi an rak hlen timi a theitu le a hmu tu hna bia phuan mi cu America ram mipi hna nih an hmuh khawh lai.

Mah hearing ah hin Ballot paper ser chawm mi an rak thlak ning te hna cu a fiang lai. Fihnung taktak in Democratics pawl nih Joe Biden teinak hmuh ter an i timh ning cu phuan dih asi lai.November ni 3 vote thlak khawh caan tiang i vote rel mi ah khan cun Republican Presidential Candidate Donald Trump nih Democratic Presidential Candidate Joe Biden cu a tei viar. Mah ruangah mi tampi nih cun Trump nih teinak a hmuh tiah an rak aupi.

Joe Biden a sung ko ne lai hi tiah an ti i, Office an khar dih i, aho hmanh um ter an siang lo. A thaizing i rian an van tuan than ah cun khuaruah har ngai in khuazei ka indah a rat ti theih lo mi Joe Biden vote tamlak te cu a rak um.Tha tein vote an thlak mi ah khan cun Republican Presidential Candidate Donald Trump nih Democratic Presidential Candidate Joe Biden cu a tei. Natein Ballot paper ser chawm mi le mithi min in vote thlak mi tamlak te ruangah Joe Biden nih teinak a hmuh diam.

Relchap ko:US President Trump cu tunai te khan White House ah biahalnak a lak. Reuters White House Correspondent Jeff Mason nih cun Trump nih tutan Ithimnak hi a sungh na khan lai maw, Biden nih teinak a hmuhmi hi na cohlang lai maw? timi biahalnak a tuah. Trump nih cun fak tak tak in hi ti hin lehnak a tuah. Tutan hi US ithimnak a dih hnu in Trump nih media pawl hmai ah biahalnak a lakthannk a voi khatnak a si.

Trump nih cun fiang tak tak in White House a chuahtak lai maw, tutan thimnak hi ah Biden hi teitu tiah a cohlang lai maw, elector college nih Joe Biden vote an pek tikah timi cu hi ti hin lehnak a tuah. Trump nih cun ‘ Sungh khan timi cu biahalnak har ngaimi a si te lai. A ruang cu diklo i hrokhrawlnak tam tuk kan theih. A rannak i thil a kal khawh nak hnga Caan hi kan mah lei ah a um, a dikmi (fact) zong kanmah lei ah an um. Hihi lihrawkhrolnak ngan tukmi a si.

Kan ram chungah a um hrimhrim a si lo mi thil a si. Vote thlaknak machine ahohmanh nih thatha kan zoh khawh lomi hna kan hman tiah a lehnak a tuah. Cun tlawmpal ah Trump huat tukmi biahalnak an tuah i US President a simi kha bantuk khan ka chawn hlah tiah fak ngaiin thawnglatu (media) a phomh. Source: Daily Mail

Relchap ko:USA i covid-19 sining, karh ning hi politics he pehtlaihnak tampi a ngei in ka hmuh. Politics maw a biapi deuh ah kan chiah lai covid-19 ikhamhnak dah? USA nihcun politics hi biapi deuh ah an chiah rua ti in ka hmuh. A ruang cu :

USA president thim kum i covid-19 a tlunmi hi USA minung hna caaah thil poi ngaingai a si. President i thim kum hi si hlah sehlaw hi tluk ngaingai hin virus zong hi a karh hnga lo i a thimi zong hi ti tluk ngaingai hin cun an tam hnga lo.

USA ahcun covid-19 hi karh sehlaw, ram hi buai sehlaw nawlngeitu pawl an min chia seh ti a duhmi tampi an rak um. Covid-19 in mi tampi an zawtmi le an thihmi kha hruaitu ai then nak ding a si poh ahcun a poi ah an chia lomi tampi an um ti khawh a si.

USA i nifatin covid-19 mizaw thar mi 50,000 hrawng an karh lio ah khan mask hmang huaha loin USA minak pa kong ah sautuk lekpek duhlonak an langhter tibantuk, political campaign a tuahnak ah a karhter tuk tibantuk kha a tam ngaingai. Misual minak pa thihnak kongah khan president i thim kum sihlah sehlaw, kha tluk sau kha duhlonak an langhter zuam hnga lo. Zawtnak zong kha kha tluk khan an karh ter hnga lo.

USA ah president thimnak cu November 3 ah tuah a si Joe Biden nih a tei timi thawng a thang, zarh khat a rauh bak ah covid-19 vaccine kan chuah khawh cang timi thawng an thanh ve. 90% cu a him ti a si. Zarh hnih a rauh hnu in a dang company nih 95% a himmi vaccine kan chuah khawh ve cang an ti ve fawn.

Trump nih election vote ah hrokhrawl a tam tuk caah ka pom kho lo a ti i biaceihtu zung ah vote zohfel dingin a chim than tikah a tu tiang president thar zuamnak ah ai teitu i theifiang kho loin a um rih. Cucaah covid-19 vaccine zong cu kan chuah khawh cang an tinak thla khat a si cang nain a ho hmanh vaccine an chun rih hna lo. Joe Biden nih president ttuan hram ai thawk in hi si hi chunh an timh bia maw a si hnga? Trump nih a hruai hna chung ahcun vaccine chunh i mi nunnak khamh hi an duh lo bia hna a si hnga maw?

USA ah nifatin minung 100,000 reng lo hi zawtnak hi a karh ko i, 1000 hrawng an thi peng. Asinain uktu thar kan ngeih lo ahcun a thimi poh cu thi ko hna seh ti hna sehlaw ka dawh ter ngai. Election ahhin Trump hi tling sehlaw vaccine hi an thuh peng ko hna hnga maw?

Vaccine an chuah khawhnak a sau cang, ziah an hman bal hnga lo? Ram dang i an kuat khawh rih lo zongah ziah USA mipi tal an ven hna hnga lo? Zeinih dah a donh hna hnga? Kum vui thengmang i vaccine hman hi zeicadah USA nih ai timh peng hnga.

Vaccine kong lawngah si loin covid-19 hi USA mi tampi nih uktu ithlennak caah fak tukin an hman tin kei cu ka hmuh. Cattialtu : Dr. Aung Myint Thang