Farrawn khuami Pu Nawluk naa sa cannak kongah thil umtuning fianternak: Tihbual khua Pu Ceu Mang phuhri ah hi naa-tum hi Pu Rual Lei le Pa Bawi Uk nih a ruak an hmuh. Farrawn khua tlangval pakhat (Ling Kon naupa) zong a ruak hmutu ah aa tel ve.

Pu Duh Tling (Pu Rual Lei tupa) naa a si tiah an ruah caah, Pu Duh Tling cu thawng an thanh. Pu Duh Tling nih a zatlak saa cu rak can chung ding ah a rualchan pawl a sawm hna. Pu Duh Tling a va phak tikah cun a sa cu an rak can dih cang i, a kawrong a zoh than tikah a mah naa a rak si than lo. Khuami dang naa a si hnga maw tiah an hlat than i an zoh cio tikah, kan naa a si lo an ti cio. Cutikah , Farrawn kan Unau naa a si sual hnga maw tiah an chawnh hna tikah, Pu Nawl Uk naa a si lai tiah an ti.

Pu Nawl Uk a ra phan i Tihbual pawl nih hi naa a thimi hi Pu Duh Tling naa ah kan ruah sual i kan i palh. Nangmah naa a si maw? A sa zong pakhat hmanh kan phur lo nangmah lungtling tein awh an ti. Cu tikah, Pu Nawl Uk nih cun ” Nan rak can cu a tha tuk, kei cu ka riantuannak te a si le a sa ei zong ka duh lo, a mui hmuh zong ka duh lo” tiah a leh hna.

Cu tikah, Tihbual pawl nih cun “A zeisihmanhah na zatlak tuk, facang tuan lio nan si fawn le na riantuantu pawl ca tal ah an ti i a lu le a sa cu Pu Rual Lei le Pu Nawl Uk tupa (Bawite) nih a thlam ah an va chiah. Pu Nawl Uk a nu le a pa nih ” Hitihin nan rak fimtawl cu a tha tuk, rak hmu hlah ulaw a thu dih ko hnga cuteh, a tha tuk ko” an ti. Cu tikah Tihbual pawl nih i “A sa kong ah nan lungtling ning ten khuami zong phone kan in chawn piak ko hna lai” an ti i Pu Nawl Uk a nu nih a hau lo a thu dih lak ding pei si ko cu “a ti hna. Kan hnakkar ah a tang tukmi Uk Te, Thinlung in kan in ngaihchiat pinak mitthli hna hi, Ningzak le ngaihchiatnak sertu ah an cang te sual hnga aw??? By, Tihbual na nelthuang hawipawl: Credit: ‎Dawt Hnem Chin

A tang hi nizan ka tial mi asi:Ka lai mi hawi zeitin nan ruah ve hngaKa pa le neel facang an ttuan lio ah kan naa an i hruai hna voidang cu zaan ah an hren hna nain nithum zaan kha naa an der sual lai tiah a thlah hna. A thai zing ah ttih Bual mi pakhat nih phone a rak chonh ii naa a thi ii na naa a si maw rak zoh an ti.an kal tik ahcun a saa an rak can dih.zei tin a thih a ti tik ah kan naa nih an suk le a korong hri a ki ah ai bat ii a hrom a dalh ii a thi ko an rak ti. A ho nih a hmuh a ti hna ii cuticun kan zumh an ti tthan.a pum ah hmape zong a um fawn lo.

A korong hri hmangel cu tlawm paal a um. Asinain a thih nak hi phuhri ah a si fawn an ti.kan naa cu kumnga a si cang. Cutin naa a thi ti zong a um bal fawn lo.ka pa a phak ah le a saa cu an rak can dih cang. Kan lung a faak ngai a ruang cu a ho naa sat a si ti theih loin kan naa a thi mi a saa zong an rak kan can piak dih ko. Ka pa sin ahcun kan phung ning in a saa cu kan rak can an rak ti ko.kan naa hi zei ti sat in a thih nak hi hmu sih law i can u ti zong kan ti ko hna hnga. Ka pa cu a lu le a saa tlawm pal kha hihi i laak an ti ii a duh lo ii kan tu pa( ka nau pasal kan facang ttuan a riak ve mi a va zoh ve mi) le an khua pa sin in a saa tlawm pal cu kan thlam ah an rak peek.

Phone kan chonh hna ii hi kong ah hin kan palh lo an kan ti ko.mi naa a thi tiin a nei tu theih loin a saa rak i can ii vo rak i tthenh dih ko cu van ruat ve hmanh uh.kan palh lo an ti. Nang teh zei tin na ruah ve Lai Mi.kan khua pa naa ah kan ruah ii a si tthan lo kan ti ruang ah kan rak in hal an ti.an khua pa ka chonh tikah ka phak hlan ah a phaw zong an rak hawk dih cang a ti fawn.

Ka lung a faak tuk. Zung ah palik kan hlat tir hna lai tiah kan ti. Mah belte cu ka pu le ka pi nih zei a va si hmanh ah kan fale dai ko u law Pathian tu nih kan theih piak ko seh thlacam sih law Pathian tunih thluachuah a kan pek tthan ko lai an ti.kan naa tum neihchun mi te cung ah hitin kan ton cu kan lung a faak ko nain pi le pu bia cu ell awk a ttha fam lo cu teh zei ti awk ttha.

Ttial ding a tam pi ko nainhi vial hi cun nan lung a fiang cio men ko lai. Ka ttial duh bik mi cu nang teh a nei tu theih lo mi mi satil saa na can duh hnga maw zei tluk mi sa ram na va si hmanh ah? Asiloah na sattil mi nih na theih loin a thi tiin a saa i can hna seh law zei tin na ruah ve hnga?
( hi caa hi nan rak ka share piak cio nak lai kan nawl duh hna) kai lawm.