Nu na si ahcun Pi Chinchin Pekthang rak vote hrimhrim. Chin ramkulh hluttaw ah nu hna aiawhtu ding ah Pi Chinchin Pekthang rak vote hrimhrim. Chin ramkhulh hluttaw ah nu kan aw a chuah khawh nakding ah Pi Chinchin Pekthang rak vote hrimhrim.

2015 Thantlang peng thimnak ah thimfung a thla kho mi milu 33231 lak ah pa hi 16245 an si i, nu hi 16986 an rak si. Pa thimfung a thla kho mi nakin nu thimfung a thla kho mi kan tam deuh.

Chim duh mi cu nu nih fimkhur tein thimfung kan thlak (palai kan thim) ahcun kan ram caah thlennak lianngan a chuahpitu ding a si. Nu kan thimfung hi biakhiahnak pe khotu a si. Cucaah, nu hna zong nih nihin Lainu a dirhmun hi felfai tein kan zoh i, cawithlir a hau mi kha biatak tein thazaang kan pek caan a si cang.

Kan hawinu, kan chungkhat nu, rian kan ttuantti khat mi nu, fa pahnih a ngei ve mi nu, amah tein a thingphurh sei ai bei mi nu, amah tein a riahcaw ai bei mi nu, thla kua chung nau a rak pawi ve mi nu.

kan nuhawi taktak a si mi nu, kan kong kan lam a kan hngalhpiak i a kan chimrelpiaktu ding le a kan rian kho ding taktak cu Chinchin Pekthang hi a si ko.

“An ruahnak tikhur ral pet lo,” “nu bia in bia tlu hlah,” “darkhuang sumsel bang cumh len awk” tiin nu hna cu Lai phungthluk nih hnon kan rak si. Atu cu nu vialte kan nganfahnak le kan retheihnak vialte a kan phruhpi ding le nu hna caah phung an thluk mi a tunglettu ding hi kannih nu nih cun thimfung kan pek hrimhrim awk a si. NancyDawtChinSung