CNA ah:Mino tampi training kaiding ah’An lut a sinain a cheukhat cu kirh than an si a ruang.

Thawngpang

Chin miphun hmunkip ah a ummi mahle peng le tlang in raltuk thiamnak cawn dingin mino tampi nu he pa he CNA sin ah an phan. Thutdirhnak caah annih har ngai tawn. Zoh ah ngeihchia ngai a si.

CNA a thli tein an Rian tuannak chin ngam lomi tam tuk a um. Nihin Chin mi tampi nih CNA an thang chiat tuk in um hi a tha bak lo.A tu hi Falam, Matu tibantuk in CNA camp ah an tam tuk caah a cheu cu kirh an si.ram lei a ummi Chin miphun nih kan chawva in bawm khawh i zuam cio hna u sih Chin Monring Star News.

Relchap duh mi hna caah:Zeiruang ah dah CRPH nih Pu Van Thio rian an peek lo’ Pu van thio cu ralkap nih nihin nitiang hren rih asi ralkap kut ah aum ti ko uh sih tik ah CRPH lei in rian khinh sual hna seh law anih cu tlaih cia mi ban tuk asi caah a case tuah piak zau in thong ah fawi te in thlak khawh asiChin Uklian.

rian khi hei khin hna seh law kaco hlan hei ti seh law khoi ka dah ai thuh nawh khawh lai alam aum lo. tlaicia mi kawm chung ah aum caah asi CRPH nih rian an pek lo hi cu amah an dawt tuk ca le hmai lei ah caan tha an chia piak tu asi i an theih tuk ve ko nain an kil ven bia tu asi deu. hei khin sual hna seh law an mah nih thong ah an thlak tluk asi hnga.

Thawngpamg damg:April 16 ah CRPH nih cozah thar National Unity Government (NUG) cu tlamtling tein a vun ser cang. Cozah an ser cang caah um lo awk tha lo a simi cu cu cozah le mipi kilvengtu ralkap a si.Ralkap dirh ding hi CRPH nih a rak chim cang. Federal Army ti a si lai ti a si.

Cu Federal Army cu Myanmar mipi dihlak nih kan i hngahhlang tukmi a si. Caankarlak cozah an vun ser cang bantukin Federal Army dirh ding zong cu a herh tuk cangmi a si. Federal Army a dir ahcun ka lut lai tiin a hngakmi mino an tam tuk. Zeiruangah atu tiang a dir bal hnga lo tiin mi tampi nih kan cuanh cio. Hi Federal Army dirhnak kong he pehtlai in CRPH i ramkip biakchawnhnak lei tuanvo ngeitu U Htin Lin Aung nih cun caan tlawmpal lak rih a hau tiah a chim.

America a ummi Myanmar Democracy cawlcangtu hna he online meeting tuahnak ah U Htin Lin Aung nih cun “Atu cu cozah zong a hung dir cang i cozah tungtlang pakhat a simi ralkap dirh a hau cang. Kan dirh lai i kilvennak tuanvo an lak lai. Ralkap kan dirh hlan ah mah le mah kilvennak bu (PDF) kan tuah hmasa a hau. Mipi hi an lung a tho tuk i bawmh an kan duh, i tel ve an duh ti kan theih. Ralkapbu pakhat dirh ding ahhin ningcang tein thok a hau. Daithlang in tuah awk a tha lo. Caan lak deuh a hau. Caan lak in tha tein kan dirh lawngah mipi a kilvengtu ralkapbu a si kho lai” tiah a chim.

Cu lawng si loin ramkip hmunkip ah a ummi Myanmar rammi hna nih CRPH ah bawmhnak an pekmi 9.2 million leng a si cang i cu chungin cheukhat cu CDM a tuahmi hna bawmhnak ah an hman. Cuti i CDM a tuahmi hna bamwhnak ah an hmanmi cu MAH ralhrang nih an kham, hnahnawhnak an pek lengmang hna tiah U Htin Lin Aung nih cun a chim.

“Over 9.2 Million bak a si, atu tiang kan hmuhmi ah mu! Cu tangka hna cu ပြည်သူ့ဂုဏ်ရည်အဖွဲ့ hruainak in an khawlhmi a si caah anmah bank ah a lut cang. Cu chungin CDM bamwhnak ah kan hmanmi a um. Cucu hnahnawhnak tampi kan tong. CDM tuah ruangah harnak a tongmi tampi an um. Din le ei, cun ngandamnak lei zongah! Cu bantuk caah cun bawmhnak pek kan duh hna. Asinain ralkap nih a phunphun in hnahnawhnak an kan pek peng”.

Suimilam pakhat le cheu chung online meeting ah America lawng si loin Canada, Italy le Myanmar ramchung lei in cheukkhat zong an i tel kho. An ceih bikmi cu April 16 ah sermi UNG nih hmailei ah zei bantuk zuamcawhnak dah a ton lai? Ramleng a ummi Myanmar rammi hna nih zeitindah bamwhnak an pek lai timi kong a si the chin post.

Thawngpang dang:Tuni April ni17, kum 202 hi Myanmar Calender ah cun kumthar si bantuk in kum dang zongah cu kumthar lawmhnak ah tiah Myanmar ram chung khuakip ah ummi thonginn ah thongtla pawl an rak thlah tawn hna, tuni zongah uknak chut tu Min Aung Hlaing nih thongtla 23000 bak a vun thlah hna.

Mandalay thong inn pa 5 chung lawng hmanh in thongtla 2800 tluk an thlah hna, cun Rakhine ramkulh chung internet phiat ruangah tlaih a rak tongmi le thongthlak a rak tong tu minung pa 6 zong an i tel nain an mah he an rak tlaih tti hnami Ko Kyaw Thi Ha Ye Kyaw, Ko Soe Hla Naing, Ko Ye Yint Aung, Ko Bone Myint Kyaw hna belte an i tel lo.

A bik in tuni an thlahmi hna lak ah hin ramkhel kongah tlaih le thongthlak a tongmi pawl an i tel bak lo, Rakhine ramkulh thonginn kip in thongtla 646 bak an thlah hna, a luan ciami February ni 12 zong ah khan Min Aung Hlaing nih thongtla 231 a rak thlah bal cang hna, thongtla an thlah hnami cu i lawmh ding si ko nain a tanglei thil hi ruah hrim hrim a hau.

CRPh nih National Unity Government of Myanmar timi a hun dirh tik ah hi cozah thar biatak tein a cawlcangh khawhnak ding ah cun mino hna le ramkhel rianttuan tu hna hi an si, uknak an laak hnu ah minung an tlaihmi cu 3000 leng an si tik ah cheukhat ramkhel lei ngiathla tu hna nih cun thonginn chung ah thongtla an i tlum ti lo ti si.

Tuni ah thongtla minung 23000 leng bak an hun thlah hna tik ah thonginn a lawng deuh ngai ngai lai, ralkap uknak duh lo ruangah sandah piah tu, a bik in mino pawl an ral khun cang hna lai, cu ruangah thongtla an luatmi cungah kan i lawmh bantuk in mino hna nih kan him khawhnak ding caah kan mah te cio in i ralring hna usih Chin 24 seven news.

Thawngpang dang:Dr.Sasa: Mi leirawitu na si tiah thi dingah dantatnak pek ka si i, tleih ka si ahcun thah ka si ko lai. Zeipaoh siseh law kan mipi hna caah nuntthap lo cu thimding dang kan ngei lo. Democracy kan herh i zalonnak kan herh, Zalonnak le diknak le Democracy kan ngeih hlan lo cu kan i din lai lo. Asung kan khang lai lo, kan ngol fawn lai lo. Kan dih lak (NUG) in kan ram mipi caah kan nun kan thaap tiah BBC nih biaruahnak an ngeih lio ah a chim.

Hi konghe pehtlaiin Dr. Sasa nih National Unity Government (NUG) dirh a sinak kong fiang tein a chim. Atimi cu National Unity Government hi mipi nih dirhmi le mipi caah dirhmi a si i, ramchung tlangcung hriamtlai hna siseh, Political pary si hna seh, thimtlin mi parliament member hna le civil society bu vialte hna huap in ram mipi hna nunnak caah dirh mi a si i, Ttuantinnak, a fekmi pehtlaihnak le pum khat sinak he thatein dirhmi National Unity Government of Myanmar asi.

Kan president cu Kachin hruaitu ttha a si i, kan prime minister cu Karen State in a si. National Unity cozah ah minung 60% hna hi tlangcung hruaitu bochanmi lawngte an si hna i, hi nih hin kan hmailei lam aa kan sialpiak khawh tiah a chim rih. Kan hmailei caan hi ralkap nawl lawngin khuakhan lairelnak tel loin hman kan duh. Kan hmailei caan cu Federal Democratic Union a si i, ttuanttinak lawngin mah Federal Democratic Union of Myanmar cu kan phan kho lai.

Cu ruangah tuchun ah hin mipi hna nih an duh ning le mipi hna nih an ca hrang le ram caah rianttuan dingin vote an thlak mi 2020 thimtlinmi bangin a tthawngmi cozah kan dirh tiah a chim chih. Rianttuan ning cang zong thatein kan ngei dih cang. Pakhatnak cu a lamkip in ralkap bia lawngin khuakhan lairelnak vialte hi hloh dih asi.

Pahnihnak cu ralkap lutlai hna nih an tuahmi 2008 phunghrampi hrawh or let a si. Pathumnak cu Federal Democratic Union of Myanmar dirh a si. Palinak cu mipi cozah dirh asi. Cubantuk cun Kawlram zalonnak le Democratic Union of Myanmar caah road map fiang tein kan tuah cang. Ram zalonnak le Democracy ram vialte hna nih mah National Unity Government of Myanmar hi an cohlan a hau.

Lam damdang a um lo. Mah National Unity Government lawng hi Myanmar ramchung ah diknak le zalonnak a chuahter tu dingah lam a um chun mi a si. Atu ah hin ralkap hruaitu hna cu ralhrang an si cang hna i, minung 740 renglo an nunnak an lak cang hna. Democracy le zalonnak thimnak result an thuhnawh sawhmawh mi asi lo i, Kawlram mipi hna an nawn cuahmah hna.

Nifatin ram mipi 54 million hna cu thinphang in an tuah cuahmah hna. Khuapi siseh khuate ah siseh an lut an chuak i, minung an thah hna. Ramkip community hna nih cozah thar hi aa kan cohlan lo in aa kan zohsawh sawh peng ko rih a si ahcun hrial khawh lomi tukdohnak a chuak lai i, minung cihmihnak in a dih lai tiah a chim chap. Note: Mah biahi BBC he biaruahnak an ngeihmi ah a chimmi asi.

Leave a Reply