Covid-19 na zawt ruang ah na thinphang hrimhrim hlah seh.Fawi tein damnak hi rak tuah ve

Thawngpang

Pulrai/Covid In Kan Zawt Lio Ah Khan Zeibantuk In Dah Ka Rak Izohkhenh I Kan Dam?Tutan Covid-19 in ka zawt cu a awl lo taktak khi si,ka zawtning cu, a caan tete ah khin ka lu hi a faaktuk silemlo khin a van faak tawn,cun ka khua hi dinte khin chung lei nuamlo khin a sik tawn(Raithli fawnh),ka chungin a ka thlet chihfawn,ka taksa hi a faak dih,uaihnang khin ka um i,phone chonh hi a ttih bak in ka ttih,Facebook ka zoh bak ahcun ka lung a mit,ka luak a chuak ka taksa a hit dih tiawk khin a um i,ka tha a dih,ka thaw chuah hi a har ngai,ka mitmu a faak,ka khuh pah chih fawn,fah vialte ka kemh dih khi si ko,nan si cio dek maw.

Mah pawl cu zeibantuk indah kai zohkhenh:A vawikhatnak ahcun Lai lei i tisa belpi in kan sat hluahmah mi bantuk khin tisa an ka sat piak i mah cucu ka hmaika ah ka chiah i,mah hnuah puan kha tisa khu chuak kholo dingin an ka khuh i,mah hnuah tisa bel chin cu ka hon,mahbak ahcun helmei te tlak tluk a si lai tiah ka zumh,ka taksa vialte ah a sa milawngte,ka dawp mi ah le a sa mi khu,ka chuak mi ah le a sa mi khu thiamthiam a si,a awl lo,mah ticun tisa khu cu heh ka dawp i ka hnar in ka chuah tthan,minute 5 tluk kai tuah hnuah tisa bel cu ka hei nawr i,mah hnuah ka thlan cu puanchia in kaihnawh dih hnuah puan cu hnuamsa tekhin ka hawh i,ka thlan a deih in angki dang kaithlen hnu ah minute 50 deng ka hngah hnuah mah tisa cun kaikholh cawlh than.Cun,ka thawchuah a hardeuh paoh ah bawktekhup in minute 45 tluk ka bawk,i ka ttha lengmang tthan.

Mahbantuk in nikhat ah vawi 2 lengmang ka tuah i,a hnu ahcun taksa a dihlak i thlan in iciah lengmang cu tiah Electric i hei sawh i tisatnak,mah ahcun hmai a ningpi in khumh i tisa khu dawpnak a um i mah cu india tangka in Rs 350 in ka cawkter hna i,nikhat ah vawi 4 tang ttumlo in kai tuah lengmang i heh tiah tisa khu cu ka lemh,ka dawp i,ka mitmu fah zong a damter i mit zong a fianter phah ngaingai.Mah ticun,ka lu a fak deuh le parasitamol ka ei i,ka khua a sikdeuh le raifanh sii le parasitamol thiam ka ei i,ka khuh si le Rexcof DX khi ka din i mah ka din khawh cun tisa hrai khat ka din chih i,minute 10 ahcun thinlung a van nuam ngai i kai hngilh diam,cun ka khuh cu nikhat ah vawi 3 ka din cun a lodiam ko.

Cun,Ka chung a ka thlet ah khan,Dipendal ti mi sii khi tlang 3 ah Rs 20 a si i mah si cu ka ei i mum 3 ka din ahcun ka chungthlet a dam diam fawn,a mah belte suimilam 6 hnu lawnglawng ah mah si cu ei ding a si,tha a laktuk caah si.
Thazaang caah:Covid nih hin tha a laktuk caah hin inn chung i chawhleh hmanh hi celh ding a si lo,cucaah,Ungthei haang,Ungti hang,Vai nih cun,Narial pani,an ti i mah cucu nikhat ah hin pum 4/5 tiang keimah lawng nih ka din peng,kan damlo chung ah khan,Ungthei hi kan nau.

le le kan fa le kan hawi le nih pum 70 renglo deuh a si in ka theih an kan peek i kanmah nih kan cawk mi he cun pum 140 kan din i mah ahcun keimah lawng nih ka din mi hi ka damlo chung ah khan,pum 50 tluk ka din,mah pinah thei,Anar le Apple le Misur thei hi kai tthang caan paoh ahcun ka ei peng fawn,mah pinah,Dahi/Lasi tizong ah ti khawh a si,mah cu nikhat ah hin dur 2 lengmang ka din rih i,a tu cu Pathian thawngin ka dam.A tang hi,Coconut/Narilpani,Ungthei ka ti mi kha a si.Asinain,Ungthei kha Lailei ahcun a har lai caah,Cawhnuk hna din chih te,cun Vitiment C kha ei hrimhrim te mu!A tu zawtnak hi thazaang a der mi hi a nam khun hna i an zual khun.

Adonghnak ah ka miphun Covid in a zaw mi hna sizung i kal cawlh kha itim hlah uh ti kan duh hna,ka tuah bantuk khin tuah ve hmanh uh,nan thawchuah a hardeuh lawng le nan khua a sikdeuh le nan lu a fak deuh lawng ah si lo in caanhman tein nikhat ah vawi 4/5 cu tisa khan i hut,tisa khu kha dawp law, tisa kha nikhat ah hrai 8 tang ttum lo ding peng law,sii ei ding mi tete ka ttial mi kha din chih law na thazaang umnak dingah din ding le eiding ka ti mi tete kha ei velaw na tthatpi ve hrim lai tiah siaherhnak he ka van in hrawmh mi hna a si.Cun,na thawchuah a har,na thaw a pih ahcun bawktehup in a tlawmbik minute 45 tal bawk law na thawchuah a ttha ko lai.

Cun,kan hnu i,zawng haileng hnah a ttha ka ti mi le Hnamtur(Rimnampa) ka ti mi kha lih a si loh,an dampi bak mi a si ti a si caah khan a hmu mi nih chuum ulaw rak din chih fawn uh.Ei dingtu nan dihlak,Bawipa nih nan ca damnak ah thluachuah in pekpiak cio ko hnaseh.Damnak caah thluachuah a ka peekpiaktu cu,Bawipa a si Saya Tin Duh Thang.

Thawngdang Oxygen Sehzung Ah Mipi Hna Nih Oxygen Rawn Nak Nawl Cu Rallokap Nih Phihkhar Nak An Tuah.Rallokap nih oxygen sehzung in mipi pumpak cio nih oxygen rawn le cawknak kong ah rallokap lei in rikhiah piak nak kong ah rallokap lei biachimnak nawl ngei tu Zaw Min Thun nih nihin ah a cohlan.

Yangon telh in private oxygen sehzung hna le mipi hna sin oxygen zuarnak kong ah July 10 zaanlei in rikhiah piaknak a hung chuak, atu sehzung tamdeuh cu rallokap nawlpek nak ruangah mipi hna sin ah oxygen zuarnak nawl phihkhar piak an si.

Oxygen he pehtlai in private ngeihmi zong rikhiah piak mi an um.Pumpak pakhat cio oxygen rawn piak si lo in, a herh deuh mi sizung hna lawngah rawnpiak ding in rikhiah nak an tuah. Aherh tak mi hna nih cun an um nak hmun ngandamnak lei riantuan mi hnatlak pi nak in oxygen rawn khawh cu a si. Oxygen he pehtlai in online cung ah hlen nak a um, mipi hna nih a herh lo in oxygen rawnnak an tuah caah atu bantukin rikhiah nak hi kan tuah” tiah ralhrang rallokap phu biachimnak nawl ngeitu Zaw Min Thun nih a chim.

Oxygen rawnnak kong lawng si lo in mipi hna nih Oxygen dur zuarnak kong ah ngol ter ding in ralhrang nih South Dagon chung ummi oxygen dur zuarnak dawr hna cu nihin ah an tlerhkhonh hna tiah khuami hna nih an chim.

Mon ramkulh Mawlamyine ah July 12 zing suimilam 9 ah ( ေက်ာက္တန္းစက္မွုဇုန္ )Thanlwin oxygen sehzung ah oxygen rawn ding in a ra mi ,mipi hna ar tlang in an dir lio ah palik sakhan in sakhan hmu(စခန္းမွူး) cu ra in sehzung khar colh ding in le oxygen rawn piak tu hna cu kan kah hna lai tiah a tlerhkhonh hna, sehzung cu kharter a si tiah Mawlamyine thawngzamh nih a langhter the chin post.

Leave a Reply