Japan Ram Ruah Aa Tam Ca Ah Minung A Thi Mi An Karh, Ruah A Dai Rih Lo

Thawngpang

Japan Ram Ruah Aa Tam Ca Ah Minung A Thi Mi An Karh, Ruah A Dai Rih Lo: Japan ram Minung 200000 leng khuasaknak Kyushu tikulh ah ruah faktuk in a sur caah ti-lian le vawlei a cimhnak ruangah minung nunnak a liam mi Minung an tam cang tiah Japan Times nih June 7 ah a ṭial.

Japan Times nih a ṭialning ah tutan nikhuachiat ruah a tam bantuk hi kan hmu bal lo. Inn le lo aa chilh dih i cu chung cun a thimi an um tiah theih a si. Inn le lo chuaktak in hmundang an zam. Cucaah atu hi an Prime Minister Shinzo Abe nih bawmtu ding ah ralkap 10000 kan kuat hna lai tiah a chim.

Kumamoto le Kagoshima khua an umnak tikulh cu Japan nitlak thlanglei ah a um mi a si. July 7 tiang ah Ruahpi a hang Kho taktak rih lo tiah theih an si. Atu ning in ruahpi a fah ahcun harsatnak Kan tong chin lengmang lai tiah Japan Times nih a ṭial. Japan ram hi Vawlei Cung ah lihnih a Tam biknak ram an aa tel mi ram a si tiah theih a si.

Leave a Reply