Khuaruahar thil a cang:Biden party pawl nih’Mithi an tho tar than hna’Trump teinak ding caah.

Thawngpang

Bawi Jesuh lawng nih dara mithi a thawh ter hna pei tiah Democratic pawl zong nih mithi a kumkum in thlankhur chung i vui cangmi hoi hna an thawh ter ve khawh ko hna cu e!
November 6, 2020 admin

Bawi Jesuh lawng nih dara mithi a thawh ter hna pei tiah Democratic pawl zong nih mithi a kumkum in thlankhur chung i vui cangmi hoi hna an thawh ter ve khawh ko hna cu e!

Na lih nan ka ti sual ahcun, a thi ciami social security hmangin illegal pawl nih an voh ko cu ta! Mah cucu mithi thawhter i vote asi ko lo mei? Trump a ttanpitu pawl hrangah thachiat lo ding. Aruang: atu i kan hmuh tawnmi pawl result khi official asi rih loh, Media pawl nih an project ning lawng asi rih. 100% in vote an rel thlu rih lo ruangah result ai thleng kho rihmi an si hna. Tahchunhnak ah Fox news nih cun 74% hrawnghrang lawng an rel rihnak Arizona state ah khan Biden tei an pek chung cang. CNN le adang News pawl tu nih cun atu 86% tiang an relmi hmanhah tei le sungh an pe rih hna loh. Asinain Trump tu a kai chin thluahmah i Fox news nih an sungh ter cianak Arizona state hmanh ah khin Trump nih tei tthan khawh asi ve kamkhat lei cun.

Nan theih cio bang lih le hrokhrol a tam ngaimi chungah Michigan ah mail-in vote pawl a caan a luan hnu i carek zung a rak phanmi pawl zong stamp kan nam hna i kan rel ko hna tiah whistleblower(thil thlithup phuangtu) UPS riantuantu nih a phuan diam ko hna. Mail in Trump an vote mi pawl zong hnawmbawm le tiva hoi hna ah voi tampi an hmuh bal cang.

Vote thlak zaan ah khan observers pawl nih an um hnawh hna lio ahcun Trump nih sing nga lengin Michigan, Wisconsin le Georgia ah a tei asinain zinglei 3:00am hnu zohfeltu an um ti lo hnu in zingka arkhuan hrawnghrang cun Biden tu nih a lonh deih ko. Cu ruangah Trump le Republican nih cun an vote rel ning kongah an zum kho hrim hna loh. A dung hmanh hei sung sual sehlaw vote rel nolh dingin challenge a tuah khawh rih. Thachiat rih ding asi loh, Arizona ah Trump nih a tei ahcun Nevada theng va tei hau loin Tei khawh tuk rih asi.Credit-Salai Cbt Zaathang

Relchap ko uh:Joe Biden cu 1942 kum Pennsylvania pyine ah a chuakmi a si. Biden a chuah lio ah hin misifak an rak si. A hnu ah a pa nih rian a ttuanmi an hlawh a tling I mirum nawn (middle class) ah an van I chuah. A ngakchiat lio tein a holh a aa mi a si caah fak ngai tein holh ran zong a rak cawng.

1965 kum ah Political Science in degree a lami a si. Biden cu zu din a hmang loh. Ka chungkhar lak ah zuding an um pah len I a zatuk tiin a chim. 1966 kum ah a pakhatnak a nupi a ngei I fanu pakhat le fapa pahnih an ngeih hna.

1968 kum ah Law in degree a la tthan I lawyer a ttuan. 1972 kum ah motor accident in a nupi le kumkhat te lawng a simi a fanu te cu an thi. 1977 kum ah a tu a nupi hi a tthit.

1970 kum ah American tuanbia ah a paruknak kum nobik Senate MP a si. American Senate, Foreign Committee ah senior chungtel pakhat a si. Cold War a dih hnu NATO phu an tthawnnak hnga caah, 1991 kum Yugoslavia ral thawhnak ah American pawl vat el venak le 2002 kum ah Iraq ral tuknak ah hnatlatu in aa tel vemi a si.

Cu hnu ah Srenate biaceihnak committee chairman a van si. Universities pawl zong ah Law hen pehtlaiin lecture a pep ah lengmang. 1988 kum ah Democratic party in former president in President a rak I cuh ko nain a rak sung.

American tuanbia ah a pa 16nak a senior bikmi hluttaw MP a si. American hluttaw chung ah asi a fak bikmi MP lak ah aa telmi a si. MP ka tuan chung a sauh tuk ruang ah a si tiin a chim. Nuam takin um a duhmi a si I pekchanhnak ah a ui lomi, a siang ngaimi le daitein um I bia al a tthanwg taktakmi a si tiin an chim.

Senate ah voi 6 tiang thim a tongmi a si I 2008 kum ah Barack Obama he kut sih in Vice President terms 2 chung a tuanmi a si. American rampi chawlehthalnak khor chung in a tlak lio ah a lu a tunmer tertu lak ah aa telmi a si. University le organization pawl lak in minthatnak laksanwg tampi a cotu a si I, 2017 kum ah American ram nih a sunglawibik ‘Presidental Honor of Freedom’ award cu President Obama nih a rak pek.

Leave a Reply