Laimi 26 india palek nih an tleimi hna kong ah thawngfiang le thawngpang thar a chuak cang

Thawngpang

Guwahati ah tlaih a tong mi Chin mi 26 kong ah Nizaan zing in biatak tein biapi hram thok an si. Guwahati ah a um mi U Siang (Deborah nu) nih a tlangtlak hna. A dam lo bu in dawtnak le zawnruahnak nganpi he, A Ihnak Sizung ihkhun in Police Sakhan le Court, Medical check nak ti bantuk a tawlrel hna, a zulh hna. Lockup an chiah hna nak ah a ton hna i thazaang a va pek han. U Siang le an kan tawlrel pi tu hna cu zing in an kal hna i zaan suimilam 10:00PM hnu ah inn an phan

Nizaan chun hrawng in khan UNHCR Delhi zong bia kan ruah hna, cu hnu ah U Siang (Deborah nu) he pehtlaihnak kan tuah ter hna i UNHCR-Delhi lei zong nih an kan buaipi. A si nain An case kha a har deuh caah chuah khawh an si rih lo.

Nihin ah ca tampi tial a si, Petition ti bantuk zong tuah a si. Court ah hearing a um rua lai tiah kan ruah nain, zaan lei ah khan, Khual in a ra mi an si caah Quarantine chiah an hau tiah an ti than. Nihin in Quarantine ah an lut ter dih hna. Ni (10) chung an um lai. Cu hnu ah an case kal pi tthan a si lai (Nihin taing an chim ning ah)
Mizo kan unau tampi nih an kan dirkamh, an kan tlangtlak. Cun a bik in MP Pu Lalrosanga, MP Pu Vena zong nih heh tiah an kan dirkamh than. Mizo kan unau, kan MPs hna hi upat lo awk an tha lo, an cung ah lawmhnak chim ding a tam ngai ngai cang.

Keimah cu Delhi ah ka um caah, keimah aiah biatak tein chawva le caan pek in a cawlcang tu Deborah nu zong ka thangthat taktak. Ni (10) chung cu Quarantine chiah ding ti a si caah, zeidah kan lawh lai timi chim chung awk a har ngai rih Salai Cung Dawt Delhi CHRO hruitu.

Leave a Reply