Lawm a um ko:Kalay ah thawngpang thatuk a chuak cang.

Thawngpang

Kalay ah Lamzawhtu Tlaihmi le Ralkap Hnuzul Tlaihmi Thlennak an Tuah’April 3 ah Kalaymyo lamzawhtu hna le Myanmar ralhrang ralkap karlak ah tlaihmi minung thlennak an tuah, tiah thawng kan theih.
Mipi lei ttuanvo ngeitu pakhat nih, “Ralkap nih tlaihmi kan i thleng hna lai tiah a kan hal zungzal. Zinglei ah minung 2 an rak thlah. Cun, zaanlei ah minung 6 an thlah tthan hna. Nizan zong ah khan minung pakhat an thlah,” tiah a chim.

Ralkap lei nih an tlaihmi minung 9 an thlah hna caah mipi lei zong nih minung 6 nihin ah an thlahpiak ve hna.Mipi nih an rak tlaihmi hna hi traffic police minung 5, palik 1 le Dalan 1 an si i, cu chung ah cun minung 6 nihin ah an thlah ve hna hi a si.The Chin JournalApril 3, Yangon Chinlung Today

Relchap duh mi hna caah:Kachin Independent Army (KIA) sinah luh a duh mi le fonh a duh mi hna Kawl ralkap pawl cu lumsa tein kan in don peng ko hna lai tiih Kachin Independent Army (KIA) nih thawngthanh nak an tuah.

Uktu thalo le hruaitu thalo nih hramhram in nawl an pek mi hna ruangah Kawl ralkap tampi hna cu an chungkhar, an nupi le an fale hna, an dawtmi hringtu nu le pa kaltaak in ralram hmaisuang ah an kalter lengmang hna i KIA pawl zong nih an ram le miphun humhim nak caah an rak kah thah ve lengmang hna.

Cu ruangah Kawl ralkap chung in minung tampi hna cu uktu thalo le hruaitu thalo nawl peknak ruang ah hramhram in ralram ah hmaisaung a si mi hna le thihnak thlankhur cung ah a dir mi hna chung in KIA ralkap sinah luh a duh mi hna le fonh a duh mi hna cu sunglawi tein le lumsa tein kan in don lengmang ko hna tiah KIA leinih thawngthanh nak zong an tuah hna.

Kawl ralkap tampi Kachin ramah a um mi hna cu KIA sinah an i up cuahmah cang hna tiah zong thawngtheih a si, cun KIA sin i an luh tikah le an i up tikah hin ralkap nih an ngeih mi phungphai ning tein kan in cohlan hna lai tiah zong KIA leinih thawngthanh nak an tuah hna.

Tulio hi KIA le kawl ralkap fak ngai in an i kah cuahmah lio zong a si i Kawl ralkap nih vanlawng in an kah cuahmah hna. Ralkap uknak a dih tikah cun mipi nih kan hngahhlang ngai mi Federal Democracy zong kan hmu hrimhrim ko lai tiin KIA lei nih mipi sinah biaro an vuih hna.

Leave a Reply