Lung Thli Tum:CNF Nih SAC Ralhrang Hi Kap doh Hna Hlah Sehlaw Ka Duh Hrial Hna Seh.

Thawngpang

Uico ralkap hna thaizing kan ralkap hna an hmunhma an luh tikah i kahnak um hraw loin kan miphun ralkap nih hrial ko hna sehlaw ka va duh dah. Victoria camp zong nunnak liam hraw lo tein kan ralkap nih hrial chung ko hna sehlaw ti hi tulio ka thlacam a si.I kap taktak ahcun uico ralhrang lei tampi an thi ko lai nain kanmah kan thisa unau tampi nunnak a liam ve lai. Kan tahnak mitthli kan hnawt cawk lai maw? Kan miphun lungfahnak le ngaihchiatnak kan tuar kho te hnga maw.

Hriamnam lei kan i ready hlan atu lio kan dirhmun in ral nganpi tuk kan i awt ahcun kan i tinhmi ralkap cozah thlak silo le Chinram in uico ralkap vialte thawl dih in mah tein i uk timi a si kho rih lai lo. Kan hriamnam pei ai thlau tuk rih cu. A theipar a chuak rih lo dingmi ral tuknak ah ka hawile le ka unau tampi nunnak a liam ding khi ka siang bak lo.

Victoria camp an lak zong ah CNF tinhmi an lak kho lai lo kan nunnak le kan miphun dawtnak lungthin an lak khawh lo a biapi. Camp cu zakhat hmanh kan ser than te ko lai. Camp Victoria zamtak chung khi Chinram zam tak a si hrimhrim lo mu.Zeizong vialte a tlinter khotu kan Pathian tu nih kan ralkap hruaitu hna lungthin ah riantuan sehlaw kan miphun caah a tha bikmi biachahnak tuahter hram ko hna seh.

Kanmah le siaherhnak cu kan langhter cio ko lai nain hruaitu hna nan biachahnak tanpi ding cu kan dihlak kan rian a si ko. Nan kah hna zong ah siseh, nan hrial hna zong ah zakhat ah zakhat kan in tanpi ko hna mu. Ka miphun ka dawt i ka siaherh tuk ve caah i sum kho loin ka vun tialmi a si. Keimah pumpak caah thahnemnak pakhat te tal hmanh a um lo ding le tampi nih nan ka huat ding nan ka doh lai ding zong ka hngalh cia ko mu.

Thawngdang relchap Chin ralzam hna cu ting 6 cio ka pek hna lai i an khua ah him tein ka umter hna lai: Uknak a buai ni thawk in kawl ram chung ah ralzam cu an karh chinchin hna i a tu hi India ram le Mizoram ah a zammi zong an tam ngaingai cang hna tiah kan theih ciami kha a si. A tu hi Min Aung Hlaing nih a ram chung ralzam viale an khua cio ah him tein ka lak dih hna lai tiah a thanh tiah theih a si i a bikin Chin state ah a ummi Paletwa ralzam hna hi October thla chungah an umnak khua cioah ka lak dih hna lai tiah a chim.

An khua cioah an kir ding a si ahcun ral ruangah a rawkmi an inn le an lo vialte cu ka remh piak dih hna lai i an khua pawng ah a ummi lei tang bom tarhmi vialte zong an fuse ka thlak piak dih hna lai tiah a chim. Cun an eidin tiangin ka bawmh hna lai tiah a chim cu a si. A hramhram in cun lak dingin a chim loh i khua ah kir ding le kir lo ding timi kongah hin khuami hna an nawl a si lai tiah a chim.

Cun khua an kir tik zongah an ke in an kir hna lai loh i mawtaw le boat in kan phurh hna lai i tha dam tein kirpi an si hna lai tiah a chim. Cun inn khat ah kawl ram phaisa 583000 in bawmh nan si dih hna lai i inn ai rawkmi remhnak caah kawl ram phaisa 386000 pek an si hna lai tiah a chim.

Cu lawng si loin December thla tiang khi an eidin le an khuasaknak caah phaisa in ka bawmh rih hna lai tiah a chim cu a si. 2020 kum April thla chungah AA le kawl ralkap an rak i kahnak ruangah khuate 21 ah khua a sami khuami 5000 leng cu a tu tiang hi Paletwa khua chung a cozah sianginn ah ralzam in an i dor ko hna tiah theih a si. Reference: Burma News

A mah kong dang Salai Lungthli Tum nih a chung khat an velhnak in CDF-Thantlang thangchiatnak a kawlnak in Saya Vabilo an thah timi cu comment ah a hmuh i fiang deuh in hi kong hi rak ka chim te law” tiah a nawl.Chat sesseion ah an i chon lai ka zumh. An hmantlak le a sining a dikhiar in a langh ter.Saya Vabilo maw a palh CDF-Thatnlang dah a palh timi cu kan zoh rih lai lo. A hnu ah zohfelnak kan ngei tthan te lai.

Salai Lungthli Tum hi Chin mino a bia in Lai mino Salai Ngun San Aung le a mahnak mifim deuh CNLD Specialist campaigner a min ka philh kha a zuamcawh ngai hna. A duh ning in a um lo mi Salai Tlung te zong a thang chiat le Tangka fir tiang le Motor cawk ding in a puh hna. Salai Lungthli nak mirum deuh hi Laimi no ah um ha sehlaw tangka a palh hna lai a thah ter hna lai. A lungput khi a rak chiahru ve hrimhrim. Hmailei zong ah CDF-Thangchiatnak a kawl tthan rih lai. Minung cu a tlamtling mi kan um lo caah tampi a hmuh rih te lai.

CDF Thantlang nak in Min Aung Hlain hi a sual deuh nain CDF va luh le doh cu chim lo Min Aung Hlain dohnak ah ca tlangkhat zong a tial lai lo. CDF le Laitlang mino thangchiat duh ah Min Aung Hlain soiselnak in biatlang a thok lai. A mah a mithmai an tlamnak chim kaannak si.

Mara Community upa nih an i thawh i CDF Thantlang an hro hna. Mifim an um ve lo hlah maw ti awk in! I ceihhmainak lungput ngei an i tim lo. I doh taktak sisehlaw Thantlang peng cu an tei bal hna lai. Milu an i zat lo tuk cu ta. Ngeichia zong aa lo lai lo. USA mirum khi zoh hna uh law Thantlang peng lawng te an si khi. Yangon mirum zong zoh hna uh law, Thantlang peng lawng te an si.

A herh ning in action lak nan i timh mi hi zei ti hlei in nan la kho lai lo. Hi bia hi a herh lo. An ngaichiatnak an langh ter mi kha a za ko. An bia an chap tuk i, an i palh taktak. Min Aung Hlain nih minung tam tuk a kan thah cang i, India le Myanmar Mara nih zei action dah an lak cang. Tangka fangkhat zong an tho rih lai lo.

Kan chim le kan lungput kan remh lo ah cun Rallokap kan tei hlan ah Chin mi le Chin mi kan i do cang lai. Mara upa pawl nih an ca chuah mi ah remhnak an tuah a hau.CDF Thantlang zong nih a thimi chungkhar hna cu nan ngaichiat pi hna a hau ve Compromised mindset hi a herh tuk lio a si.

Leave a Reply