Amecican hi cu vawlei cung hruaitu a si tikah aho poh nih zohthla dihmi a si. A hleicein America, EU le Nichuahnak lai (Israel-Arabs) hi cu kan Bible nih a kan cawn piakmi caan donghnak ding kongah Fidi/Fitlaw (Cangtunu/Cangtupa) ding an si. American politik bak hi cu politik sawhsawh a si lo. ‘Thlarua lei dohnak’ tiah vawlei cung zumtu hruaitu pawl nih an ruah! Tutan ahhin Pathian bia a duhtu Chinmi zumtupawl le American zumtu pawl nih kuttlaihin thla kan cam i, kan tanti ding a si. Pathian nih hi bantuk a thurhnawmtukmi Biden teinak a hmuhter a si ahcun tinhmi tha deuh a ngeitinak a si lai.

Tu nai ah Pennsylvenia, Arizona le Michigan ramkulh ah Trump a sihni Giuliani le Jennis pinah thil diklo a hmutu tampi an hmuhmi le an theihmi an chim. A sinain Media a nganmi nihcun Hearing pawl ahhin an chuak duh lo. Fox News ah pahnih khat te lawng an lang! Twiiter nih Pennsylvenia i meeting kotu Senate hruaitu le Arizona i vote namber um ning chimreltu cazin lei mithiam (data scientist) pawl ID bel an phih colh.

Pennsylvenia ah thil a cangmi hi a mak kho taktak si. New York in Pennsylvenia ah ramri lonhin mawtu lian taktak pahnih bak in vote an phurh ti si. Hikong hi a tu biatak tein an hlathlai lio si.Cu lawng si loin vote relnak hall hnulei kam in khawika lei vote ti theih lo box tam taktak an cawi ti si. Pennsylvenia (PA) case cu SU Supreme Court ah pek a si cang i, Court nih a cohlan le cohlan lo theih a si rih lo. Cupreme Court nih a cohlan ahcun Trump nih hi tazacuainak ah hin teinak a hmu lai tiah zumh a si. An cohlan lo ahcun phundang in an kawl a hau lai. Phung a theimi Sen.Ted Cruz (TX) nih Supreme Court cu cohlan dingin a nawl.

Georgia hi min aa khat maw, Vote diklo a um maw timi zoh feldingin Governor le Secretary of State nih a rem an ti rih lo. An pahnih in Republican an si nain Dem lei an tih hna caah a si. A ruang hnu buainak an kan tuah lai ti an phang caah si kho. Hmun then khat ahcun vote relnak seh Dominion a rawk ti a sinain Judge nih cun hi thil hi thleng lo dingin nawl a pek hna.

Arizona zongah Govenor Ducey nih ” Kan State ahcun vote diklo a um kho lo. Kan ram nih vote a pek ning phung a tha bik mi kan si” a ti. A sinain Data Scienst nhi Arizona ah vote 300,000 hrawng cu a diklo a um lai a ti ve. Hi lawng hi si loin mi tampi nih a hmuhmi le an theihmi an chim cio ve

Michigan State Hluttaw ah nizaan ah khan vote dik lo hmutu pawl Hearing an nei . mitampi nih an hmuh mi an phuan. Tu hi Trump sihni pawl zong tonnak Hearing an nei ve chom lai i, mit bak in thildik lo a hmutu hi minung 100 lengkai an si.

Trump nihcun Biden vote a hmuhzat hi million 80 a hmuh hi a cohlang lawnglawng ah White House ah a lut khawh lai. Biden hi milliom tampi vote lih in a hmuh tihi an zumh cio mi a si. A ruang cu Obama nakin midum pawl an tampi nak ah vote tamtuk a hmuh i hihi zumh a har khun nak a si. Swing State an i zuamnak ah hin a hleice in Ballot million lenglo hi a thli in an tuah tiah a chim. Cu caah cun mail-in-ballot hmang i an tuah mi hrim cu kan zum kho hrimhrim lo tiah Marryland um mi nih an chim.

Trump nih a ngaihthiam mi Gen. Flynn ( Trump ruahnak cheutu hlun)nihcun Trump cu US Phunghrampi chung i ralkap Nawlneih nak pek dingin ruahnak a pek. US president cu ralkap lutlai bik a si tiah kan chimh cang kha. Flynn hi dik lo ngai i an tlaih i thong an thlak mi a si caah thil sining hi a thei tuk.

Attorney General William Barr nihcun, Department Of justice nih thimnak ah hin thil fello kan hmu rih lo tiah AP News ah a chim mi cu Media -pawl fak ngingai in an puh hna. DOJ nih an dothlat dih hnuah vote hi a dik lo tiah an chim. Asinain a dik lo mi cu an hmu rih lo tiah chim a si fawn. FBI,CIA,DOJ hi 2016 thimnak hnu khan cun Mah pawl hna hi hruaitu cheukhat pawl nih an thluak an teituk hna i an duhduh in an tuah tawn hna ti a si. Trump zong nih a phuan lengmang. An lih in report an tuah caah Russia Colusion tiah an buai lawlaw cang kha. An lih in report an tuah caah Iraq zong an rak chimh fawn. politics mithiam pawl i an lih rumro i bia an chim ruangah report hi a tam ngaingai cang.

2016 ah FBI nih Trump Campaign a thli in an rak ngiatthlai cu teh. Trump nih cucu a chim ah cun a lih tiah an ti rih fawn.Wikipwdia in nihin tiangah a lih lawngte a si tiah an chim peng. Trump hi lih phun kip an puh dih.Asinain cucu biadik a si fawn caah Trump Campaign official Cater page nihcun Cu lio ah James Comney , Perter Strokz pawl telh in FBI hruaitu 7 cu dik lo taktak i an ngiatthlai hna ruangah Dollar million 80 cawiter dingin buaipi nak an tuah hna.

Thil an hmuh deuhdeuh, Bia theitu an tam deuhdeuh , biathil phuang tu an chuak deuhdeuh hoi. Hi thil hi phundangin a chuak than lai. Court sang bik an panh deuhdeuh cang. Trump Campaing manager zong nih, Thil hi a thli in kan dothlai tikah EV 400 hrawng kan nei kho lai tiah ka ruah mi a si a ti. Trump le Conservative lei nih an kong an ruah cuahmah liopi a si a ti. Libraral lei nih cun Biden a tlingcang, Trump caah lamdang a um lo an rak ti ve. Court biakhiah nak zoh buin thlacam rih a herh liopi a si. Cradit:Lal Lian Zual