Min Aung Hliang Caah Thawngpang Chia Tak Tak A Chuak Hoi Cang I Cei Seh

Thawngpang

ASEAN ram hruaitu tonnak ah Min Aung Hlaing kai lo ding in bia an chah ASEAN bars Burma from attending its high level ASEAN Summit a ralaimi 26 – 28 October 2021 ah tuah ding mi ASEAN hruaitu lubik hna tonbiaruahnak ah Kawlram SAC ralhrang hruaitu Min Aung Hlaing kainak nawl pek lo ding in ASEAN ramleng minister pawl tonnak nih nihin October 15 ah biachahnak an tuah tiah Japan thanhca NHK le ramchung rinhchanh mi Media cheukhat nih an thanh.Malaysia ramleng minister nih cun aralaimi ASEAN hruaitu tonnak ah Min Aung Hlaing sawm ding le sawm lo ding biachahnak cu thaizing October 16 ah phungning in kan thanh te lai tiah Media sin ah a chim.

ASEAN nih Kawlram chung remdaihnak le zauk phung ser thannak ding caah tuah ding mi phung 5 a ser i cu a tlamtlin nakding ah Brunei ramleng minister changtu Mr. Erywan Yusof cu palai ah an thlah. Mr. Erywan Yusof cu Kawlram rat aa tim nain SAC ralhrang nih Daw Aung San Suu Kyi telh in a duh mi bu le phu he ton ding a khenkham caah Kawlram rat ding aa let than.

Nihin ASEAN ramleng minister pawl tonnak ah le Kawlram SAC hruaitu Min Aung Hlaing sawm ding le sawm lo ding ceihmainak ah Kawlram ramleng minister Wanna Maung Lwin zong a kai ve.EU Parliament zong nih Kawlram cozah ah SAC cohlan lo ding NUG cohlan ding ah biachahnak a tuah cang i Korea France le Czech Republic ram zong nih NUG cu Kawlram phungning cozah ah cohlan ding in hnatlaknak an ngei cang The chinland post.

Thawngdang relchap Chin ralzam hna cu ting 6 cio ka pek hna lai i an khua ah him tein ka umter hna lai: Uknak a buai ni thawk in kawl ram chung ah ralzam cu an karh chinchin hna i a tu hi India ram le Mizoram ah a zammi zong an tam ngaingai cang hna tiah kan theih ciami kha a si. A tu hi Min Aung Hlaing nih a ram chung ralzam viale an khua cio ah him tein ka lak dih hna lai tiah a thanh tiah theih a si i a bikin Chin state ah a ummi Paletwa ralzam hna hi October thla chungah an umnak khua cioah ka lak dih hna lai tiah a chim.

An khua cioah an kir ding a si ahcun ral ruangah a rawkmi an inn le an lo vialte cu ka remh piak dih hna lai i an khua pawng ah a ummi lei tang bom tarhmi vialte zong an fuse ka thlak piak dih hna lai tiah a chim. Cun an eidin tiangin ka bawmh hna lai tiah a chim cu a si. A hramhram in cun lak dingin a chim loh i khua ah kir ding le kir lo ding timi kongah hin khuami hna an nawl a si lai tiah a chim.

Cun khua an kir tik zongah an ke in an kir hna lai loh i mawtaw le boat in kan phurh hna lai i tha dam tein kirpi an si hna lai tiah a chim. Cun inn khat ah kawl ram phaisa 583000 in bawmh nan si dih hna lai i inn ai rawkmi remhnak caah kawl ram phaisa 386000 pek an si hna lai tiah a chim.

Cu lawng si loin December thla tiang khi an eidin le an khuasaknak caah phaisa in ka bawmh rih hna lai tiah a chim cu a si. 2020 kum April thla chungah AA le kawl ralkap an rak i kahnak ruangah khuate 21 ah khua a sami khuami 5000 leng cu a tu tiang hi Paletwa khua chung a cozah sianginn ah ralzam in an i dor ko hna tiah theih a si. Reference: Burma News

A mah kong dang Salai Lungthli Tum nih a chung khat an velhnak in CDF-Thantlang thangchiatnak a kawlnak in Saya Vabilo an thah timi cu comment ah a hmuh i fiang deuh in hi kong hi rak ka chim te law” tiah a nawl.Chat sesseion ah an i chon lai ka zumh. An hmantlak le a sining a dikhiar in a langh ter.Saya Vabilo maw a palh CDF-Thatnlang dah a palh timi cu kan zoh rih lai lo. A hnu ah zohfelnak kan ngei tthan te lai.

Salai Lungthli Tum hi Chin mino a bia in Lai mino Salai Ngun San Aung le a mahnak mifim deuh CNLD Specialist campaigner a min ka philh kha a zuamcawh ngai hna. A duh ning in a um lo mi Salai Tlung te zong a thang chiat le Tangka fir tiang le Motor cawk ding in a puh hna. Salai Lungthli nak mirum deuh hi Laimi no ah um ha sehlaw tangka a palh hna lai a thah ter hna lai. A lungput khi a rak chiahru ve hrimhrim. Hmailei zong ah CDF-Thangchiatnak a kawl tthan rih lai. Minung cu a tlamtling mi kan um lo caah tampi a hmuh rih te lai.

CDF Thantlang nak in Min Aung Hlain hi a sual deuh nain CDF va luh le doh cu chim lo Min Aung Hlain dohnak ah ca tlangkhat zong a tial lai lo. CDF le Laitlang mino thangchiat duh ah Min Aung Hlain soiselnak in biatlang a thok lai. A mah a mithmai an tlamnak chim kaannak si.

Mara Community upa nih an i thawh i CDF Thantlang an hro hna. Mifim an um ve lo hlah maw ti awk in! I ceihhmainak lungput ngei an i tim lo. I doh taktak sisehlaw Thantlang peng cu an tei bal hna lai. Milu an i zat lo tuk cu ta. Ngeichia zong aa lo lai lo. USA mirum khi zoh hna uh law Thantlang peng lawng te an si khi. Yangon mirum zong zoh hna uh law, Thantlang peng lawng te an si.

A herh ning in action lak nan i timh mi hi zei ti hlei in nan la kho lai lo. Hi bia hi a herh lo. An ngaichiatnak an langh ter mi kha a za ko. An bia an chap tuk i, an i palh taktak. Min Aung Hlain nih minung tam tuk a kan thah cang i, India le Myanmar Mara nih zei action dah an lak cang. Tangka fangkhat zong an tho rih lai lo.

Kan chim le kan lungput kan remh lo ah cun Rallokap kan tei hlan ah Chin mi le Chin mi kan i do cang lai. Mara upa pawl nih an ca chuah mi ah remhnak an tuah a hau.CDF Thantlang zong nih a thimi chungkhar hna cu nan ngaichiat pi hna a hau ve Compromised mindset hi a herh tuk lio a si.

Leave a Reply