Ralhrang chiahru hna ruangah nunnak a liammi an tam tuk

Thawngpang

July 10, zan 10:00 pm hrawngah Sagaing ramthen Tamu peng New Zalenphai@Naungket khuathar ah a ummi Chin (Kuki) mino 6 hna cu inn lei ah a lawi leiah Kyaunpintha hlei pawngah ralhrang nih an kah hna i pahnih an thi. Pathum an hliam hna, pakhat cu him tein a luat kho tiah theih a si.

Hi Chin mino 6 hna cu kum 15-16 kiangkap an si. Lo rian a tuanmi an si i niruk ni a si caah Kyaunpintha khua ah an va leng i an lawi lei ah atu bantukin ralhrang nih an kahmi hna hi a si.

July 9 zongah khan Kyaunpintha khuami Chin mino 4 hna cu India SIMCARD nan i tlaih ti ruangah ralhrang nih an tlaih hna. An chungkhar nih palik sakhan ah ton dingin an hal hna nain an sianh hna lo tiah theih a si. (Chin World)

Relchap ding: Ralhrang Nih Leng Chuah Khawhnak Card Cu Pakhat Ah MMK 500 In An Zuar Stay at Home an thanhmi Myangmya (မြောင်းမြမြို့) khua ah inn in leng chuah khawhnak card cu pakhat ah MMK 500 in an zuar tiah khuami nih an chim. Hi leng chuah khawhnak card lo cun ahohmanh leng nan chuak kho lo, nan chuah ahcun fak piin dan kan in tat hna lai tiah ralhrang nih cun an ti hna.

“Inn khat ah card pakhat lawng an kan pek. Zanga an kan hal. Asinain tangka tam deuh pek ahcun card zong an kan pek chap ko” tiah khuami pakhat nih a chim.NLD cozah chan ah Stay at Home an thanhmi khua/hmun ah leng chuah khawhnak card hi an rak tuah ve nain tangka in an zuar lo. A lak in pek an rak si the chin post.

Leave a Reply