Ralhrang nih CDM minung pa2 thilak meithel in an kah hna

Thawngpang

Mandalay, Chan Aye Tha San traffic palek in CDM a lut mi Ye-tat-ta Khant Ko Ko Maung cu July 10 ah khan ralhrangbu nih an kah thah. CDM a lut mi palek 5 an tlaih hna tiah Khit Thit Media nih a tial. Yetatta Khant Ko Ko Maung hi July 10 ah CDM a tuahnak Pateinkyi peng Kyikung khua ah ralhrangbu nih meithal in an kah mi a si.CDM a lut ve mi a hawipa duhyetatciat Phoe Pyit cu hliam a pu, Yetatta Kyaw Min Thet cu an tlaih.

Thawngthanhnak nih a chim ningah July 10 ah CDM caah phaisa a bawmtu Daw Win Thi cu Mandalay Aung Myay Tha Si ah ralhrangbu nih an tlaih hnuin Mandalay tongchei, U Khanthi phungki inn ah CDM a tuah mi Yeduhtatciat Ye Linn, Yetata Ngi Ngi Min Thet, Ye-tat-ta Win Naing Ko Ko hna tlaih an si.

Thawngdang.Pago,In Ta Kaw pengah hrambunhmi ralhrangbu No.1 hriamnam zohkhenhnak (ခဲယမ္းမီးေက်ာက္တပ္) tatyin cu an tatyin ningin covid-19 zawtnak an ngei tiah theih a si.July 4 ah tat-yin chung tlangval pawl umnak sawng ah rallokap pakhat a thi in an hmuh hnuah covid-19 zohfelnak an tuah tikah ralbawi le an chungkhar hna telin an tat-yin ning tlukin zawtnak an ngei mi hi theih a si.

Zawtnak a ngei mi ah Siibawi pawl zong an i tel tiah theih a si i, atu ah an tat-yin ningin lockdown tuah an si. Lenglei siibawi pawl he a thlithup in an i zohkhenh lio pi a si tiah Delta News Agency nih a tial.June thla thawk covid-19 thawh voithumnak nih ralhrangbu tat-yin, tat-phoih chung zongah zawtnak tampi a karh ngai tiah theih a si the chin post.

Leave a Reply