Salai Bawi Lian Mang: A Hmun Kan Kal I Ka Mit Nih A Hmuh Tikah Ka Lung Atho Ngai

Thawngpang

Salai Bawi Lian Mang: A Hmun Kan Kal I Ka Mit Nih A Hmuh Tikah Ka Lung Atho Ngai

Ti, kanhnu january thla ah khan Japan ram I thlai cin lei athiam mi kan hawi le TPA pawl he Vanzang tlang kan kal lio ah Farrawn khua ah mipi he biaruah nak kan nei. Bia kan iruah khawh in chuncaw kan ei lio ah khua upa pakhat nih kan khuataw ah ti dil awk a tha mi hmun a um rak kan zohpi u law kan duh ko tiah ati. E tiah an khuataw ah cun kan va kal hna. A hlan Farrawn khuahlun singin pawng ah asi. Cerh le a kuam um tuning a ttha ngaingai. Farrawn khua upa nih an chim nak ah cun cuka ti kan dil khawh ah cun Vanzangtlang khua vialte Sopum, Vanzang, Farrawn, Tlangpi, Tlanglo, Lungding tiang dinti duhdim te in a pek khawh pin ah Farrawn I minthang serthlum le thlaicin nak pawl ti a pek khawh fawn lai ti asi. A hmun kan kal I ka mit nih a hmuh tik ah ka lung atho ngai. Asi khawh ah cun cozah budget in ti cu dil khawh site sehlaw khuami caah atthahnem tuk ding khi asi. Cuka hmun pawng ah cun farkung pawl abu in an um I an idawh ngai. Mah farkung cu 1998 kum hrawng ah kawl ralkap nih lo tuah an rak kan khap I mah kum ah cun farkung pawl cu kan cin mi asi an ti. A dawh ngai te. Credit: Salai Bawi Lian Mang

Leave a Reply