Salai Bawi Lian Mang: American Cozah Ramdang Lei Pehtlaihnak Zung I Bureau Dangdang Upa Hna He Biaruahnak

Thawngpang

Tuzing ah American cozah Ramdang lei pehtlaih nak zung I Bureau dangdang upa hna he biaruah nak le ruahnak I cheuh nak kan nei kho. CHRO in Salai Za Uk Ling le Keimah kan itel.

Chinram thlanglei Paletwa peng buainak hi kum 5 asi cang. UN le Ramdang cozah hna nih hi kong hi kan sia a herh ko, zeitindah daih nak kan sersiam khawh ning asi lai timi hi an ruat. Ttha te in khua an ruah khawh nak ding le tthahnem santlai in mipi an bawmh khawh nak ding ah UN le Ramcheukhat cozah hna nih CHRO sin ah ruahnak le thil sining an kan hal tawn.

Zeitindah hartong mi le buainak a daih nak ah America cozah ramdang lei zung nih hma kan lak khawh ning asi lai ti kha a biapi in kan I ruah mi asi. A tu ka vun thil mi hi zapi theih awk ttha kan ram thilsining a tawinak in vun hrawmh mi asi.

Salai Za Uk Ling nih Kan Chin ramchung in a rak kan tel pi khawh caah atlam atling khun. Nunnak thaap in a hmun ah rian a ttuan tu le thawngpang a la tu hna kha upatnak sangbik kan pek zungzal hna. Zeica tiah data le facts umlo in policy thlak khawh asi lo.

Cozah pakhat, asilo ah UN sin ah bia kan chim lai kan ti tik ah faingte in kan theih setset mi kha facts le data he chim a biapi. Zei ca tiah bia kan va ruah mi hna (advocacy) cu policy ser ding ca i chirhchan asi caah thil dik, a fiangmi te kan chim khawh kha a biapi ngaingai.

Leave a Reply