Salai Mang Hre Lian: CNLD I A Muru Cu Chin Cu Chin Miphun Nih A Ngeihmi Le Ngeitu A Si Ti Hi A Si
======================

CNLD i a muru cu Chin cu Chin miphun nih a ngeihmi le ngeitu a si ti hi a si. Chin miphun nak in aho pumpak hmanh angan deuh lo. Chin miphun caah mino nih mino kong he pehtlaih in a ti khawh tawk rian a tuan lai, Party nih Party rian in a herhmi a tlangtlak lai. Miphun caah thleidannak ngei lo in mah le zawn in rian an tuantti cio lai.

Mah le riantuannak cio kawp in pumpak sinak hnuchit in miphun caah rian kan tuan lai tiah Policy le biakamnak a ngei. Chin miphun hruainak ah pumpak a biapi lo. Minung pumpak pakhatnak ah chiah si lo. Hmailei caah hruaining le mino le upa thlu lo in zeitindah rian kan tuanti lai i miphun sersiamnak ah alam tampi kawl hi CNLD nih a kan kalpi.

CNLD upa nih hruai khawhmi (duh paoh in merhmi) minung ser an itim lo. A kan hruai kho ding minung tampi ser aa tim i le Chin miphun hruaitu caah kutka a ong. Cucu a sunglawi tukmi le miphun le ram sersiamnak caah hrampi a si tiah a nunpi.

CNLD nih Chin miphun le Chin ram cu Chin mi nih kan tawlrel ding le kan uk ding a si ko – Chin ram cu Chin mi nih uk ding a si ko tiah a kalpi mi hi tanpi cio hna usih. Miphun dang huat in Chin Party nih ram a khel lo. Kawl nih kawl a dawt cu a rian a si. Kachin nih Kachin a dawt cu a rian a si. Kan miphun kan tanpi ruang ah miphun dang huat a si lo.

Chin miphun kan dawtnak a ruang hi miphun dang kan huat hna caah a si lo. Kawl nih, Rakhine nih, Kachin nih an miphun an dawt i adang an kan husg caah a si lo. Pathian pekmi kan miphun cawisan le dawt cu kan rian a si. Kan santlaih lo zong ah kan dirkamh i kan dawt zungzal awk a si! Hmanthlak, Hakha CNLD zung ah ca an nam lio. Credit: Salai Mang Hre Lian