Surngen Khuami buainak hi Political issue ngan taktak a si ti hi chin mi kan theih ah a ttha.

Thawngpang

Surngen Khuami buainak hi Political issue ngan taktak a si ti hi chin mi kan theih ah a ttha. Hi bantuk buainak hi Surngen khuami sin long ah a cang mi a si lo. Khua tampi ah a tlawm le a tam in an um pah len hi theih a si. Hi bantuk buainak a chuahnak a ruang hi.

1. Cozah rian ttuantu nih an rian ttha tein ttuan lo in tender hna an chuah tikah lam cawhnak cuzat, ti laknak cuzat tiin bawmhnak cu an pek hna i a hnu ah rian a tlamtlin le tlin lo an zoh khenh ti hna lo. Cu caah khuami le khua bawi hna kar ah zumh lonak a karh.

2. Cun khuachung bawinak, zumhlonak le hnahnawhnak hna a um tikah cozah sinah taza i cuai a si i cu ah cun cozah rianttuan tu nih justice um loin tangka petu hna a si lo le mihmai zoh in thledannak in biachahnak an tuah zungzal caah a si.

3. A hlei in cozah rianttuantu hi mipi nih taza an cawi hna tikah an tei kho bal hna lo. Arsa eiti an si caah. Cu caah a cheu cu a lem mi hna an um i a cheu ve cu a lormi an um ve. Cu tikah i huatnak le buainak hi a karh lengmannak a si.

Cu caah hi buainak hi kaphnih in an dik veve ko lai. A cozah rianttuan thiam lo ruangah a si ti hi keimah ka hmuh ning a si. Cu caah a ding a fel mi le a ralttha mi MP thimthiam ding a biapituk ti hi kan philhlo ding mi kan rian a si. Hi bantuk buainak hi kaphnih ruahttiam a hau i pumpak i suaiselnak ah hmang hram hlah sih. Credit: Lin Maung

Relchap ding thawngpang dang, Pu Chan Hre Report Nak Kongah Thawng Fianternak An Tuah Cang. An velhmi hna chungin hi Pu Cin Thawng , Pu Lian Mang, le a nih fianternak an rak tuah. an video ah nan rak hmuh ko hna lai. Ruah ah zaanfak an si. Inn dong 11 bak an hawl hna. An fale tiang kan velh hna lai tiah an ti hna. A poi ngainagi. Hakha, Falam, ti  in a ummi hna an um. Ka zoh ah hin ka zaang an fak ngai.

An velh mi hna hi khuami ah bochan pacan lawngte an si hna. Tu hi hi bantuk in an tuahmi hi an i rem khawh nak hnga caaha si deuh. Pu Lian Mang nih fiangtein a chim. Pu Chan Hre hi mino te a si. Surngen ca lawng si loin Khuali ohsuh ohkathah a si. Cun hi an buai nakin Surngen le Tisen ( B) kar lam cawhnak ting 600 a chuak i cucu Cozah  nih tisen (B) in Surngen lei ah cawh ding timi a si. Cucu Pu Chan Hre nih Surngen in cawh dingah a chim. Cu tikah inn dong 11 hna  nih hin aw cozah nih a chimning thiltuah kha an duh.

Cu tikah khuabawi Pu Chan Hre nih hihi Surngen lawm cawh  aduh lomi a si a ti  hna. Cun Hi han nih an chim nak ah hin a tapeh pawl zuu a dang hna i a tu bantuk in a kan velh e tiah a ti. A poi ngaingai.  Lam zong an zul ti lai lo ti kha  si. Kannih kan duhmi cu cozah nawl ngai lo ahcun ting 600 hi kan sung sual ti kan phan caah a si. A video hi rak ngai hmanh u.

Leave a Reply