Thantlang palik thi kong he,Pehtlai in tuzing ah CDF Thantlang nih mipi ralring an pek cang

Thawngpang

July 5, 3:00 pm tluk, Thantlang TABC Zung lampial ah CDM hrocertu le mizapi thil zik eitu Palek Deputy Chief of Police (Duh-Ye-oh) cu CDF-Thantlang nih meithal in an kah i a thi.Hi kong ah CDF-Thantlang zong nih cathanh an chuah. Kanmah CDF nih meithal in kan kah mi a si, tiah July 5 zaan ah cathanh an chuah.

“SAC ralkap sin ah thawngpetu, CDM tuah mi hrocertu le thihphaihtu, mizapi pawcawmnak thilri phurh mi siseh, khualtlawng lamli mi hna check le nawnnok in ziknawh a eitu Bolay Hein Wai Zin Latt cu CDF-Thantlang nih Thantlang khuachung ah meithal in kan kah i a thi,” tiah an thanh.Thantlang khuachung ah CDM hrocertu, thihphaihtu, SAC ralkap thawngpetu Dalaan pawl zong kan in zohngiat peng hna. A caan a tlai hlan ah mizapi lei ah a dir mi nan si nakhnga kan in sawm hna, ti zong cathanh an chuah mi ah an tialchih the hakha times.

Thawngdang Tawhlanzi hi tluang tein kan dih khawh tik ahcun kan nih KIA pawl cu hawi hlei nak in kan temtuar deuh caah canvo tha deuh le dirhmun tha deuh kan hmuh awk a si timi lungput nei bak lo ding a si.

Myanmar mipi nih tlukruang tein kan um khawhnak hnga tiah kum 60 leng hriamtlai in kan doh hna mi hi mah ca lawng a silo mipi kan dihlak caah a si. Cuca ahcun Myanmar rampi caah hin na thinlung dihlak le na ruahnak dihlak le na sining dihlak in ral kan doh a herh.Kan nih KIA hruaitu pawl kan lungput le kan pek mi kan thinlung hi kawlram mipi nih nan kan theih piak nak dingah kan van tarlangh mi a si” Tiah a ti.

Relchih Dipeyian (ဒီးပဲယင္း) ah ralhrang nih kahnak in mipi ruak,ruak 6 hmuh chap asi,an dihlak ah 25. Sagaing ramthen,Dipeyian nichuah lei khua ah ralhrang nih hriamngan in an kah hna nak ah khuami hliammi le nunnak liammi an um hna i,nihin July zinglei ah ruak ruakruk char than asi.

July 2 zinglei ah ralhrang thazaang 150 tluk cu Dipeyian ni chuahlei khua ah mawtaw pathum in an ra i an kahnak hi asi.Zingka,chun,zaanlei ah a cangmi i kahnak ahhin ralhrang nih hriamngan in voi 60 leng an kah i,Khua a hnorsuan caah mipi hliammi le nunnak liammi an um hi asi.

A nunnak a liammi khuami hna ruak hi zahan tiangah ruak 19 hmuh asi i nihin zinglei ah ruak 6 char chap asi tiah theih asi. “Nizaan ah an ruak lak lio ahhin ralhrang an phanh caah kan zaam,tuzing zong ruak char lio ah an rat than caah kan zaam” tiah khuami pakhat nih achim.

July 2 Dipeyian nichuah lei ah ralrang nih thazaang hmang in le hriamngan in an kah caah khua khuaruk in mipi a thong leng an zaam.Khuami cheukhat an tlaih hna i hliamtuar mi 10 hrawng an um.Ralhrang rual cu khuachung phungki inn ah umhmun an khiar,mipi hna cu hramhlak ah an zaam hna.

Leave a Reply