Thantlang Placement Affairs Committee nih Thantlang thil sining vialte an rak phuan cang

Thawngpang

Ni khat hnu ni khat, Thantlang peng khuate lei ah ralzammi kan kharh chin lengmang ko. 27.Sep.2021 tiang ah Thantlang Placement Affairs Committee nih cazin kan lak khawhmi ning in, Vailamtlang ah 1601, Bual peng ah 714, Khuahring tlang ah 555, Zahnak tlang ah 2314 hna le, varal petmi 43, dihlak fonh ah 5227 an si.

Ralzam dirhmun in a dir mi kan u nau hna cu mah le hmunhma a si lo nak hmun ah hmunhma khuar in thut-dir cio an si. Ei-din lei in si seh ngandamnak lei in si seh tawlrel tu le tlangtla tu herh in an um cuahmah lio asi. TPAC nih a si khawh thawk in cazin lak le thial kam nak le umtu thuttonak tawlrel piak cuahmah liopi a si Thantlang Placement Affairs Committee laknak the chin post

Thawngdang Ralhrangbu election commission nih ramkhel party pawl ngeihchiah chek dingin a timh bantukin NLD party chek ding cu nizan september 13 ah NLD party headquarters ah an pek hnuah Daw Aung San Suu Kyi sin ah pek a si.

Daw Aung San Suu Kyi nih UEC theihternak cu party central committee min in kuat mi a si caah party keimah pakhat lawng nih biachahnak ngei khawh a si lo. CEC nih kan ceih a hau mi a si tiin a cohlan duh lo tiah theih a si.

Hi kong he pehtlaihin Daw Aung San Suu Kyi sihni pakhat nih ‘UEC ca hi tuchun ah pek a si nain CEC sin ah kuat mi a si i, kan party thithruai ningin CEC nih ceih a hau mi a si caah ka cohlan kho lo tiah a chim.

NLD party central committee nihcun ralhrangbu hi phungning tein a kai mi cozah a si lo caah ralhrangbu nih a ser mi UEC thiltuah hi kan cohlan kho lo tiah media ah an chim.

UEC nih ramkhel party hna chawva lutchuak, party chawlehnak le an ngeihchiah vialte kan chek dih lai tiin August 13 ah cathanh an chuah mi a si.

Mah hi UEC nih kum 10 hnuah a voi 1 chek nak ding a si i, CRPH, NUG hna le ramkhel party hna pehtlaihnak, NLD party hrawh khawhnak lam a si tiah ramkhel kong zohfeltu hna nih an chim the chin post.

Leave a Reply