Thawngchia:Kawl ralkap nih’CNF an va kal hnaw cang hna’An umnak bakah an um cang hi.

Thawngpang

Nihin April 6 zanlei sml. 4:15 hrawng ah motor 6 in Thanthlang ah ralkap an phan tiah theih a si. Hi Ralkap hna cu Thantlang peng Lungler Ralkap Sakhan le Vanzang Tlang kalnak Lampi Check point ah um ding an chiah mi hna an si tiah zumh a si.Vanzang Tlang Sopum khua ah Ralkap minung a thar an phan I thenkhat Lungler khua lei ah an lan tiah mit in a hmutu nih an chim.

Thantlang peng ah Vanzang Tlang lei ah a lutchuak mi minung hna Hramhram in Uknak latu Ralkap nih an check peng tiah theih a si. Cun, CNF/A umnak hmun a naih biaknak Ralkap Sakhan Lungler ah um ding in le Vanzang kalnak hmunhma ah um ding in an rak chiah mi a si lai tiah zumh a si the chin light.

Thawngpang dang:NCA cu Ralkap nih Aana an ting Feb 1 in a rawk colh cang tiah politics umtuning in tuak khawh a si. Phunglam loin uknak an lak. Phunglam loin, Cozah thar, SAC an dirh. An ttihmi le an ralmi paoh an tlaih hna i thong an thlak hna. Misual le lainawng tu an thlah hna.

Anmah a dotu paoh an thah hna. Nu le ngakchia tiang an zuah hna lo. An caah zeibantuk phunglam hmanh a um ti lo. 2008 phunghrampi zong ah zul hlei lo. An hmang hlei lo. Anmah kha uktu he phunglam he an si.

Cucaah, NCA minthu, hriamtlai vialte caah. NCA a um ti lo. Fed 1 ah Ralkap nih an buar cang. An hrawh cang. Ralkap nih an dirhmi SAC zong hi legal Cozah an si lo. Terrorist an si.NCA minthu, hriamtlai dihlak nih NCA a nung ko tiah an pawm ahcun, indirect tein Ralkap Cozah, SAC kha legal ah an cohlang bantuk a si lai.

Cucaah, Ralkap nih Phunglam loin aana an ting caah, NCA zong an buar chih a si caah, NCA cu anmah Ralkap nih an hrawh cang tiah NCA minthu hriamtlai hna nih Statements hmanh an chuah cio ding a si cang tiah ka ruah. Lungawttawm awk a um ti lo. Hnabeisei awk zong a um ti lo. Lungsau zong a hau ti lo, ka ti Zasang cinzah.

Thawngdang:Ramdang US le UN nih a kan bawm lai lo tiah Upa pipi hna nih heh tiah nan chim. Nan theih tuk lomi tamtuk nan chim rua tiah ka ruah. Zeitluk dah US policy analysis nan tuah ti ka thei lo.US nih raltuknak kan bawm lai lo tiah nihin tiang an chim rih lo hih.

Diplomacy first an ti peng. Nain, military nih a herh ahcun a zulh lai an ti lengmang. Antony Blenkin biachim mi poh kei cu ka print in file in dawh kai chiah. Cafang fang khat ngan lo in vui 2-3 nawlh in ka rel.

Kan mah tein kan cawl aherh. A diktuk teh, kan cawl ve riangmang ko lai. Asi nain, ramdang um mi nih NATO le US ralkap kan rawih khawh ding kha kan rian ngan bikmi asi ko. Ramdang um Chih mipi hna zong kan i fumtom lo tuk. Thazaang zei tin dah kan neih khawh lai? Awkhat hmanh kan chuah khawh tung lo! A ping le pak in kan au lulh. Lungrual caan asi.

Aung San nih British pennak doh dingin Japan ai rawih i Japan thawl than ding ah Alliance forces arak i rawih ko hna. Gaddafi dotu mipi nih US le Nato an rak sawm i, Libya ram caah hriamnam a man in $1 billions leng an rak bawmh ko. NATO ralkap pakhat hmanh an rak thi lo ti khawh asi’Libya ram zong an lut lo nain, artilleries le intelligence tbtk bawmhnak a man tamtuk manpi asi.

Libya ralhrang hna nih kum 100 phaisa khawlh hna seh law an hmuh khawh ding hriam asi loh.Cun, Emergency situation timi hi, longterm military strategy tbtk he cawh lo in tuah khawh asi.Nihin ah Kalayvelly ah Mino hna nih an ti khawhtawk in ralhrang an i veng. Mah hi emergency taktak cu asi. Chuah hnawh an hau, bawmh an hau. Cucu zeirel lo in a um kho rihmi nan si ahcun, adikti lomi asi catial tu salai Biak.

Leave a Reply