Thawngtha taktak Dr.Sa Sa nih kawlram mipi a kan thanh cang

Thawngpang

US Cozah nih Kawlram mipi, harsa le ralzam caah tiah US dollar in $50 million bawmhnak an kan pek tiah Dr. Sasa nih a langhterr. “US Cozah nih $50 Million bawmhnak Kawlram caah an kan pek mi hi, February 1, 2021 thok in ralzam dirhmun ah a um mi, Ralzam milu 700,000 caah le a dang ramchung ralzam pawl caah a si lai.

A bik in ram mipi nun chanchuah nak, Sii-ai le eidin tirawl lei chanchuah nak caah le Emergency zohkhenhnak caah a si lai” tiah a langhter fawn.

Cun hi bomhnak hi tulio pulrai zawtnak a tuar mi hna nun chanchuah nak, i chanchuah khawhnak ti bantuk zong ah hman a si lai Atu bantuk in US Cozah nih an mah US dollar in 50 million bak bawmhnak a pek cu Kawlram mipi kan caah thawngpang tha taktak a si ko.

Thawngdang Ralhrangbu nih NLD party cu hrawh dingin a phun phun in a zuam peng nain China nih NLD party hrawh cu a duh lo tiah theih a si.

May 21 ah UEC le ramkhel party hna tonbiaruahnak ah UEC chairman U Thein Soe nih NLD party cu ningcanglo le upadi kalh in rian a tuan ruangah hrawh ding le hruaitu hna cu dantat ding an si tiah zapi theih in a chim hnuah 2020 rampi thimnak cu a felfai mi thimnak a si lo tiin July 26 ah hrawh a si.

Hi kong he pehtlaih in UN special envoy to Myanmar Christine Schraner Burgener nih ralhrangbu hruaitu Min Aung Hlaing cu a mah nawlngeihnak a hmun ding lawng a ruah mi a si caah NLD party hi a hrawh taktak lai phan a um ngai tiah August 11 ah a chim.

Mah bantukin boruak kar ah China cozah zong nih NLD party hrawh ding cu a duh lo tiah ralhrangbu hruaitu hna sin ah a chim tiah theih a si.

Hi bia hi August 12 ah ralhrangbu ramdang vuanci U Wanah Maung Lwin le China, Kawlram palai Chen Hai he online biaruahnak ah a chim mi a si i, mah bia hi China nih zapi theih in a thanh lo nain NLD party hruaitu le Beijing i China mithiam pawl online biaruahnak ah NLD hruaitu hna sin ah a chim tiah NLD chungtel cheukhat nih an chim.

China nih Kawlram kongah ralhrangbu lawng si lo in NLD zong pehtlaihnak a tuah peng tiah theih a si i, Communist Party of China (CPC) zong nih China le Kawlram pehtlaihnak ah NLD a biapit ning, CPC cu NLD bantukin ram pahnih pehtlaihnak tha kilven ding le thancho dingin tuanti kan duh tiin NLD, CEC sin ah July 21 ah khan phungningte in ca a kuat tiah theih a si.

NLD cozah lio ah China le NLD hi pehtlaihnak tha a ngei mi an si i, ralhrangbu nih uknak a lak hlan 2020 January thla China president Xi Jinping Kawlram a rak tlawn lio ah NLD cozah he dollar billion tampi man construction project hnatlaknak zong an ngei.

NLD zong nih cozah a si hnuah an chungtel, mino le MP 100 leng cu 2016 thawkin China ram ah a rak thlah bal ve.
Asinain,China nih hramhram in uknak a lak mi ralhrangbu a bawmh peng mi cungah mipi nih China thiltuah ning cu an lung si lo ruangah Kawlram, China ram China embassy ah duhlonak zong langhter a si the chin post.

Leave a Reply