Thawngtha:Kawl ralkap lei nih thawngtha taktak a kan thanh cang hi.

Thawngpang

KIA Batalian 25 Cu Rallokap Nih Vanlawng Pakua 9 In An Kah Hna’Rallokap hriamtlai phu hna cu Mumoh peng KIA Batalian 25 ah vanlawng pa 9 in tuzing ah Kah hram an thok i a tu caan tiang an Kah Hna tiah KIO biachim nak nawl ngei tu Tongmangham Naw Bu nih a chim.

Mumoh peng rallokap hriamtlai pawl nih hriamngan in an kah hna KIA lei zong nih hriam ngan hmang in an kah ve hna tiah a chim.April 29 ah rallokap hriamtlai hna nih khuate lei ah hriamngan in an kah caah Mumoh peng ah tar pa pakhat cu a ban ah a khawng i a hma a fak ngai tiah theih a si.

​KIA Batalian 25 cu rallokap hriamtlai phu hna nih vanlawng in an kahdoh hna nak cu nihin in cun ni 6 a si cang.Ram a daih khawhnak hnga caah May thla chung kahdo nak kan daihter lai tiah Bohmugyi Zaw Min Thun nih April 29 thawngchim fianhnak ah a chim.

Relchap a duh mi hna caah’Ralkap nawlngeihnak hrawh le Federal uknak sernak ding ah hrianam in ralkap hrawh lawng hi lam tha bik le a caan zong a tawi bik mi lam a si. Ramkheel lei in kan tawlrel ahcun NCA tluk in lamcaan a sau lai, Phunghram pi a nung than kho, Ralkap nawlngeihnak a dong thlu kho lai lo caah ramkheel lei biaruahnak cun nihin kan ram buainak hi kan tawlrel lo ding a biapi taktak.

Atu hi May thla chung kan lut cang lai. a rauh hlan ah furpi khuacaan he kan i tong than lai i furpi khuacaan ahcun thli le ruah tampi ruang ah ramchung mipi lei cawlcanghnak hrampi a cat kho mi a si caah ralrin ngai a herh.

Thal caan lam a that lio hmanh ah laitlang ah duh ning in fang tlun kal pi le zuar cawk khawh a si ti lo. Ralkap nih fang cawk le phurh hrimhrim an duh ti lo. cu lio caan ah furpi ruah sur caan le bang ahcun eidin zalh nak lei zong ah harnak ngan kan tong peng bantuk in atu lio kan ram buainak ruang ah duh ning in ralkap hi kan doh kho te lai lo.

Cucaah fur tlak hlan may thla chung ah ralkap doh ding hi CRPH le NUG niha tawlrel a herh. Fur pi tlak hlan ah ralkap kan doh lo ahcun furpi ahcun doh lo ah a tha bik lai. zei ca tiah ahcun furpi khuacaan ah ralkap kan doh ahcun mipi humhimnak le dornak hmun lei caah harnak ngan a um hrimhrim lai. Thal caan ahcun ramlak ah I dor khawh a si. asinain furpi ruah le thlichia lak ahcun ram lak ah kan I dor ngam ti lai lo caah mipi nih harnak ngan ton sual a fawi.

Furpi ahcun har tong mi hna i zohkhenhnak le thlop bul nak le i bawmh chanhnak lei ah lam a har lai. Bawmh chanh a hau mi hartong an um lai bantuk in mi bawmtu phu hna zong nih fur pi khua caan ahcun mipi an bawm kho ve hna lai lo caah furpi ahcun ralkap doh lo ah a tha bik lai. cucaah fur tlak hlan hrimhrim ah ralkap doh ding in timh lamh a herh.

Fur tlak hnu ralkap doh ding zong tihnung a si fawn. Min Aung Hlaing nih thuk pi ah hram a rak sih manh lai. thimnak a tuah lai i ramchung rakheel lei buainak a sang lai. Mipi kan thi a dai cang lai i a thar in van thawh than le ralkap van doh than ding hi a fawi ti lai lo.

Kawl raawn ahcun fur le thal, khuasik nih mipi a dawn tuk hna lo i harnak zong a mah ning a si ko lai. asinain tlangcung khuasa mi caahcun furpi hi tih nung mi khaucaan a si caah kawl rawn lei thlihran hoih in caan lak lo in tlangcung khuasa mi hna khuacaan zoh in ralkap doh nak caan ser siam hi a herh. Hihi CRPH le NUG nih an fian i a rannak le a tha bik in khua an khan a herh Ro lian Thang.

Leave a Reply