Thawngtha:KIA nih ralkap sakhan an lak than hoi’Ralkap pawl umnak an ngei ti hna lo.

Thawngpang

Muse Myone Pyidaungsuh Lampi I Namhpaw Hlei Kam Sakhan Cu KIA Nih An Lak’Shan ramkulh thlanglei Muse myone, pyidaungsuh lampi Namhpaw hlei kam ah a ummi hlei cawngtu palik sakhan le ralhrang sakhan cu KIA.

Brigade 6, battalion 9 nih April 13 zan 7:00 pm ah an kah i 9:00pm hrawngah an lak khawh.A thimi kong tu cu fiang in theih a si rih lo tiah theih a si.

Thawngdang a tang lei:Myanmar Mipi Runvennak a Rianrannak in Tuah ding in Ms Yanghee Lee nih UN a Hal’Pagu khua ah ni khat chung lawng ah minung 80 leng an nunnak a liam hnu ah atulio Myanmar kong ruahnak petu Special Advisory Council of Myanmar, SAC-M chungtel Ms. Yanghee Lee nih Myanmar mipi runvennak a ran khawh chung in tuahpiak awk ah UN General Secretary sin ah a hal.Myanmar ram ah upadi zulhnak a um ti lo i, ttihphannak nih a chilhmi ram ah aa chuah cang,” tiah nihin ah SAC-M zong nih cathanh an chuah.

SAC-M chungtel a si pin ah Myanmar ram nuhrin covo kong ah UN palai zong a simi Ms. Yanghee Lee nih, “Pagu ah a cangmi tuksaphur thil sining hi minung ruahnak hmanh nih a phan kho lo. Zingka tein Myanmar ralkap nih an kah hna i, minung a bubu in an thah hna. An thahmi hna miruak zong ruru hranghrang in ningcang loin an tuahtopiak hna. Cun, mi an thahnak tehte pawl zong hloh an i zuam. An runven hna ding a simi rammipi kha anmah ralkap lila tu nih tuksum in an thah hna,” tiah a chim.

SAC-M chungtel a si vemi Chris Sidoti nih, “Myanmar ram cu ttihnung tuahsernak in a khatmi thil sining ah a phan cang. UN General Secretary nih a nawlngeihnak vialte hmang in Myanmar ram ah a cang cuahmahmi thahnawnnak hi a kham a herh cang,” tiah a chim.

UN General Secretary nih amah pumpak hrim in Myanmar ram ah le Southeast Asia ah kal ding in le UN Security Council auh tthan i Myanmar rammi hna runvennak ca ah R2P program nunter khawh ding in aa zuam a herh, tiah SAC-M cathanh ah an langhter chih.April 9 ah Pagu khua ah Myanmar ralkap nih minung 80 leng an thah hna pin ah minung tampi an umnak theih loin an tlau. Thla 2 fai chung ah Myanmar ralkap nih rammi 700 leng an thah fawn hna.

SAC-M chungtel Marzuki Darusman nih, “Myanmar ralkap nih suimilam ttem in mi an thah hna. Hi bantuk tuksum tuahsernak hi ngol zokzok hna seh. An tuahsernak hi anmah lila nih an zun caan a phan hrimhrim ve lai,” tiah a chim.The Chin Journal

Leave a Reply