Thawngtha:Salai Lal San Sang’Ruak cu ralkap kut in tluang tein an lak cang.

Thawngpang

Falam ca nan thiam dih ko caah falam thawngzam nih a van chiah ning tein ka van chiah’Kalaymyo HERO Salai Lal Dan Sang Ih Ruak An La Thei’A-na-ting ralkap pawl in ralthuam tum thawn Kalaymyo mipi kilhimtu pawl April 7 zinglam 5:20 hrawngah an kap ih Sanmyo vengih um, Salai Lal San Dang (Kum 25) cu ralkap kut tuar in a thi.

A ruak hi ralkap pawl in an lak ruangah April 8 zanlam 4 hrawngah an la thei. Nazi 6 hrawngah Tahan thlanmual ah phum ding a si.Kalaymyo HERO hi pehtlaih theih lo in a reh, a thi maw, kaih mi asile si lo khal theih a si lo. Social media lam ah zo ti theih lo ruak a um ti tarlang mi ihsin ngaihven a si, cui hnu lawngah a thi timi theih sal a si.

Thawngdang a si tang hi:Salai Tin Maung Oo nih , “Ka pum cu nan thah khawh ko lai, Nain, ka zumhmi le ka dirpi mi cu nan that kho lai lo” tiah ralkap pawl a rak ti hna. Cu bantuk in kannih Hakha Mino nih kan dirpi mi zong hi ho hmanh nih an that kho lai lo.

Ralkap nih mifir bantuk in an kan luh hnawh, hna a kan hnawh, tlaih ah a kan dawi. Nain, kan ning a ṭih lo. Mifir le mi ṭha lo ca ah ṭihnak kan ngei kho lo. Hihi Hakha Mino kan lungthin put si ve seh ti ka duh ngaingai.

CRPH nih Chin ram cu CDM tuah a thiam bik nan si, nan lung aa rual tiah an kan thangṭhat. Nihin Myanmar ramkhel cu 1947 lio ramkhel dirhmun bantuk kan phak tikah Hakha mipi nih kan tuah ding cu “Kanmah le kanmah i rawi phir lo te in i kil kawi, “a si aherh. Chin ram tuanbia ah “DALAN” tete an rak um ruang ah 1917 i Sakta khua i, Lairal thawhding biatiam cu Mipa pakhat ruang ah Mirang nih an rak theih i, mi nunnak tampi an rak liam. Pu Hrang Nawl dothlennak zong mipa pakhat nih Hakha palik a rak phuan ruang ah atlam a tling lo. Cucaah, tutan ahcun “Dalan” cu kan in ngaithiam kho ti lai lo. Nanmah ruang ah kan ram rawh kan siang ti lo.

Cucaah, Hakha Mino hna harnak kan ton zong ah ṭhawng te le fimkhur te in kan um ṭhu hna lai. Tulio cu Hakha hruaitu pawl tlaihding aphunphun in an kan dawi.Nain, kan ṭih hna lo. Thil ṭha kan ṭanhmi ruang ah dawi kan si kha kan i uanthlar ko. Mipi zong nan tha chia hlah u! Tlawmpal te rak kan hngah rih ulaw, tilet bang in hmun khat ah kan tho ṭhan te hna lai. A ṭhawng deuhmi thil chuahding ah chun zaan ih lo in kan i zuam lio pi a si.Nan tha rak ṭhawng law.Zaan muihnak a dih i,Zing niceu dawh te a chuah bang Misual ralkap kan tei tik ah Nang le kei’Cinrung tang ah Lakphak kan ding ṭi te lai.Lungrualnak cu kan hriamnam siseh Hakha Campaingn For Justice.

Leave a Reply