Trump hmai ah:Misual pawl nih an keneh heh tiah thuh an i zuam cang hi.

Thawngpang

Suimilam pakhat hnu pakhat thil thar a hun lang cuahmah.American tuanphung ah a um bal lomi rawhralnak, cung lei uktu bawi nawlngeitu hna le mirum milian hna nih an nawlngeihnak ningcang loin an hmanmi cu pakhat hnu pakhat an hun lang thluahmah.

Trump nih, “I tong hna seh law, khua khangti hna seh! American mipi nih nan theih bal lomi thil pawl nan theih thuahmah lai,” a ti. Tu hnu thawngpang nan theihmi cu khuaruahhar a si ko lai.Kha kha vial kha si cang ko seh. Thawngpang ngeih a nuam tuk i ka ngai ta rih lai.

Rev. Biak Lian Ve
Relchap ko:Pennsylvania ah mee 623,000, Michigan ah mee 320,000 aa ningcang lomi kan hmuh cang,” tiah Trump sihne Guiliani nih a ti.Mee an firnak kong a chim te dingmi tehte zeimaw zat ka ngei cang. An lak ah pakhat cu kum 2020 September thimnak ah zeitindah hrokhrol in mee nan tuah lai tiah training an kainak kong vialte a phuang te dingmi, Detroit khuapi chung ah kum (30) tiang Democrat ca ah rian a tuantu a si,” tiah a ti.

Hi hna nih hin, “Mee rel an liim hnu zinglei sml. 4:00 hrawng ah mee 100,000 hrawng a hun phannak kong te hna, kan tei cang tiah an i ruah lio ah Trump nih mee 120,000 in a tei rih kha an hmuh tikah an thin a phang tuk hringhrannak ko te hna, mee deu hna cu state dang licence number aa khenhmi motor le truck pawl in an run phurh i cabuai cungah an ponnak kong te hna kha an chim te lai,” tiah a ti.

“Atu ah chiatserh in bia aa kammi tehte hna i bia an chimmi kan ngei kan timi hna cu hi hna chimmi bia hi a si. Kha hnu a rami paoh cu Biden ta lawngte an si. An zapi tein aa ningcang lomi mee lawng te si dawh an si. Minung pakhat lawng nih mee a thlak. A taangmi mee vialte cu min um lomi a lawngkaro lawngte an si. Cabawm cu aa ningcangmi a si maw, si lo ti hi aho hmanh nih an i buaipi lo. Cabawm hna cu hmakhatte ah an hei hlawnh tawp men ko. Tuah lo ding kha an tuah.”

“Michigan phung a si caah Republican lei in ngiathlaitu aho hmanh an rak um lo. Aa pong tunmi mee thong za lengluang (ting tampi tinak) hna le Republican hna um lo kar theng te ah an relmi mee 140,000 hna cu ka zoh kho bak ti hna lo,” tiah Guiliani nih a ti.”Hi thimnak hi cu fir thimnak a si. Tangka, hngalhnak asiloah thiamsannak a ngeimi nawlngeitu hna le mi a hip khotu (elites) hna nih cun ka bia hi an ngai kho theng lai lo. Sihmanhsehlaw hihi fir thimnak bak a si ko. Nevada, Arizona, Georgia le Wisconsin zongah kha bantuk thiamthiam kha an si ve,” tiah a ti.Cun mee an i cuh biknak hmun hna i mee an relnak ah an hmanmi Dominion timi software kong zong kha a chim. Media hna nih an chim ning ah cun state (28) ah hin Dominion nih a zorhmi mee relnak software hna kha an hman ti a si.

Hi Dominion timi software hna hi bauh (heck) i mee thlen khawhmi seh an si. Dominion seh hi Smart Matic timi company he aa pehtlaimi company a si i atu ah hi company a ngeitu cu Canada miphun a si. Hi mee relnak seh hi hlanlio ah cun Hugo Chavez timi ramukbawi thalo (dictator) he aa naihniammi Vennezuela mi hna nih an rak ngeihmi a si timi tuanbia aa phun dang ngaimi a ngei,” tiah New York Times nih 2006 ah a rak tial cang.

Hi software hna hi mee REMHNAK ah an rak hman tiah an rak hmuhchuah bal cang. Tihnung tukmi tuanbia an rak ngei i fawite in bauh (heck) khawhmi an si.Texas state le bang nih cun technician a thiam taktak mi hna kha an chekter hna tikah a rawh fawi tukmi le aa palh fawi tukmi a si tiin an rak ti caah hman zong an duh ti lomi software a si.

Computer umtuning cu a si khawh chung in minung lei palhnak vialte a khamtu le dot-hlattu le palhnak tlawmtertu ah ser dingmi a si. SihmanhsehlawDemocracy Suite 5.5-A an hmanmi hi a rawkfawimi le aa palhfawimi a si. Ka ruahnak ah cun Texas ah cun kan hman ding a si lo. Hman ding in nawlpek a si ahcun network aa ongmi vialte kha phih in USB fung sawhnak vialte zong an phih awk a si,” tiah Trump sihne Guiliani nih a ti.

Rev. Biak Lian Vel
Cherhchanmi: Khrihfa thawngzamhnak CBN news 11/13/2020 03:50:59 PM Benjamin Gill

Leave a Reply