Tuchun yangon thawngpang cu ngeichia taktak a siko kawlram mipi kan dih ko lai hita

Thawngpang

Nizaan July 22 ah Yangon ramtthen, North Okkalapa ah a ummi Yayway thlaanhmun ah mithi ruak 500 dengmang an phan, tiah mibawmtu pawl nih an chim.Zaanlei sml. 6:00 fai tiang ah mei in an khangh cangmi miruak 400 leng a si i, zaantlai hnu an khanghmi pawl he tuak ah cun 500 dengmang an si, tiah mibawmtu hna nih DVB ah an chim.

Yangon ramtthen ah mi tam bik nih an i vuinak thlaanhmun hmun 4 an um: Yayway, Hteinpin Hlaing Thayar, Kyisuh South Dangon le Kyuchawng Shwe Pyi Tha hna hi an si.Hi thlaanhmun pali lak ah Yayway le Hteinpin thlaanhmu ah hin atulio miruak a phanmi an tam bik.July 13 thawk in a cunglei thlaanhmun pali ah hin ni khat ah miruak 600 in 700 karlak an vui hna.

July 20 a hun phak tik ah COVID-19 in an thimi an karh chinchin i, thlaanhmun pali ah miruak 1,200 cung an phan lai, tiah zatlang mibawmtu pawl nih an tuaktaan.Oxygen i hmuh khawh lo ruang ah a thimi an tam tuk lawmmam,” tiah mibawmtu hna nih an chim.July 22, ni khat chung lawnglawng ah hin Yangon ramtthen thlaanhmun pali ah miruak 1,300 hrawng an phan lai tiah an zumh.SAC ngandamnak vuanci zung nih thawng a thanhmi le atak thil sining aa thlau tuk, tiah mibawmtu pawl nih an langhter the chin post.

THawngdang NUG,Tlangcung mi ngandamnak lei riantuan tu phu le ramkip fonh in Kawlram Cavid -19 i runvennak khamnak kan tuah lai.NUG Ngandamnak lei riantuantu le tlangcung mi ngandamnak lei riantuantu i bawm in Covid-19 runvennak lei phu Covid 19 Task Force cu July 17 ah an dirh.Kawlram chungah Covid-19 zawtnak i runvennak kan tuah lai tiah thawng theih a si.

Covid19 Task Force (CTF)phu hruaitu ah Mesoh um Mae Tao sii-inn ah siibawi Sin Ti Ta Mg, A chang ah NUG ngandamnaklei in Zaw Wine Soe hna nih hruai in a chungtel pawl cu NUG ah ngandam mnak lei i riantuantu hna le tlangcung ngandamnak lei riamuantu phu ah tuanvo ngeitu hna le thiam ak ngei mi hna cu CTF chung ah an i tel tiah July 22 tuni ah thawng an thanh.

CTF phu hi Covid runvennak sii le i chawnh khawh nak kilvennak caah a herh mi thilri i bawmhchanh khawhnak caah ramkip i hawikomhnak phu he i ceihhmai in a biapi bik rian kan thawk than lai tiah theih a si.

Covid -19 zawtnak tha lo hi dohnak ding caah mipi kan zapi tein i thlopbawl ,i runvennak lam cu asi khawh chung in kan zulh piak hram u tiah CTF nih forhfialnak an ngei The chin post.

Leave a Reply