Tuzan SAC ralhrang thil tha lo tuah mi nih,Kawlram mipi lung reithei in a tuah hna

Thawngpang

Hi thawngpang hi lungfak ngai a si. Khit Thit Media ah Kawlca in rel te, a saupi lai. Uico pa hi thi dih hna seh ti an kan duh ko cang hih.Private Sehzung, Oxygen rawnnak pawl cu Min Aung Hliang nih Order a chuah hnawh hna. Mizei hmanh Private in Oxygen nan pe ti hna lai lo, Cozah Sizung pawl lawng nih Oxygen pek khawh a si cang lai, cu caah mizeihmanh nan mah nawl in Oxygen nan pe ti hna lai lo tiah nawlpeknak nizaan ah a tuah hi asi.

Ram mipi Covid zawtnak in an luat khawhnak ding, Covid in damnak an hmuh khawhnak ding ah tiah CDM a tuah mi Doctor pawl nih an mah le umnak cio in heh rian an ttuan. Pumpak dirhmun, Private clinic bantuk in lawlawse Siikhan an tuah chung i a si khawh chung in Oxygen hmuh le Mizaw pek an zuam hna. A si nain nizaan ah Ralkap lei nih pumpak sin hrimhrim ah Oxygen nan pe ti hna lai lo tiah order an chuah caah lungrawk ngai a si ko, free tein oxygen peknak tuah mi vialte zong rian tuan khawh dawh kan si ti lo. Atu hi Yangon khuapi chung, Oxygen rawnnak sehzung tampi cu an khar chung cang” tiah CDM a tuah mi doctor pakhat nih a chim.

Covid zawtnak a karh tuk mi ruang ah Sizung le Siikhan nih mipi a tlum ti hna lo. Cu caah mi tampi cu an mah tein heh tiah oxygen an kawl, an inn ah Oxygen dur an i chiah cio hna. Mi tampi cu an mah tein oxygen an i chiah mi ruang ah damnak tiang a hmu mi an tlawm ti lo. A si nain nizaan in Min Aung Hliang hruaimi ralkap council nih order a chuah cang caah mah tein oxygen rawn khawh si dawh a si ti lo. Private clinic, Private Sizung, pumpak le chungkhar caah ti bantuk zong oxygen nan pe ti hna lai lo, Cozah sizung lawnglawng nih oxygen peknak nawl kan ngei cang tiah an langhter hi a si.

Thawngdang A tu lio kan vulei nih abuai pi bik mi zaw nak convid-19 nei ruang ah lung rethei le vansang le thingphang thlalau in um mi hna caah keimah nih ka ka zawt nak in ka dam nak kong tlawmpel theih ter nak le siaherh nak he ka vun tial.covid-19 zawt nak ka nei ti i theih ah cun thlaphang in um cio si ii lung zong a zor te ngai. keimah hrimhrim zong nih katih mah kan tih nak nih hin kan zawt nak hi a zual ter tihi theih a herh ngaingai mi asi.

Pakhat le pakhat kan zawt nak a lo loo kei zong sibawi ka si lo tik ah sii hi cu doctor te nih an ka pek mi ka din tawn ka zawt ka ii ka tuah mi thil pawl theih ter ka vun in duh hna -Vitamin C, Zinc D3 hna hi doctor te nih an ka ti ning te in ka din peng cun kei mah ka um tuning zoh in si dang hna zong ka din chinh tawn tih ruang ah mah ruah nak in si dang dang din kha a tha lemlo. ka zawt nak hi nikhat ah voithum peng in a lang .

-nikhat ah tilum hi a tlawm bik voithum ka dawp ii ka thawh ka poh ah tilum le cite cawh in ka dang ka thuah peng mah nih hin rian tam pi atuan – Rawl ei tik zong ah rawl sa le tihang sa te he ka ei peng ti kik ding lo in tilum hi ka ding peng -zei hmenh ruat lo in tam pi ih khawh i zuam lung nuamh te in um peng a ruang cu kan mah nih tei khawh le lerh khawh kan in zuam hrim hrim a hau mi a si thangzang a tam ter tu meh hang le thei kha tam pi in ei i zuam ka dam hrimhrim ti inn zumh nak he mah zawt nak hi tei i zuam thazang na ngeih nak ding ah din ei kha ei khawh peng i zuam.

Thawngdang Vaurawng Campaign tuahnak ah Dr.Sasa zong aa tel kho ve. Dr.Sasa nih bia tampi a chim. Mah a chimmi chungah uar a um tukmi bia pakhat achim. Cu cu zeidah asi tiah cun, Keimah ah hin zeihmanh a um ti lo, tuah khawhmi pakhat hmanh ka ngei ti lo. Nain, ka tuahmi thil vialte hna hi ka chungah a ummi Jesuh Khrih thawng lawnglawng asi.

Vawleicung ram US, Japan, France, Germany le a dangdang hmaiah bia ka chim khawhmi hna hi ka chungah a ummi Khrih thawng lawngte asi ko. Cu caah ka miphun Chinmi hna, zaangfah nawl kan duhmi hna cu, nikhat ah minutes 2 te hi keimah caah thlacamnak caan ah ka hman piak ko u. Nihin tiang ka kal khawhnak zong hi nanmah thlacamnak thawng asi caah thlacamnak in ka philh hrim hrim hlah u tiah a ti. Crd-Dr.Sasa

Myanmar Ah NUG Cozah Lawng A Um, NUG Lawng Hi Kan Bawmh Lai: Japan Hlutdaw Palai Hna. Myanmar ah 2020 thimnak kha vawleipi nih a cohlanmi a si bantukin Myanmar ram ah NUG cozah lawng a um, cozah dang an um lo tiah Japan Lower House (House of Representatives)palai, Myanmar-Japan Hlutdaw Palai Hna Hawikomhnak Bu Chairman le Myanmar Democracy tha a petu hlutdaw palai hna bu Vice Chairman a simi Mr. Ichiro Aisawa nih a chim.

July 6, 2021 i NUG Cozah Union Minister hna le Japan hlutdaw palai hna online tonnak ah a cunglei bantukin Mr. Ichiro Aisawa nih a chimmi a si. Cu lawng si loin 2020 thimnak ah a dik lomi a um tiin ralkap nih nawlngeihnak an lakmi cu cohlan khawh a si lo, November, 2020 thimnak cu a dik a hmaanmi i vawleipi nih a cohlanmi a si, thimnak i teinak a hmumi palai hna le tlangcungmi hruaitu hna fonh in dirhmi NUG cozah hi kan zumh i Myanmar ram ah cozah dang hrimhrim an um ti lo, tiah Mr. Ichiro Aisawa nih cun a chim chap.

Tutan tonnak ah Japan hlutdaw palai hna nih ralkap nih nawlngeihnak an lakmi cu an cohlan khawh hrimhrim lonak le Myanmar ram nih democracy tling a hmuh khawhnak dingah NUG cozah he naihniam tein riantuan an i timhnak kong an chim cio.

Tonnak ah Lower House palai Mr. Ichiro Aisawa (Japan-Myanmar Hlutdaw palai hna bu Chairman), Upper House palai Mr. Michihiro Ishibashi (Myanmar democracy thapetu hlutdaw palai hna bu chungtuan), Mr. Yutaka Nagasugi (Japan-Myanmar Friendship Association Vice Chairman, MYANMAR JAPON CO.,LTD CEO) le Mr. Toshio Tanabe (Journalist) hna an i tel. NUG lei in International Cooperation Vuanci Dr. Sasa le midang hna an i tel tiah theih a si laknak daily chin star news. Khit Thit Media, TCP

Leave a Reply