Uk Lian Thang nih:USA um Van Tum ning zah a hngal khawh nak hnga thlacam a ca cang hi.

Thawngpang

Pu Trump zg ka ttanh loh pu den zg ka ttanh hlei lohVan tum nih pu Trump a huat bantuk in kei mah zg nih van tum hi ka huat tuk veMah ca pa hnih post mi hi a cal ah rak i benh seh law rak vaak seh
Van tum nih ning zah a hngal khawh nk hnga Lai mi khrih fa mi vial te nih thla cam nk in bawm ve ciao ding in kan sawm hna.Catial Tu Uk Lian Thang

Relchap a duh mi hna caah:Democrats party hruaitu hna nih Vice President Mike Pence cu 25th Amendment timi phung hmang in President Donald Trump cu a rian phuah an forh. Asinain President Mike Pence le Republican hruaitu hna nih an duh lai zumh a um lo. 25th Amendment timi cu a tawinak in President nih a rian a tuan kho ti lo tin Vice President nih chan khawhnak phung a si.

FBI nih hlat-hlainak an tuahmi report an pekning ah 25th Amendment hmang in President Donald Trump an thlak sual ahcun ramchung ah meithal he sandahpiah nak a chuak lai tiah democrats hruaitu pawl cu ralrinnak an pek hna. US state 50 i an khualipi cio ah meithal he lamzawhhnak a chuah khawh caah 25th Amendment hman lo dingah ralrinnak an pek hna.

President Donald Trump a dirkamhtu cheukhat nih meithlak he lamzawhnak tuah dingah timhlamnak an ngei men lai tiah an zumh. FBI nih an chimnak ah January 17 in January 20 kar ah hin US state 50 in President Trump a dirkamhtu hna cu meithal he Washington D.C an phan kho tiah an chim.

President Trump cu democrats pawl nih an control mi hluttaw, House ah impeachment tuah ding in an chuahpi cang. House nih an pass lai i Senate ah an kuat lai. Senate ah senator minung 100 an um. Republican le Democrats minung 50 veve an si. Senator Cheu thum, cheu hnih hnatlaknak lawng in President cu phuah khawh a si. Cucaah democrats nih Senate an phak pi zongah President Trump an phuah khawhnak ding lam a um lo. Senate meting cu January 19 lawng i thawk ding a si caah

President a dinh caan le Joe Biden Inauguration a tuah ding ni cu 21 a si. Cucaah Senate zong nih impeachment tuah caan an ngei hlei ti lo. Cucaah democrat nih ram an dawt ahcun buai lo tein an kalpi a hau. President Trump zong nih dai tein ka chuak lai tiah a ti cangmi a si.Salai Lairam Thang

Thawngpang dang hi relchap:Washington i Capitol inn misual nih an luhhnawh hlan zarh hnih thum lio tein khan, a tleu in a tleu mi Bus sen pi cu US cuul in ai chok. A kut ai tum i kawtangki le necktie ai hrukmi Trump a hmanthlak an tar.Arizona, Georgia, Louisiana, Kentucky and Tennessee telh in states tampi ah voi 25 buuk an sual i, vanlawng chung riantuan dirhmun in political activist lei ah ai mermi Amy Kremer le a dang biachimthiam pawl nih Trump caah tanlaak i election phichuak a khupthal let hna u sih, tiin Washington lei kal dingin mipi an sawm hna.Kan hnung Wednesday ah kawltung lei an phan taktak. “March for Trump” timi tlang an tarnak stage cungah cun Kremer cu a kai i, “Hi Republic khamhnak hi nangmah le keimah kut ah a um. Hnung kan tolh lai lo. Kan tolh lai maw? Tanlaak peng ko rih u!” tiin Ellipse park ah ai bumi mipi thong tampi cu a forh hna.

Wednesday i Capitol Hill an luhhnawh ni le cuhlan zarh tampi chung kha Kremer le nawlngailo emem mibu le sponsors pawl cu tonnak tu le tu an ngei hna i, election results a khupthal leh dingin heh tiah Trump a tanhtu pawl an taw an sawh hna. Biden sin ka sunghmi a khuthal lehternak hmangin kan democracy pi hi khamh hna u sih, tiin Trump nih a aupimi i chirhchan in a tu bantukin kar an hlan hi a si.

The Pipers tuanbia ruam in khan, Trump ai molhpitu pawl hi chawva lei tiangin tangti kho dingin le hmulngei ngaiin cawlcang kho ding tiangin an lung an laak khawh hna, ti a lang. Capitol luhhnawh dingin mipi fawkkhomh tuanvo a latu pawl hi White Supremacy le QAnon conspiracy theory telhin Trump tanh in an kalpimi lamzawhnak vialte tawlreltu an si i, Trump hi mikhamtu bantukin an cawisan i, Democrats minthang pawl hi cu Satan a bia i hngakchia sinah nuva sualnak a tuahtu le minung saei pawl ah an chiah hna.

Cu lawng si lo, election hnu i Trump tanh in kar a hlang tharmi lakah right-wing college sianghngakchia zong an i tel. “Stop the Steal” ti tlangtar in phuthar pakhat a dirhmi an um than. Cun, minung pakhat baak nih broadcasting group pakhat a inn tangin a dirh i, Trump mipi pawl cu heh tiah thazaang an pek hna. Reuters cazin a lakmi nih a langhter dih hna.

Kremer le Women for America nih hi kongah comment an pe rih hna lo. Capitol an luhhnawhmi hi cu kan ngaih a chiatter ngai ko. Hihi cu minthan a duhmi mithalo tlawmte nih an tuahmi a si, tiin an website nih a chim.
Kremer biachim ai lim le cangka, Trump nih a mipi cu dohnak tuah dingin a forh hna. “Dohnak” ti mi le “zohsawh ti lai lo” timi biafang hi voi 20 lenglo a nolh, ti a si. Ralchia i lungrawk phun in a ummi a Republican hawi pawl cu cei in a phomh hna i, amah tanhtu pawl Capitol lei panh dingin a forh hna hlan ah, a mipi pawl cu raltha tein um dingin a forh hna.

Biaka lawng si ti lo in, a thong mipi nih cun amah tein an serchommi meibom, thir peep, thirkhenh zum an bunhmi thingtan, aluminum baseball tiknak fung, hockey tuknak fung hei ti bantuk an i hman i Capitol police cu an tuk hna lio cu a hmunphan Reuters hmathlatu le a dang online video nih an langhter. Misual pawl nih police pakhat cu an rawt, cu ti an rawt pah in cun flagtung in mipakhat nih heh tiah a vun huai chih len.“Kannih mipi nih kan in zohsawh ti hna lai lo. Kan pu Vom hi nan kan thialpiak kho lai lo. Kan Vote le kan zalonnak zong nan kan chut kho lai lo,” tiin minu pakhat cu a vun au len.

Capitol luhhnawh ruangah minung 5 nunnak a liam. Police 1 le police nih an kahmi minung pakhat an i tel. Inn an luhhnawh ning zoh tikah, Kremer le a dang hruaitu pawl nih thla 2 chung mipi an taw an sawh hna ruang i a theipar a si, ti a lang. Trump tazacuaimi an sung viar ko nain, right wing media pawl biachimmi cu Trump tanhtu minung million tampi caah cun thawngthabia bantuk ah ruah viar a si cang.

Tutan mipi pumhnak hi a lenglei minung nih tuahmi a si, tiin White House official nih an chim ko nain, Trump nih biachimnak ngei dingin biachahnak a tuah tikah cun White House zong ai telve, tinak a si.Hi kongah biataktein a cawlcang i phaisa lei in a dirkamhtu hna hi Mike Lindell a si. Anih hi My Pillow Company a dirhtu le an CEO a si. Khrihfa biaknak hmangin bing le zuu suainak in a luatmi ka si, tiin Lindell nih a chim bal. Zarh 2 chung Trump dirkamh in chawva in Trump bus a a damhtu le Dec. 14 i Washington i mipi i tonnak tiangah voi 5 tiang biachimnak a ngeitu a si.

My Pillow company hi Right Side Broadcasting Network ah biapibik advertiser a si bangin an sponsor nganbik zong a si. Hi network hi conservative media a si i, nifatin te Trump mipi a zuldawi i tuanvo a latu an si.
Bus in Trump dirpinak ka tuahmi tham kha cu December canceu in khan kan donghter cang. Jan. 6 i mipi buaibai dingin chawva bomhnak ka pe hrimhrim lo, tiin Reuters ah Lindell nih a chim. Capitol lei an panh hlan chung kha cu mipi sinah kai tel ve ko. Cun nizan bantuk ah khan White House pawng Freedom Plaza i ai pummi mipi sin zongah biachimnak ka ngei ko, tiah a chim.

Capitol buainak nih election ka hmuhning hi an thleng hlei lo. Vote dehhlennak an tuahmi hi cu ti men cun ka daihter kho lo. US tuanbia chungah dehhlen a tambikmi election a si, vawlei cung pumpi tuanbia hmanh ah si sehlaw theih lo, tiin Lindell nih a chim peng ko rih. Trump cozah ca i cyber security chief Christopher Krebs nih cun tutan election hi US tuanbia chungah a himbikmi a si, tiin a chim ve.Capitol buainak zong hi Trump tanhtu pungsan in mipi lakah ai cawhmi namah leftist activists pawl pei an si ko cu, tiin Lindell nih a chim.“Hihi ramh an kan tunh hnawhmi a si” tiin a chim.

𝐓𝐇𝐄 𝐑𝐄𝐃 𝐁𝐔𝐒
Election a dih hnu zarh tamial chung cu My Pillow tazeih le a dang sponsors tampi tazeih khat thup in ai tialmi Trump bus sen pi cu Kremer a company nih heh tiah US cuul in an chawhter i, election phichuak doh in Washington lei panh dingin mipi an taw an sawh hna. Khua kip i an i dinh caan paoh ah biaknak le miphun dawtnak chirhchan in election dehhlen a tonnak kong cu heh tiah biachimtu nih mipi an ronh hna. Jan. 3 ah khan Franklin, Tennessee ah bus in an vaak i Global Vision Bible Church an pastor Greg Locke biachimnak an ngeihter. Hi pastor hi pulrai ruang i a biakinn pumhkhomhnak tuah lo dingin an ti ruangah biataktein a thin a hungmi pa a si. Boogaloo movement cu a thangthat ngai. Hi movement hi civil war a thar in chuahpi dingin cozah ralchanh in karhlannak a tuahtu phu an si. Trump a sunghmi dohpiak buin Pathian rian nan tuan caah, tiin pastor pa nih cun Boogaloo movement cu heh tiah a thangthat hna.

“A dikmi thil an dirpi, cucaah Pathian nih a cawisan hna” tiin a chim.Trump nih second term a tinco khawhnak dingah zeitik hmanah ah raldoh ngol hna hlah u. Pathian sunparnak nih a kan cawisan hlan chung paoh cu a sungh kan khaan bal lai lo, kan thil kan i tim lai lo, kan awaan zong kan daihter fawn lai lo, tiin Pastor Locke nih a chim.

Mipi an taw a sawhtu bik hi Trump he naihniamtein pehtlaihnak a ngeimi right-wing media Right Side Broadcasting Network hi an si i, 2015 ah khan Joe Seales nih a thokmi a si. Trump mipi pawl an cawlcanghnak hi duhning rupin video zeihpiaktu an ngei rua lo, tiin a ruah hna caah stay-at-home dad (inn chung tang lawngah khua a sami hringtu pakhat) nih a derhmi a si. Pumpaak in Trump hman a thlatu pawl a khomhsuat hna i, an video cu edit tuahpiak lo tein YouTube ah a tarpiak hna. A zohtu an karh i, million 1 tiang an phan. A network cu right-wing pawl an awaan a langhtertu ah ai chuah i, White House press room tiang luut kho dingin Trump nih Seale’s team pawl nawl a pek hna hnu cun mainstream media pakhat ah an vun i chuah.

Riantuantu 20 lenglo ai ngeih cang i, Auburn, Alabama ah office a dirh. Vote fir a um, timi kong cu biataktein an vun i hmaithlaak. A riantuantu pawl cu Kremer ai cawhlehnak kipah a zulhter hna i, Lindell nih an network a thangthatmi cungah a sinah lunglomhnak an langhter “My Pillow company hi Women for America First a sponsor nganbik pakhat ah ai tel ve i, cu company cu nihin ah kan network partner a si ve cang,” tiah Jan. 2 i Little Rock, Arkansas i an i dinh lio ah Seale a riantuantu pakhat nih a chim.
𝐏𝐮𝐚𝐫𝐡𝐫𝐚𝐧𝐠𝐭𝐮𝐤 𝐢𝐧 𝐝𝐮𝐡𝐥𝐨𝐧𝐚𝐤 𝐥𝐚𝐧𝐠𝐡𝐭𝐞𝐫𝐦𝐢 𝐦𝐚𝐰 𝐚 𝐬𝐢?
Jan. 6 i Capitol tiang buainak a chuahpitu mipi butnak kha Trump le amah tanhtu pawl nih biataktein an teitanhmi thil a si. “Ra u, rak cian cio u!” tiin Dec. 19 ah khan Trump nih twitter ah a tial.Jan. 6 mipi tonnak sponsor a petu a dang pakhat cu Turning Point Action, ti a si. hihi Turning Point USA i politics lei committee pakhat a si. Cucu campus right-wing activist Charlie Kirk nih a hruaimi phu a si. Women for America First nih an kan hal hnu ah, kan organization a min hi Christmas hnu in khan kan chap hi a si, tiin Turning Point aiawhbiachimtu Andrew Kolvet nih a chim.

“Tutan mipi tonnak hi kanmah nih kan tawlrelmi a si lo. Mipi tonnak ah sianghngakchia pawl i tel kho ve dingin chawva in bomhnak belte cu kan pek ko hna. Lamzawh dignin kan fial hna lo,” tiin Kolvet nih a chim.Jan. 6 mipi tonnak kal dingin sianghngakchia 350 hrawng cu bus 7 in Turning Point Action nih kan cheek hna. Asinain, a tu bantuk in buainak an tuahmi hi cu kan duh bak ve lo, tiin a chim.

Duhlonak langhter dingin Women for America First he tangti in sponsor a tuahtu a dang pakhat cu Stop the Steal phu an si. Trump a sungh le cangka activits pawl ai pumkhawm chommi phu a si. Biden buancomi doh in ram pumpi cuul in duhlonak langhternak a kalpitu phu pakhat a si.

Women for America First nih Stop the Steal phu cu sponsor ah ai thlaih hna, tiah Alex Bruesewitz nih a chim. Trump nih twitter i a tialmi chirhchan in, “Wild Protest” timi biafang i hman in Stop the Steal nih phaisa dih in Website pakhat an ser colh.

Wednesday i Trump biachim a dihhlan tein khan mipi cu Capitol lei an panh cutmat hna. A buai cang lai, ti ka theih caah mipi lamzawhnak cu ka hrial diam, tiah Bruesewitz nih a chim.A tu bantuk i kan Capitol an luhhnawhmi hi kan lung a rawk ngaingai. Hihi tiangtiang phan te seh, tihi ahohmanh nih kan duhmi a si hrimhrim lo, tiin a chim.

Stop the Steal activist hruaitu Ali Alexander belte nih cun buainak an tuah hnu zongah cuh heh tiah biaka thalo a thlah peng ko rih. “Mizuarthlaitu pawl hi nun kan chimh hrimhrim hna lai. Teirulcham cu keimah rian a si, tiin Bawipa nih a chim. Hi mother…ers pawl namte chunh dingah keimah hi hmanrua sining, ti hi ka thlacampi te a si,” tiah Sunday zan ah khan Internet video in bia a chimmi a thlah.

Capitol an luhhnawh hnu zongah cun websites tampi nih an tuahsernak cu an dirpi hna. Wild Protest, March to Save America, zong hi an i tel hna. Trump nih election a sunghmih a sungh a khaannak kong hi tutan buainak a kalpitu phu an hruaitu hna nih an chim ruam lo.Joe Biden hi zeitikhmanh ah ka President a si bal lai lo,” tiah Women for America First i Amy Kremer nih Saturday ah twitter ah a tial.Chelsea Bawi

Leave a Reply