US Citizenship Test:Hmai thla December 1, 2020 in US Citizenship test phit ning an thlenmi hman a si cang lai. Cuhlan ah cun US citizen phit (interview) tik ah biahalnak (question) pa 6 thiam/leh khawh ahcun awnter a si. Atu a thar an hman ding mi ah cun questions 20 hal a si cang lai i a tlawmbik 12 tal thiam/leh khawh lawng ah awnter a si cang lai ti a si.

Kum upa cangmi le US ah kum 20 naak tam a um cangmi cu biahalnak hi tlawm deuh in hal an si ko lai tiah USCIS officials nih cun an ti. Zapi zaraan, miraang holh thiam lo caah cun citizen si a har deuh cang lai ti nak si.
TheWashingtonPost

Relchap:Donald Trump nih nawl ngeihnak a kan pek zau lo ahcun American mipi nunnak tampi a liam ding asi”tiah Joe Biden nih a chim.Donald Trump nih November 3 thimnak result cu a cohlan lo caah biaceih zungin rian a tuan lio asi. Democratic nih Joe Biden thazang peknak langhter in Washington ah mipi an au len; Donald Trump thazang petu zong an au len ve. Kaphnih in Washington ah an au veve.

Donald Trump nih nawl ngeihnak a kan pek zau lo ahcun American mipi nunnak cu tampi a liam ko rih lai tiah Joe Biden nih a chim. Covid kong he pehtlaiin biahalnak ah a chim hi asi.2021 January 20 hlan ah Donald Trump nih sunghnak result cohlang in nawl ngeihnak a kan pek ahcun Covid in a thi an zor colh ko lai. Nain, nawl ngeihnak a kan pek zau lo ahcun Covid in mi tampi nunnak a liam ko rih lai” tiah a chim.America ah Covid in a zaw mi hi 11million ansi cang i; ting 2 leng a thi mi ansi cang.

Relchap ko uh:US President hlun a simi Barack Obama nih cun tutan Trump nih teinak a cohlan duh bak lomi kong ah hitihin a langhter ve. Obama hi Democratic candidate in term 2 bak US President a ṭuan cangmi a si. 20 January 2009 – 20 January 2017 tiang US President a ṭuan.

Tutan ah Biden nih teinak a hmuh ko tiah media kip nih langhter a simi ah vawlei cung ramkip hruaitu hna nih lawmhpi nak an langhter. China, Canada,UK, France,Germany, Turkey, Australia,Japan,Israel le ram dang dang nih Biden lawmhpinak an langhter. Russia lawng lawng tu tiang a dai rih.

US President ca taktak i biakam hi cu hmaikum January 20 ah khin a si te lai. Asinain thimnak result zoh chih khin chimchung cia peng khi a si tawn. Tutan ah Trump nih Biden teinak a cohlan duh bak lomi kongah hitihin Obama nih cun a langhter ‘ Trump nih 2020 Presidential Election Result a cohlan duh bak lomi hi America ram democracy caah ṭihnung tak takmi le phung ning lo tak tak a si’ tiah a langhter.

Thawngpang dang zong hi relchap ko:Nihin vuleimi vialte kan dihlak kan zumhnak , hrai chungah ti rawn in zohkhawhmi bantuk asi lo. Zumhnak chungah hmaiah ruahchannak a dir. Cucu kan i ruahchanmi cungah kan zumh.

USA ithimnakah Party pahnih a um, laimi zongnih kan lakah kan ithim ve. REP party nih cun “USA cozah kan bia lo Pathian kan biak” tihi asi. DEM party tu nih cun “Na duhmi poah na tuahkho zeipoah” tihi asi ve. Zumtu nih zeidah kan ithim lai. Cu i thimnak dingah thlalang bang zohthaawk a kan pek. Obama chankha thlalang pakhat asi. Hnawngtan pawl an hrang, khrihfa poah an thah hna. Vulei killi a cul dih, USA ramchung dawr kipah ithanak achuah cu chan cu kir na duh ko maw? .

Joe Biden Nihin Trump a kai hnuah kha vialte a dai dih cikcek khrihfa kan zalen zia, hnangam tertu atlung timi hla kha nasa balve maw? Trump Zumhnak cu rianah langseh a kan ti, zumhnak cu ruahchannak cungah dir. Ka lawng asi lo, tuahsernak le i dirpinak hi zumhnak cu asi.

Joseph cu a pi nih nangmah le keimah long kan si nahngal maw a si. Aw ka hngalh ko kapi ati, Pathian kha tih. Cu caah Pathian nih Joseph cu thutnak sangah a cawi. Pathian tih zonghi tahawk atha lo, thinlung chungah a si. Zumhnak zong tahawk atha lo thinlung chungah asi. A langnak taktak cu i dirpinak le tuahsehnak cungah a si.

Kanzumhnak cungah ruahchannak adir, OB bantuk in meialhter in a tak testawk kan tha lo, hrai chungah rawn in akhat le khat lo zohawk atha lomi zumhnak. Tuahsernak cungah le i tanpinak cungah biatak zumhnak a lang.