Yangon mithi ruak a fim tawl tu kum 14 hngakchia Maung Htun Linn Naing

Thawngpang

Maung Htun Linn Naing hi E.Dagon peng veng pakhat ah an chungkhar in khua a sa mi a si.Unau 4 lakah a upa cem a si i, tang 8 a kai lio mi a si.

A nu le pa hi a um mi rian poh tuan in paw a cawm mi an si i, an khuasak a harsa nain sianginn kai a duh tuk caah Mehta-Thikahah (ေမတၱာသဂၤဟ) bawmhchantu phu bawmhnak in sianginn a kai kho mi a si.

Amah hi cawnnak lei ah a zuam pinah mi bawmhchanhnak rian hna pumpek in a tuan caah Mehta-Thikahah nih ngakchia bik bawmhchantu riantuan ah an thim.

Covid-19 third wave ruangah Kawlram ah mi tampi an nunnak a liam.Yangon ah nikhat ah zatuak in minung 1000 an thi tiah bawmhchantu phu hna nih an ti.

Yangon veng dangdang ruak vui nak hmun ah ruak a khat.Cheukhat chungkhar dihlak an damlo ruangah an chungle ruak hman an buaipi kho ti lo mi tampi an um.Mah vialte bawmhchantu phu hna nih tuanvo an lak piak tikah an i daih lo ngai.

Mah bawmhchantu hna lakah Maung Htun Linn Naing bantuk mino,ngakchia tete zong tampi an lakah Maung Htun Linn Naing hi a tel ve mi pakhat a si.

Amah hi rawl ei tiding hmanh lo in harsatnak le lung retheihnak tampi lakah lungtho tein pumpek in a tuanmi mi bawmhchanhtu Maung Htun Linn Naing hi kum 14 lawng a si the chin post.

Leave a Reply