Za Sang Cinzah US nih Austrialia Sin ah nuclear bomb a pek lai

Thawngpang

AUKUS cu “Australia, UK le US’ tinak a si i, US nih China 🇨🇳 zia a ngiat tikah ttih a nung chin lengmang caah, China 🇨🇳 khamhnak caah tiah timhlamhnak security program a si. US nuclear fimthiamnak cu Australia 🇦🇺 sinah an pek lai i, Australia nih Rili tang ah saupi a um khomi, “nuclear-powered submarines” an ser lai.

An ser dingmi Nuclear- power submarines hi Rili chung ah saupi a um khomi a si lai pinah, ai thup khomi, AI technologies in sermi, hriamnam ngampipi a kap khomi le, hriamnam tampi aa phawr chih khomi a si lai ti a si.

Nuclear technology fimthiamnak hi US nih UK sin lawngah a pek bal i, Australia 🇦🇺 sinah a pek hi, atu a voi khatnak a si.Australia nih UK le US he AUKUS hnatlaknak an ngeih bak in, France sinah submarines 12 Diesel engine $66 billion man cawk an timhmi an tthulh tthan caah, France 🇫🇷 nih an thinhunnak an langhter. China 🇨🇳 nih a thinhunnak an langhter ve.

Thawngdang Ralhrangbu election commission nih ramkhel party pawl ngeihchiah chek dingin a timh bantukin NLD party chek ding cu nizan september 13 ah NLD party headquarters ah an pek hnuah Daw Aung San Suu Kyi sin ah pek a si.

Daw Aung San Suu Kyi nih UEC theihternak cu party central committee min in kuat mi a si caah party keimah pakhat lawng nih biachahnak ngei khawh a si lo. CEC nih kan ceih a hau mi a si tiin a cohlan duh lo tiah theih a si.

Hi kong he pehtlaihin Daw Aung San Suu Kyi sihni pakhat nih ‘UEC ca hi tuchun ah pek a si nain CEC sin ah kuat mi a si i, kan party thithruai ningin CEC nih ceih a hau mi a si caah ka cohlan kho lo tiah a chim.

NLD party central committee nihcun ralhrangbu hi phungning tein a kai mi cozah a si lo caah ralhrangbu nih a ser mi UEC thiltuah hi kan cohlan kho lo tiah media ah an chim.

UEC nih ramkhel party hna chawva lutchuak, party chawlehnak le an ngeihchiah vialte kan chek dih lai tiin August 13 ah cathanh an chuah mi a si.

Mah hi UEC nih kum 10 hnuah a voi 1 chek nak ding a si i, CRPH, NUG hna le ramkhel party hna pehtlaihnak, NLD party hrawh khawhnak lam a si tiah ramkhel kong zohfeltu hna nih an chim the chin post.

Leave a Reply