Zualko::Hakha ah COVID-19 in Pu Bawi Awr mual a liam

Thawngpang

Hakha ah COVID-19 in Pu Bawi Awr mual a liam July 8, zaanlei suimilaam 5:00 hrawng Hakha sii-inn ah COVID-19 in Pu Bawi Awr cu mual a liam, tiah kan theih.Pu Bawi Awr hi kum 58 hrawng upa a si. Hakha sii-inn ah ni 4 hrawng lawng aa thlop manh i July 8 zaanlei ah mual a liam hi a si. Hakha sii-inn ah COVID-19 zawtnak in minung 3 mual an liam cang, tiah kan theih.

Thawngdang Palik Sakhan Ah Covid Zawtnak Chawnh Ning A Karh ,Palik Pawl A Phu Phu In Zawtnak An I ChawnPalik sakhan ah Covid zawtnak chawnh ning a karhtuk, palik pawl a phuphu in zawtnak an i chawn tiah khuami hna sin in theih asi.

Pako ramthen,Kyawtdaka ကျောက်တံခါး peng Penuaikung ပဲနွယ်ကုန်း khua palik sakhan ah nihin July 7 ah palik 3 le thongtla pawl minung 13, an dihlak minung 16 sin in Covid zawtnak hmuh an si.Penuaikung ပဲနွယ်ကုန်း siizung ah nihin July 7 tiang ah Covid zawtnak ngeimi minung 86 cu zohkhenh lio mi an si.

Kyawtdaka ကျောက်တံခါး peng chungah Covid zawtnak a chawnmi an tam caah, khuachung siizung ah chiahnak hmun a um ti lo caah,company inn buildings ah sii an tlopbual hna tiah Myone Covid-19 lei riantuan tu sin in theih asi.
Magway ramthen ,Tawngdwingyi တောင်တွင်းကြီး khua July 6 ah Covid zawtnak ngeimi minung 17 an si. Cu chunghh cun motor pk 1, Duh-Ye-Oh 1, a dang palik 12 le an chungkhar minung 4 sin Covid zawtnak hmuh an si.

Cun Sitdawkung စစ်တောကုန်း khua middle school ah tang- 6 siangcachim sinin Covid zawtnak hmuh asi.Cu ka sianginn ah a kai mi sianghngakchia minung 5 zong rim thei lo in an um, rimthei lo mi hna zong nihin ah Myotit general hospital ah checknak tuah an si lai tiah theih asi. Sitdaw sianginn ah Covid zawtnak hrik hmuhmi sayamah a khan lawng khar in a dang khan cu sianginn nan kai lai tiah sianguk Daw Tan Tan Wai nih a fial hna tiah theih asi the chin post.

Leave a Reply