Bawi Thiang Bik:Nih Ramkhel kong a thlah mi cu a tha lawlaw’An rak mak tu ve hmeh hi.,

Theihtlei

RAMKHEL RIAN KONGAH RALRIN DING

Ram le miphun luatnak ramkhel rian a țuantu ram dawtu hna, politicians mifim, mithiam tampi hna nih an hngalh khawh lo mi a biapi taktak mi an hngalh lo ahcun, an fimnak le an thiamnak, an thazaang le an chawva le an nunnak pek tiangin an i pumpek nak nih sullam a ngei kho lai lo.Cucu miphun pakhat le ram pakhat khat ca i van BAWI le vawlei BAWI, BAWI NGAN BIK BAWIPA PATHIAN nih a chiah cangmi a khuakhan cia program kha a si.

ZOHCHUNH DING
1. Josep thih hnu Israel politicians pawl nih an hngalh hrimhrim a herhmi cu an saltannak in kum 400 a tlin hlan ahcun a zeitihmanhin Izipt Faro kut in luat kho an si lo ti kha a si. Cucu siangpahrang hna i SIANGPAHRANG, bawi hna i BAWI, BAWIPA PATHIAN nih Abraham tefa, Israel miphun caah a rak chiah cangmi program kha a si. Moses hmanh kha PATHIAN thimmi a si ko nain, kum 10 in aa hnawh caah kum 30 a tlaipi hna. Kum 400 i chuah ding kha 430 lawngah a chuahpi khawh hna.

2.Babilon siangpahrang Nebukhad- nezzar chan lio i vawlei cung policians hna nihkhan kum 70 chung cu Nebu- khadnezzar kut tangah kan i dor a hau ti kha an hngalh a herh. Cu a hngal lo mi policians poahpaoh cu BAWIPA nih vainam le mangaam le rai in dan ka tat hna lai a ti ( Jer. 27:8).
Kha lio i Israel an mifim le an policians Daniel te pawl nihkhan Nebukhadnezzar kha an rak doh lo. Kum 70 a tlin hlan cu Babilon uknak tang teah i dor a herh rih ti kha an hngalh.
CHIN MIPHUN LE MYANMAR RAM KONGAH

Nihin Chin Miphun le Myanmar ram kong zong ahhin, BAWIPA PATHIAN hi a um sawhsawh lo, a program le a plan a khuakhan cia hi a um ko ti hi kan ruah a herh. Zeitindah? zeilam indah? luatter a kan timh i aho te hi dah hman a timh hna ti hi kan ruah hna i kan i fian hna a herh. Kan hngalh lo ahcun, PATHIAN Mi nih kan chimmi tal hi țha tein nan ngaih i nan ruah a herh.Kan Miphun kong le Myanmar ram kong ahhin, mifim le mithiam politicians tampi nih an i palh lai ti ka hngalh. Zeicahtiah, BAWIPA aa tel in aa thlak caah le BAWIPA program le plan kha an ruat in an hngalh lo caah a si.

CAAN PHUNHNIH
1. Caan chia: Ram dawtu Politicians hna nih hngalh a herh taktak mi cu kan Miphun hi thaizing le hmailei a ra laimi ah zeibantuk dirhmun chungah dah kan um lai ti hngalh thiam kha a si. Juda pennak a donghnak lei chan cu thaizing le hmailei ahcun sal i hruai ding kha PATHIAN plan le program cu a si. Cucu hngalthiam duh loin Juda miphun caah ralțha in ral a dohmi Juda policians hna le an ralkap hna cu thah dih an si i an thazaang le an nunnak cu pakpalawng menah a cang ko. BAWIPA duhnak a hngal thiammi Juda mifim politicians Nehemiah le Jerubbabel te pawl nihcun doh caan a si lo, an tangtu ah i dor caan a si ti kha an rak hngalh. Cucaah, sal an tannak in kirpi țhantu an si ( Ezera. 2:1-2).

2. Caan țha: Izipt sal tang caah kum 400 a tlin le Babilon saltang hna caah kum 70 a tlin le ramcar chungah Moses hruaimi Israel mi hna caah kum 40 a tlin cu; thaizing le hmailei ahcun kan caah luatnak caan a si ve cang lai ti kha an Miphun hruaitu hna nih an hngalh hrimhrim awk a si.

CHIN MIPHUN LE MYANMAR KAN HMAILEI CAAN
BAWIPA PATHIAN Velngeihnak le Zaangfahnak thawngin kan Miphun le Myanmar ram hmailei kong ka hngalhmi cu uknak țhalo chung hin kan luatnak caan a nai ko cang. Kan hmailei hi a muilei si loin a ceu lei a si i uknak țhalo le 2008 upadi chung hin kan luat deng cang ko ti hi a si.

MIPHUN LUATNAK CAAH PATHIAN NIH A HMANMI HNA
BAWIPA nih, Abraham tefa Izipt saltang chuahpi tuah Moses le Aaron a rak hman hna i Moses nih ramcar i a hruaimi hna chuahpi tuah Joshua le Kaleb cu a rak hman hna. Babilon saltang chuahnak caah BAWIPA nih Persia siangpahrang Sairas cu a nawlngeihnak a rak hman ( 2chan. 36:22-23; Ezara. 1:1-4). PATHIAN Miphun hruaitu caah, Nehemiah, Jeshua, Jerubbabel, Mordekai te hna pawl kha a rak hman hna.

Myanmar ram hi uknak țhalo le 2008 upadi in a luat tikah aho nih dah a hruai te lai ka hngal lo. Sihmanhselaw Christian ram Chin Miphun hna reform a tuah i a hruaitu hna ding ahcun, BAWIPA a țihmi hna le BAWIPA nih a thimmi hna an si a herh. Dr. Henry Van Thio le Dr. Sa Sa te hna hi PATHIAN a țihmi Miphun dawtu an si i PATHIAN nih aa thimmi hna an si. Midang, BAWIPA nih a thimmi hna ka hngalh rih lomi zong an um hna lai. Cun, fiangte i ka hngalh cangmi cu CNF hi kan Miphun caah BAWIPA nih a umpi mi hna bu an si. Pu Zing Cung le Dr. Lian Hmung Sakhong te hna hi an pu an pa le Zumtu hmasa an si hna (Midang zong an um rih lai).

Persia siangpahrang Sairas bantukin Suhkyi hi Chin Miphun caah a nawlngeihnak PATHIAN nih a hman dingmi a si. Zeihmanh kum 5 chungah a kan tuahpiak țung lo ti hlah u. Cawl kho lo dingin țemțawntu a ngeih caah a si. Sihmanhselaw cawl kho lo i a tuahtu hna hi a tei țhan hrimhrim hna lai. 2020 October 7 zanah BAWIPA nih a ka hmuhsak i Suhkyi cu kan miphun kong tampi ka chimh. Cun a donghnak ah Johan.3:16 a relnak lai ka chimh. Cucu ka hmuhmi a si. Dr. Sa Sa hi kan Miphun caah taksa lei hruaitu pakhat le pa caah BAWIPA thimmi a si.
Nihin Chin ramchung i Political Party chung i an Candidates hna hi BAWIPA a țihmi an si lo ahcun, NLD, CNLD, USDP le a dang hna zong si hna seh PATHIAN nih hruaitu caah a mithim an si hna lo tinak an si. PATHIAN a zumtu miphun a hruaitu ding hna cu zei Party i an va um hmanhah BAWIPA a țihmi a si lai, ti hin ka hun fianter.

CHIN MIPHUN PARTY KONGAH
Chin miphun Party hruaitu hna hi PATHIAN a țihmi an si hna maw? ti hi a biapi bik cu a si. Chin Miphun Party sinak lawng in a za hrimhrim lo.Chin Miphun, PATHIAN a bia mi Miphun, a hruaitu ding hna cu zei Party i an um a biapi bik lo, BAWIPA a țihmi an si maw? tihi a biapi cem. 2020 ahhin PATHIAN mithim tampi hmuh ding ka rak i ruahchan nain, Chin Miphun hi Moses bantukin kan khul a nuar ko hi ta! Sihmanhselaw, CNF le Pi Suhkyi le PATHIAN mihman mi dangdang hna hmangin BAWIPA nih a kan luatter ko lai ti hi ka hngalh i BAWIPA cu kaa bochan.
Ka hmuhmi cu kan sung deng nain, BAWIPA sinin bawmtu țhawnnak a dang a ra i cu țhawnnak thawng cun kan tei. Teinak cu a nuarpah lai nain, teitik ahcun, General Khin Nyunt pennak bantuk khan duak tiah chikhat teah tei a si te lai. A loh in a lo ko lai.
BAWIPA nih daihnak in pe ko hna seh.
Evan. Tluang Lian (Martar) nih a fial mi a thlah mi asi.
Thlacamtu Tluang Lian ( Martar )

Leave a Reply