Breaking News:Biden nih USA cozah nawl chuah mi a zulh duh hlei lo ah’Nawl a buar cawlh.

Theihtlei

Joe Biden nih presidential nawlngeihnak in ni 100 chung US Federal hmun, inn le zung poah ah mask khuh ding tiah min a thut.A rauh hlanah an chungkhar in an buar colh. Lincoln Memorial ah an kal i bia zong a chim. Amah zong a hmai aa khuh lo; atu le fa le pawl zong an i khuh lo.Presidential inauguration lioah a chimmi zong amah lila nih a kalh colh. Zeitin dah a chim? (We have to “lead not merely by the example of our power but by the power of our example” a ti.
Lai holh in cun “zohchun awktlak kan sinak hi kan nawlngeihnak memmen in langhter loin zeitluk in dah zohchun awktlak hmual a thawn ti tu in kan hruai hna ding a si” a ti. Politician pawl hrokhrol tawnnak cu “ka tuah bantukin tush hlah ka chim bantukin tuah” ti bis kha a chuak theo tawn. A chim cu an thiam ngai. Biden zong cu a experience cu kukar in voi zeizat phit zong ah a hmin kho ti lo ding tluk in a tam cang.

A sining ka theih deuhdeuh in ka zumh loning a fak chin lengmang.Biden kong theimi nih an chim tawnmi cu “Biden always likes to play a tough guy” an ti. Thawn aa cuh lengmang. Mipi hmaiah thawn aa cuh; mithmai hmuh aa zuam an ti. Thil pathum an lakmi hna cu:
US tuanbia ah Vote fir bu thawng bik a dirhtu kan si tiah a phuan. Cheukhat nih cun a chim sualmi a si an ti. Asinain Biden cu a zia te a si. Tough guy play a duh caah a si an ti.Kan hrokhrolnak a lang cang lai hi teh tish a vice president sinak nawlngeihnak hmang le Obama min hmang in Ukrainian biaceihtu bawi rian a phuahternak kong cu mipi hmai bak ah a phuan. Zeitluk in dah ka huaisen ti kha mipi nih ka thei hna seh ti a duh ca le tough guy si a duh caah a si an ti than.

Fir le hrokhrol bu cun president ah an thutter i, cu hlan president dang hna cu an ni khatnak ah president nawlngeihnak in nawl hi voikhat pin an chuah lo. Biden cu a ni khatnak bak ah nawlngeihnak minthutnak a tuahmi hns hi 17 an si. A cabuai cu cauk nih a tlunh bak in a tlunh.
President thing Trump nehnang lianlian vialte let than dih a timh. Trump nih a ti tawnmi cu “zeidah ka tuah ti a hliahcang zong a thei lomi a si” a ti. A letmi pawl nih US pi a harsatter ngai te lai tiah an zumh.GOP hruaitu Mitch McConnell nih cun “a ni khatnak ah step lian pipi ping ah a kal pi colh hna” tiah a soisel len ve. Mitch hi laikeng zawng thlen in aa thleng vemi a si. Cu hlan ah cun Trump a tanh ngai, zeicatiah election cuh ding a ngei. Trump bawmhnak in a tling thanmi a si.

Asinain Trump sinah herhmi a ngeih ti lo hnu cun Trump a mer takmi a si. Media nih Biden teinak an phuan ah khan Mitch nih a cohlanpiak colh hna. Buainak a chuah hnu hrimhrim khan cun Impeachment tuah ding in a linsa cem ah a cang.Thawngpang a ummi cu Mitch McConnell le a chungkhar zong hi Taluk tilawng sertu company hna he tangka pehtlaihnsk a ngei ti a si. Cucaah Trump caah lam aa ong ti lo ti a fian hnu khan cun a rak dirkamhmi lila zong nih hrawh le hloh an timh ti a lang.

Atu lio hi Republican senators karlak ah noinoknak (confusion) a tam ngaingai. House upa an siah Senate upa an siah direct in a siah indirect in a siah Taluk leiin tangka chak hrenmi an tam pah rua. Taluk nih US a teinak lam cu tangka thazaang hmang le nu hmang in a si lai tish zumh a si.
Chim duhmi cu lungawtawm in a ummi Mitch hmanh nih Joe Biden cawlcangh a hnasen a tla lo tuk. Cheukhat zong nih Biden hi Obama thlapahle tiah an ti. Atu hi Obama nehnang thing ah a khirh thlushmah hna.Joe Biden ziaza hi ka zoh lengmang tikah mi tha cu a si lai ka zum lo. Politician pakhat a si ruang tu ah political correctness nun cu a thiam ngai lai. Asinain hi pa hi a biachim a chia zungzal. Mi zel a rel lo ziar.

TRUMP khi Hayenas media pawl nih an tuaitam tuk nain zeitluk a thinhun zongah biachia a chim bal lo. Biden cu a duh lo ning le a har deuhmi an hal poah cun ” fat” “lying dog” “clown” tbk phunphun in a phomh lengmang hna. A caan hna ahcun a au hnawh hna. Chungthu lengnaal timi cu Biden bak a si tiah ka ruah. Hi bia pawl ka chim tikah ka huat ruangah ka soiselmi si loin ka hmuh theihmi nih a nunnak sining an langhtermi ka chim bia tu a si.Luther Tin Hre

Thawngpang dang:Alberta, Canada ah Oil/Zinan a chuakmi, USA lei luanternak “The Keystone XL project, cu Bidden nih a thah. Companies tampi, National Association of Manufacturers telh in thah lo ding an nawl nain a duh lo.

The Keystone XL project” hi Canada ram ah a chuakmi oil/Zinan kha, US ram ah fawite in zuarnak/supply nak project a si i, 2008 lio ah rak timhlamh cangmi a si. 2015 ahkhan President Obama nih a rak rejected/cohalng lo caah an pehzulh kho lo. President Trump a von kai in a pehzulhter hna i, project cu an awt. US ram chung ah construction rian tampi a karhter i, Canada ram zong ah construction rian tampi a karhtertu project a si.

Asinain, nizan ah Bidden nih project cu a thah/cancelled tthan i, US ram chung lei an ttuan cuahmah an si ah, Canada ram chung ah a ttuan cuahmahmi an si ah, “The Keystone XL project” he pehtlaih in contract a hmumi le workers pawl tampi cu an rian in dinter colh an si i, workers tampi cu an ilawm lo taktak.

Cawlehthiam pawl/ Business lei expert tampi nih Joe Bidden presidency chung ahhin rian a tlawm deuh kho men tiah a tuakmi an um. Zeicatiah, US federal minimum Wage a kaiter dingmi nihhin US ram chung small business pawl harnak a pek khawh hna tiah an tuak. Cun, Trump chan lio ah chawlehnak/Business he pehtlaihmi “regulations” pawl kha, a von rengh tthan hna ahcun, Chawleh pawl thaw a bit deuh lai tiah a tuakmi an um.Cun, chawlehnak ngunkhuai/Coporation Tax hna a kaiter tthan ahcun, cu nihcun chawleh pawl company an thaw a piter deuh hna lai tiah a ruatmi zong an um.
Joe Bidden nih The Keystone XL project a thah/cancelled colhmi hi, “Obama’s Climate Action Plan” kha amah nih pehzulh tthan a duh caah a si. Cucaah, Trump nih a chuahtakmi “Paris climate agreement” ahkhan a rannak in a lut tthan.

Obama’s Climate Action Plan hi minung ngandamnak le thing, ram caah ahcun a tha tuk nain, US ram ah “manufacturers” rian tampi a rak thah ve. Asinain Obama, CAP cu cu Trump nih a thah, cun, Paris Climate Agreement zong in a chuak i, cu nihcun, Obama’s Climate Action Plan nih a thahmi, manufacturing jobs, 450,000 renglo Trump nih a nunter tthan. Atu Bidden a von kai i, Obama Climate Action Plan ah a vun lut tthan tikah, manufactures pawl cu an thaw a pit deuh tthan lai tinak a si.Za Sang Cinzah

Atu America rampi thimnak hi tluk in a buainak hi “prophet deu pawl nih tam tuk bia an phuanmi ruangah a si” tiah mi tampi nih an ruah. Cucu ruah awktlak ngai a si. America ram chung khrihfa hna lakah siseh, ram dangdang khrihfa hna lak in siseh “tu kum US pressident thimnak ah Donald Trump cu teitu a si lai” tiah phuang chungtu prophet tampi an um.

Pastor pakhat, Paula White-Cain hna nihcun “Africa le south America lei in Pathian nih Donald Trump bawmtu dingah vancungmi a rak thlah hna caah teinak a hmuh hrimhrim lai. Democrat pawl nih thimnak hi Trump kut phan loin ding in fir an timh” ti tiang in a rak phuan chung. “Pathian nih fiang tein a ka chimh; Donald Trump nih teinak a hmuh lai” tiah fiang pup in a rak phuang chungtu prophet minthang tam tuk an rak chuak.

Hi hna leng ahhin, a phuang chung lem lo nain Donald Trump nih teinak a hmuh khawh nakhnga, fakpi in Pathian sinah thla a rak cam pengmi pastor le khrihfabu tampi kan um rih; keimah kong kaa tel. Pathian Trump teinak a peknak hnga fakpi in thla kan rak cam ve.

Sihmanhsehlaw atu ahcun prophet bantuk in fiang pup, ral ttha taktak in Donald Trump nih teinak a hmuh lai, tiah phuangtu vialte cu an palh dih cang tinak a si. Donald Trump nih teinak a hmuh khawh nakhnga thlacamtu vialte zong kan thlacamnak hlawh a tling lo tinak a si ve.Asi ahcun ho dah a palh kun? prophet bia phuangtu pawl maw? Thlacamtu pawl maw? Pathian dah?

Si ee, a tawinak tein ka leh lai. Hi kong ahhin Pathian a palh lo zeicatiah prophet bantuk an phuanmi vialte hi Pathian nih a phuanmi an si hrimhrim lo. Aa palh kho lomi Pathian bia phuanmi siloin kanmah bantuk a palh kho vemi minung nih an zumhning kha mipi theih in an phuan vemi sawh khi a si ko. Atu chan ah cu bantuk hmailei thil kong phuang khotu prophet cu ngei hna usihlaw thlacam hmanh a herh ttung lai lo; anmah cu pei kei hi zeitindah ka si lai? tiah kan hal ko hnga cu.Cucaah Donald Trump president a tlin lomi khi Pathian palh siloin Pathian min i lak in bia phuangtu minung an palh tu a si deuh.

A pahnihnak ah, thlacamtu hna palh zong a si fawn lo. Zeicatiah zumtu cu kan duhmi te Pathian sinah halnak nawl kan ngei. Kan duhmi te Pathian sin ah hal hi a thianghlim tukmi thil a si. A ttha lomi tu cu, kan halmi bak Pathian nih kan pe hrimhrim seh, timi lungput khi a si. Cu bantuk lungput cu phun dang deuh in chim ahcun Pathian kha kanmah duhmi thil tuahter kan timh; kanmah tinhmi lam ah kal kan fial tinak a si.

Cu bantuk cun Pathian cu tukforh khawh a si lo. Kanmah tinhmi le duhmi siloin a sunparnak langhtertu ding a si deuhmi thil tu a tuah peng lai caah “nangmah duhnak bang si ko seh” titu hi zumtu kan thlacam tlangkawmnak a si awk a si. “Hihi ka duh, hihi rak kan pe ko, hihi ka caah a ttha bik tiah ka ruah ko, Bawipa. Sihmanhsehlaw ka caah a ttha bik hngaltu Pathian na duhnak bang in si ko seh” tihi Bible nih a kan cawnpiakmi thlacamnak cu a si.

Cu bantuk in thlacamtu hna caah i chuah sual a um kho lo; an hmuhmi lehnak poh an halning in a si lem lo zongah Bawipa remruat an ti khawh dih. Kan Pathian cu aa timh lomi thil tuah forh khawhmi Pathian a si lo caah amah duhnak le tinhmi cohlan khawh pengtu hi a hlawhtlingmi thlacamnak theipar cu a rak si deuh.Lawmhnak he,Hram Bik Lian

Relchap duh mi hna caah:America President thiamnak hi 1980 thok in voi 4 ka tanh cang. Trump an thim lioah zong ah ka um ko. Hilary a ngah bak lai tiah US mipi le vawlei nih an zumh. Result a chuak I, Trump nih teinak a hmuh. Popular vote ah Hilary nih a tei, Electoral College ah Trump nih a tei. Complain tuah khawh Nak tampi a um ve ko nain dai tein a um. USA hi Party majority Parliament system asi lo. President ukhruainak ram asi. USA a uktu tak tak cu “Constitution” asi. President nih constitution kalh in zeihmanh a tuah kho lo, “No man is above the law” ti asi ko.

Trump hi khua bawi hmanh a tuan bal lomi asi. Biden hi Trump nih gambling, hlawh lang,
broker_pueisa, casino a buaipui lio caan ah Kum 30 ram le miphun caah a rak tuan cang, President tampi he a tuan ti cang mi asi. American politic hi a chungmmuru tiang a theih.
Trump a palhnak cu Dictator bantukin um a duh. A chuah hlan kum 200 Nak tam nih an tuah MI kha ka peh ti a thei lo. Keimah tluk in Tamada a tuan mi an um lo, Tamada hmasa vialte hna kha “Alaka kaung” a ti hna. Ka duh paoh in Rian ka tuan lai, USA cu ka kut tangah a um tiah a ruah. America cu Constitution UK mi asi ti kha a thei duh lo.Uahnak in a khat

MI zomtainak a ngei tuk. Lih chim a zei poi lo. Mirang long minung ah a chiah hna, USA cu. “white people country” ser aa tim. . A kain a chuak mi biafang upa ram hruaitu hmurka asi lo, “lantaze” bantuk asi. Biden zong amah nakin upa deuh, senior tuk mi “sleepy Biden” House of Congress hruaitu senior politiician zong “third class politician” a ti. A rum ngai ti asi I, amah nakin alet 10 in a rum mi an um a thei lo. Biaknak leiah a tuah MI hi, amah hmurka bang “fake le hoax” asi ko. Piangthar hmurka le khrifa lungput a ngei fawn lo.

Atu thideng in a tanh tu Laimi hna hi”animals, rapist, criminals” ati mi chungah Nan i tel dih. Trump caah cun “nasty” an ti hna.A donghnak ah mahle Ram In pi hrawh dih, riantuantu upa vialte thah dih, amah Tamada asi lo ahcun hrawh vialte a duh mi minung hi”tuanbia chia kha bik” asi cang. Politic le Party Kong ka tial lo, MI nung normal life Kong, ethics asi.Ral Buai

Thawngpang dang:A hrinthan lo mi pastor Dr le Khrihfa si tung I piangthar Lo mi Pathian bia ah a dir lo mi pathian a tih lo mi mifim nak in Ar ek paipel khat a tha deuh zeicatiah Ar ek nih cun Khai chuak tak a that tar piangtharlo pastor Dr nih cun thiangthlarau rian tuan nak an hrawh.a tuurun tampi Hell ah an kal pi hna lai.

Mi cheu ni teidor nak nan va ti tar ve le baibel bia tu le thiangthlarau tu va doh Trump an tenh tu nan va ti ve Trump kan tanh lo nulenu palepa Ithitum le lai nawn nau thah te hna hi kandoh.Laimi kan fim nan ti nan fim ahziah mi he rian nan Tuan ti khawh lo lai ram a hrawkhrel tu hi piangthar le mihrut an si tung lo ka fim nih pei an hrawh cang hi.Thla Hmung

Thawngpang dang:President Trump nih president a tuan hnu in zeitluk indah US politics a thurhhnomh timi hi fiang tein a lang. Vawleicung ram pawl hna caah tlaangpar i meiceu kan si an timi cu fih a nung tuk.

Democracy min an i tlaih riangmang hna i, an hrokhrol tuah zalonnak menmen ah an hman. Antifa le BLM pawl nih mipi inn, thilri le federal inn le thilri pawl billion 2 leng an hrawh i, aho hmanh an zai duh lo; peaceful protester tiah an ti hna.

Fir le hramh a tongmi nih taza an cuaimi hna zong Detroit hna ah cun biaceihtu nih sungh a pek chap rih hna. Sualnak tuah khawhnak license pek he aa khat cang. Mipi nih US justice system an i bochan ngam tuk ti lo. An pial tuk cang.Khatlei in Trump vote nan fir hrimhrim tiah Trump voter pawl an chuak i duh lonak an tlanghter. Congress inn pi an buai i an luh hnawh. Democrats pawl cu an cekne tiang runh in an thinhung. An zai kho tuk.

Doih thiam hna seh law Trump le a vote tu pawl cu vutcaam le thise men ah an canter men hna lai. Khamnak lam a ummi kip in an kham thluahmah cang hna. Indian high class aa timi lungput an ngei. Tongh khawh dingmi ah an i ruat ti lo. An sual le an palh cuahmah bu zong in right kan ngei ti phun in an zeihmanh a poi lo.

Taluk sunghthoh nu he pehtlaihnak a ngeimi Congress pa zong choih colh ding a si nain atu kha Trump impeachment an tuahmi zuldawitu dingah senate thlahmi pakhat ah Nancy Pelosi nih a telh hoi.

Democrats pawl le big big corporation pawl an tang i an tangka thazaang tortor he Trump a siah Republican pawl an doh hna. Facebook hna nih cun election official hna sinah million 500 bak te a pek hna tiah theih a si. Hlat i tazacuai ding si nain a luat hoi ko lai.

Joe Biden le a chungkhar kong hrimhrim cu fih an nung chinchin. President cu a tuan ko cang lai i zeitluk dah mipi caah a tuan khawh te lai cu kan thei lo. A fiangmi cu Obama nih social media lian pawl hna lakah a minung a chiahmi pawl he rian an tuan lai i, US pi cu mirum le mi lian pawl chaak monghnak lei poah a kal ko cang lai.Republican upa pawl nih le zeihmanh tuah kho loin zai lawng an rian cang lai; mipi a lungfimmi nih an khamh duh hna a si an khamh te hna lsi.

Democrats pawl cu tangka rim nih duh poah an chaak a mer cang hna. Mipi caah rian kan tuan an ti ko nain an lungthin ne ahcun mipi an daw taktak lo. Naite buainak ah minung pakhat a chimmi cu, “mipi dawtnak an ngei taktak lo. Thlalang awng in (Congress upa pawl) nih an kan zoh i zeirel loin a kan nihsawh men ko” tiah a ti.

Joe Biden le a fapa hna khi cu mi tha zong an si ko lai. Asinain vice president nawlngeihnak hmang in Ukraine biaceih bawl a rian a phuahter hna; mipi hmai ah phorhlaw ngai in a chim rih; Russian khuabawi nu pakhat sin in 3.5 million an lak; Taluk company in billion zeimawzat an lak; Ukraine in zinaan company ah thiamnak zeihmanh a ngei lomi Hunter Biden a thutter i a tortor in tangka an ruh than.

Zeidah an tuahpiak hna i, hi zatzat tangka hi an pek hna? Hi tluk in Democrats lungthinput le sualnak a si komi khi cheukhat nih cun vancung mi hna hmuh in an hmuh peng rih hna. Chaak in hruaimi media pawl lawng a rel khimmi hna nih cun zeitluk chungthu lengnaal an si zia kha an thei kho hna lai lo.

Cun mipi caah rian a tuan taktakmi Trump tu hrawh le hloh an timh. Voihnih bakte impeachment an tuah. Impeachment an tuah hmasami hna kha cu zeitluk in dah Nancy Pelosi a hruh i a molh kha fiang tuk in a lang. Trump nih a thinhun tuk caan ah “stupid” “crazy” a ti tawnmi kha a hmaan tuk. Trump nih a nawlnheihnak hmang in Ukraine president pa namhneh pek in Hunter Biden riantuannak company hlathlainak tuahter a timh tiah impeachment an rak tuah.

Ukraine president nih voihnih le voithum tein Trump nih pressure a ka pe hrim lo a ti ko zong a rak duh lo. An tuah i Senate nih an rak thah. Atu hi a voihnihnak an tuah than. Mipi a tuksawh hna tiah sual an puh. Mipi a tuksawh hna ti cu case a sang ngaimi a lo nain a sang lo.

US ah sandahpiah cu a tam tuk. A um peng ko. Asinain Congress inn pi tiang luh i buainak ser kha ahohmanh nih an ruat lem lai lo. Trump zong nih “kan cian lai” Inn pi lei zong kan zawh lai” tiah a chim ko, nain kha tiangtiang kha kan phan lai tiah a ruat lai lo. A hramthok in “law and order” a chim peng i ramchung himvennak bu a dirhkamh bik president zong a si.

BLM le Antifa pawl nih an hrolh hna caah a zual khun fawn. Inn kaa bauh an timh i an vun linhsat ah khan minung cu hnulei he hmailei aa mer i mipi theih in a au len. Hi tiang hi kan timhmi a si lo tiah a au hnawh len hna. A bia an ngaih duh ti lo caah zaseh tiah a kut a vo i a chuah tak diam hna.

A hnuah cun BLM le antifa pawl zong an i tel len hna ti a si. Cucaah Trump sual an puhmi hi puh khawh cu a si nain amah aa tel lo pinah a bia an lakpiakmi hi a phu lo. An rak kah cia a si caah teng lak lawlaw in kah chih an duh bia si.Impeachment an tuah hnawh chanmi cu hmailei federal office hrimhrim lut kho ti hlah seh tiah an duh; cun President cu a term a.Luther martin

Leave a Reply