Breaking News:Inn kangh nakin minung 50 nak tam nih mual a kan liamtak

Theihtlei

Bangladesh Sehzung Meikhangh Ruangah Minung 52 An Thi Bangladesh ram sehzung pakhat cu fakngai in mei a kangh caah minung 52 nak tlawnlo an nunnak a liam,meikang chung in chuah manh lo mi riantuan zong cungdot in zuanter an si tiah emergency mibawmtu hna nih an chim.

Meikhangh mi chung ah minung 30 hrawng nih hliam an tuar .Sehzung riantuan mi, buildings le minung umnak building hna ah harnak a tlun lengmang ruangah pawngkam runvennak he pehtlai in chinchiah nak thalo a cang mi Bangladesh ram caah min chiatnak pakhat a can than a si.

2012 Lio ah minung 1000 leng an nunnak a rak liam mi dotkua inn cung in Rana Plaza cimhnak a can hnu ah remhthan ding in Bangladesh cozah a lungtling. A si nain humhimnak ding ah a tu tiang lungtlin a si rih lo.2019 February thla chung ah Myodaw Daka ah chemical thilri phungning lo an chiahnak hmun ah meikhangh nak a chuak minung 79 nak tlawnlo an rak thi.

Atu meikhangh nak hi Daka khualeng sehzung pakhat simi Rupganj ii ding le hangthlum sernak a si, nili ni chunhnu ah meikhangh aa thok i suimilam 24 chung tiang hrawng a alh lio a si rih tiah theih a si.Cu sehzung ah cun minung 1000 Leng riantuan mi an si nain , mei a kangh ni ah hin minung tampi cu an chuak tiah theih a si.

Zaan tim tiang ah minung 3 an nunnak a liam tiah theih a si, meithat hna nih inn dot thumnak an phanh ah miruak 49 an hmuhthan hna caah a thi mi hi an tam ngaingai.Hlei lei kal nak chuahnak innka cu tawh a hrenh caah riantuan mi hna cu inn cung lei ah an kal khawh lo nak a si, cun inn tang in mei a kangh cang caah tum in tlik a ngah lo tiah meithat zung lei biachim nak nawl ngei tu Debashet Badahan nih a chim.

Leave a Reply