Breaking:Kawlram ah Covid-19 zawtnak a kar’Mipi biatak tein ralring kan hau cang hi.

Theihtlei

Chaungtha rilikam ah COVID-19 mizaw 4 hmuh’April 20, Chaungtha ah COVID-19 mizaw 4 hmuh mi hna hi Hotel riantuan mi an si i hrimhthannak (retreat) can ah khual a rak tlawng i Hotel a riak mi nih an chawnh mi hna a si.Mizaw hna cu Pathein khua caankar mizaw zohnak ah an chiah hna The Hakha Times.

Thawngpang dang:CNA tanh hi daite in tanh awk a tha lo, chim le aupi hi Mipi kan rian asi. Hriamnam in ral a do tuhna hnulei in an thazang caah a tuantu, chimtu le dirkamhtu kan si awk asi. Dotu le huatu hna zongkha chimh le fianh, hngalhter le a herh ahcun a lehrulh vetu kha anmah CNF/A rian lawng asi lo, mipi nangmah le keimah kan rian asi. Dothlennak lamthluan cung ah Dothlengtu hriamtlai le Dothlen piakmi mipi nih kutsih in kalti lo ahcun Dothlengtu cu ralhrang ah aa chuah lai i a lam apit kolai. Cuvebantuk in Dothlen piakmi mipi nih a dirkamhlo ahcun cu mipi cu ral hna sal ah a tang colh ve lai.

Cucahcun CNA a daw i a dirpi mi le a tanhmi Chin mipi nih kan miphun dothlennak rian ahhin daite in um can asi lo, chim, phuan, pek le tuan can asi. Cu nihcun kan miphun dothlennak lungthin thazang a lungthin a thawngmi mipi nih a dirpi mi dothlennak nih a hriamtlai a thawnter khawh i cu nihcun teinak a chuahpi. Teinak hmutu CNA an sinak hnga a biapi bikmi cu Chin mipi kan si chin morning star news.

Thawngdang:Tulio Kawlrampi thlennak politics ah “mandate” le “recognition” hi a core value/ a muru bakte a si.A biapi tak.Tulio, a sual takmi K-ralhrang a dohtu ding le Federal Democracy ram thar dirh ding in NUG dirhnak ahhin “ Mipi Mandate” based in a kal a herh i, “International recognition” nih a von zulh lawng ah hmual a ngei dingmi a si.

Cucaah, NUG ahhin Mipi mandate a ngeimi/ Mipi thimmi MPs based in a kal hi a ttha tuk i, Mipi nih support mi CDM le hriamtlai tbk vialte nih an dirpimi zong hi a dik taktak. NUG hi Kawlram Mipi nih a dikmi Cozah ah mandate an pekmi, Cozah a si hnu lawng ahhin international community zong nih von cohlang khawh ding khi a si.

Cucaah, Kawlram Mipi, ethnic group kip le hriamtlai vialte NUG ah an itel viar khawhnak ding le, State le regions kip ah Federal system ningin, State based interim Cozah an ser khawh cio nakhnga dingmi caah, scholar kan ngeihmi Dr LHS nih tuanvo a ngei caah, Chin miphun nih thlacam fakpi in bawmh a herh. Cun, NUG hi International Communities le UN nih Legitimate Cozah ah an cohlang/ recognized cio khawh nakhnga, Dr Sasa nih tuanvo ngan taktak aa khinh ve.

NUG hi UN 🇺🇳 le International communities nih legitimste government ah an cohlang ahcun, NUG nih Ralkap a ngei lai i, legal tein arms zong bawmh khawh an si lai. Cun, Min Aung Hliang Cozah, SAC hi ISIS bantuk in, International communities zong nih ralhlang buu ah an chiah thai khawh hna lai.Cucaah, NUG a nun khawhnak ding caah Mipi nih thazaang pek a herh i, a bik in NUG ah a keng ruangruhpi a simi Dr Sasa le Dr LHS hi fakpi in thlacam bawmh an herh liote a si.

Thawngpang dang:Nawlngeihnak a latu State Administrative Council (SAC) chairman Ralbawizik Min Aung Hlaing nih nawlngeihnak a lak i mipi cungah a tuahmi kongah a lungtling lomi ralbawi an tam pi. Cu hna pawl cu CDM ah i tel in mipi cozah sinah i fonh zokzok dingin Caankalrak Cozah (NUG) nih sawmnak bia an chim.NUG i Federal Union Affairs vuanci a simi Dr. Lian Hmung Sakhong nih kahdaihnak kongah aa tong i ngamhtlak deuh a hawile ralbawi hna sinah atu bantukin sawmnak a tuahmi hi a si.

A luanciami kum 5 i remdaihnak kong ceikhannak ah bia aa ruah tawnmi ralbawi ngan hna cu nawlngeihnak lakmi kongah a lungtling lomi an si, cu hna cu a rannak in mipi cozah he i fonh dingah Dr. Lian Hmung Sakhong nih sawmnak bia a chimmi a si.

“Keimah he aa naihniammi hawikom hna sinin ka theihmi cu ralbawi tampi nih Min Aung Hlaing thil tuahmi hi an lungtling lo ti hi a si” tiah a chim.


Dr. Lian Hmung Sakhong cu NCA kongkau ah tuanvo ngeitu bik pakhat a si ve. CNF ah Vice Chairman a si. Cun UPDJC (Union Peace Dialogue Joint Committee) ah Vice Chairman a si fawn. NCA minthutnak kongkau ah ralbawi tampi he aa tongmi le aa theithiammi a si. Atu cu April 16 ah sermi National Unity Government ah Minister of Federal Union Affairs rian pek a si.

“Ralbawi hna, hotu ngan hna, mipi lei ah dir in CDM tuah ve u. Min Aung Hlaing hnuzul si hlah u. Dinnak tu zul deuh u. A dik a hmaanmi tu zul u. Minung lungput ngei in minung hawi pakhat le pakhat i pehtlaih khawhnak mibu sernak ah i tel cio u” tiah Dr. Lian Hmung Sakhong nih cun a chim The chin post.

Thawngdang:Myanmar ralkap nih hramhram uknak la in rampi nawlngeihnak an lak hnuah rampi ruahnak petu Aung San Suu Kyi cu an tlaih colh. Cu hnuah Case 6 in taza an cuai chap rih. Taza an cuammi zoh tikah kum 20 renglo thongtla khomi dirhmun ah a dir. Cun, ralkap nih politics ah i teltum kho ti lo dingin timtuahnak an ngei tiah Aung San Suu Kyi Sihni pakhat nih a chim.

Daw Aung San Suu Kyi Sihni U Kyi Myint nih a chimmi cu,“Ralkap nih Aung San Suu Kyi taza an cuaimi a dihlak in diklo an can ter sual ahcun kum 20 renglo thongtla khomi a si. Asinain, Ralbawi fanu a si i zaangfahnak he kan thlah, politics ahcun i teltum kho ti hlah seh biachahnak an tuah khawh. Daw Suh cu Ralbawi fanu a si i mi sawhsawh a si lo ti cu aho cio paoh nih theihmi a si,”tiah a chim.

Journalist Sithu Aung zong nih a chim ṭhanmi cu,“Ralbawi Min Aung Hlaing i saduhthahmi cu Daw Aung San Suu Kyi hleiah NLD party hloh le hrawh hi a si. Ahlei khun in Aung San Suu Kyi cu Myanmar Politics ah i tel khawh ti lo dingin tuah aa tim.

“Mipi nih Daw Aung San Suu Kyi an duh tuk, an uar tuk bantukin ralkap zong duhtu le dirkamhtu kan ngei tiah a chim. Abikin a saduhthah le a khuakhan lairelnak cu Aung San Suu Kyi Myanmar Politics ah i tel khawh lo dingin tuah hi a si. Cucaah a phunphun in taza an cuainak hi a si,”tiah a chim.

Atu ah Aung San Suu Kyi cu Kawl ralkap kuttangah a um liopi a si i Case 6 in taza an cuai liopi a si i amah pumpak buaipitu le dirkamhtu Sihni 6 a ngei ve. Sihni 6 chungah pa 1 lawng hi Online Video hmangin a pehtlaih khawh. Hmaitonh tein ahohmanh a pehtlai kho rih hna lo. A bia zong voi 3 hrawng lawng Court nih a ceih lai i a dirhmun a fiang kho rih lo. Chirhchan: Vapualauaw

Relchap duh mi hna caah:Dr.Sasa: Mi leirawitu na si tiah thi dingah dantatnak pek ka si i, tleih ka si ahcun thah ka si ko lai. Zeipaoh siseh law kan mipi hna caah nuntthap lo cu thimding dang kan ngei lo. Democracy kan herh i zalonnak kan herh, Zalonnak le diknak le Democracy kan ngeih hlan lo cu kan i din lai lo. Asung kan khang lai lo, kan ngol fawn lai lo. Kan dih lak (NUG) in kan ram mipi caah kan nun kan thaap tiah BBC nih biaruahnak an ngeih lio ah a chim.

Hi konghe pehtlaiin Dr. Sasa nih National Unity Government (NUG) dirh a sinak kong fiang tein a chim. Atimi cu National Unity Government hi mipi nih dirhmi le mipi caah dirhmi a si i, ramchung tlangcung hriamtlai hna siseh, Political pary si hna seh, thimtlin mi parliament member hna le civil society bu vialte hna huap in ram mipi hna nunnak caah dirh mi a si i, Ttuantinnak, a fekmi pehtlaihnak le pum khat sinak he thatein dirhmi National Unity Government of Myanmar asi.

Kan president cu Kachin hruaitu ttha a si i, kan prime minister cu Karen State in a si. National Unity cozah ah minung 60% hna hi tlangcung hruaitu bochanmi lawngte an si hna i, hi nih hin kan hmailei lam aa kan sialpiak khawh tiah a chim rih. Kan hmailei caan hi ralkap nawl lawngin khuakhan lairelnak tel loin hman kan duh. Kan hmailei caan cu Federal Democratic Union a si i, ttuanttinak lawngin mah Federal Democratic Union of Myanmar cu kan phan kho lai.

Cu ruangah tuchun ah hin mipi hna nih an duh ning le mipi hna nih an ca hrang le ram caah rianttuan dingin vote an thlak mi 2020 thimtlinmi bangin a tthawngmi cozah kan dirh tiah a chim chih. Rianttuan ning cang zong thatein kan ngei dih cang. Pakhatnak cu a lamkip in ralkap bia lawngin khuakhan lairelnak vialte hi hloh dih asi.

Pahnihnak cu ralkap lutlai hna nih an tuahmi 2008 phunghrampi hrawh or let a si. Pathumnak cu Federal Democratic Union of Myanmar dirh a si. Palinak cu mipi cozah dirh asi. Cubantuk cun Kawlram zalonnak le Democratic Union of Myanmar caah road map fiang tein kan tuah cang. Ram zalonnak le Democracy ram vialte hna nih mah National Unity Government of Myanmar hi an cohlan a hau.

Lam damdang a um lo. Mah National Unity Government lawng hi Myanmar ramchung ah diknak le zalonnak a chuahter tu dingah lam a um chun mi a si. Atu ah hin ralkap hruaitu hna cu ralhrang an si cang hna i, minung 740 renglo an nunnak an lak cang hna. Democracy le zalonnak thimnak result an thuhnawh sawhmawh mi asi lo i, Kawlram mipi hna an nawn cuahmah hna.

Nifatin ram mipi 54 million hna cu thinphang in an tuah cuahmah hna. Khuapi siseh khuate ah siseh an lut an chuak i, minung an thah hna. Ramkip community hna nih cozah thar hi aa kan cohlan lo in aa kan zohsawh sawh peng ko rih a si ahcun hrial khawh lomi tukdohnak a chuak lai i, minung cihmihnak in a dih lai tiah a chim chap. Note: Mah biahi BBC he biaruahnak an ngeihmi ah a chimmi asi.

Leave a Reply