Thawngpang Neknawi : US cu khuasik a tla cang I, Thanksgiving hnu in biatak tein Covid-19 zawtnak nih a kan den than. Tuchun nikhat lawngah minung 2885 an thi. Minung 100000 bak sizung an phan. Minung 200000 cu a zaw tharmi an si. CDC zong nih biatak tein ralrinnak thawng an thanh.

Californai state cu governor Newsom nih Greater Sacramento, Northern California, San Joaquin Valley, le Southern California ahcun Stay At Home order a thar in a chuah. Bars le Hair salon pawl cu zarh thum chung Lockdown an chiah hna. Tuchun tiangah US ram pumpi in Covid-19 ruangah a thimi, 273,848 an si cang. Zawtnak a ngei bal cangmi dihlak, 13,926,082 an phan. Atu lio I a zual bikmi state hna cu, Californai, Taxes, Illinois, Florida, New Jersey le New York an si.

Covid-19 khamhna sii a chuahtu Pfizer company nih tukum chung (December) chungah virus khamhnak sii cu an tuakmi nakin zetceo lawng kan phawtzamh khawh lai tiah tuchun ah a chim. Zeiruang ti ahcun raw material an herhmi cu supply chain pawl nih an duh zet in an pek khawh hna lo ruangah a si an ti.

Asinain January thla thawk ahcun billion pakhat renglo kan phawt khawh ko lai an ti. Pfizer le BioNTech nih an chuahmi covid-19 khamhnak si cu 95% a khamh khomi a si. UK ahcun emergency caah hman ding in an cohlan cang nain US ahcun an cohlang rih lo. December 10 hrawngah cohlannak an tuah lai tiah zumh a si. Credit: Salai Lairamthang

Relchap ko:Vawleicung ram thawng President hna nih cun Biden cungah an I lawmhnak cabia an kuat dih cang, Putin telhlo in. GSA nih Biden cu White House daily briefing tuah kho dingin nawlpek asi bakin Chin President zong nih Biden cu alawmh pinak ca a kuat. N.Korea Chairman Kim jong Un zong nih aa lawmhnak bia achim ve.

President vialte nih Biden cungah lunglawmhnak bia an chim cuahmah lio ah Brizil ram president Jair Bolsonaro nih cun, US thimnak cu ningcang lo asi, hrokhrol mee a tamtuk. Mah cu cu Republican nih tamtuk tehte an hmuh cang tiah a ti ve. Biden nih teinak a hmu tiah an timi hi adik lomi asi tiin President Trump ttanh in bia achim ve ti nak si. Brazilian President hi Donald Trump huatu ram le media pawl nih cun an huat ngai ve. Anmah pahnih hi ralhrang dohnak dingah biatak tein thazaang chuah a duhtu an si tiah theih asi.Catial tu daily chinstar

Relchap ko:Ralbawi Richard Waldron, cybersecurity expert, nih amah sin le Arizona thimnak lutlai dihlak sinah minhngalh lomi pakhat nih email a kan kuat cio. Democrat pawl meeting an tuahnak a dikthlir tein le Pima County ah Democrat candidate pakhat cio ca ah mee 35,000 an fonhpiak ding in bia an ceihnak vialte a chim dih hna. “Biden le Kamala Haris ca zong an tuah ve. A mui aa langh i chiahserh biakamnak a tuah te ko lai tiah kan i ruah chan. Cun hi tin vote an fonh hi election ni ah a si i ka hmuhchuah khawh te ko lai,” tiah Waldron nih a ti.Rev. Biak Lian Vel

Thawngpang dang:Uar um kho taktak si. Trump nih Khrihfa a si nak a langhter than cang. Kan Bible ahcun “na ral kha va daw” timi bia a um. Cu bantuk cun Laimi nih kan uar ngaingai mi Trump nih a tu dirhmun ah a ral bik simi Joe Biden cung ah hi bia hi a chim i, Khrihfa a sinak a langhter. Tunai deuh kan van post cang bantuk khan Biden cu fak ngai in aa hliam. Trump nih aa hliam ti a theih bak in mah ti hin Trump nih a wish, “Get well soon.” tiah a dam zau khawhnak ding ah a wish. A tu dirhmun ahcun Trump caah Biden hi a ral bik a si.Asinain Trump nih hin Biden hi pumpak in a hua taktak lo timi hmuh khawh a si. Khrihfa a si bantuk in a lungput zong a tha ngaingai.

Joe Biden aa hliam nak kong kha a si’ Joe Biden cu zahan ah khan Lente a celh nak ah fak in in aa hliam. A poi bak ko, upa lei a si cang caah zaangfak ngaingai khi asi. A tu Biden hi kum 78 bak a si cang. Cu lio ah zahan ah khan lentecelh nak ah aa hliam. A hliam nak hi a ke (ankle) ah a si. Sunday zaanlei ah khan Orthopedist sin ah check-up tuah dingin a kal i. Doctor te nih zohfel nak an nei lai.

Orthopedist sin ah check-up ding in a kal lio hi media pawl hmuh an siang loh i Biden team nih mipi an block hna. Asinain @nbcnews nih Orthopedist in a chuah lio hi video in an rak lak. Rau lo ah social media ah a lar colh. Doctor nih a chim ning ahcun Biden nih hin a ke orh lei(right ankle) cu a ulh(Sprained) tiah a chim. Joe Biden doctor nihcun CT hmangin zohfel nak kan nei than lai tiah a chim.

Relchap ko:Trump caah thawngpang chia tak tak Pennsylvania lei in a chuak. Pennsylvania i court a sangbikmi nih Trump le a team pawl nih tazacuainak an tuahmi mail in tlakmi vote 2.5 million thihternak cun an hlawnh piak diam. Pennsylvania Supreme Court nih cun tuni khan (US Saturday) ah court hme deuh nih order a tuahmi cu a cohlang lo.

Court hme deuh nih hin tutan ithimnak hi cohlang (certify) lo dingin nawlnak a tuah. Tazacuainak nih a duhmi cu hi state chung i mail in vote pawl hi US phunghrampi ning in a kal lo (Unconstitutional) tiah a ti. Hi tazacuainak hi kan hnu thla khan rak up cangmi a si. Cun Trump zong nih voi tampi a chim phuan cangmi a si. Tuni Saturday khan Pennsylvania Supreme court nih a hlawnh piak hi a si. Trump caah cun thawngpang chia tak tak a si. Zeitin US pi hi a kal lai ti ruahawk a tam ngai ngaicang. Source: Daily Mail.

Relchap ko:Vawleicung thawngthan chim minthang cem Billi Graham fapa Rev Franklin Gram nih a tialmi cabia tawite nih ka thinlung a kuaiter ngaingaii Joe Biden nih US a hruai ahcun khrihfa hna caah cun kan zalonnak, kan himnak le ka covo a zor lai i ruahchannak a bi chin lai , sehtan pennak nih hmunhma a laak lai i khrihfa hna hmunhma a bi chin lengmang lai.

Pathian a duh tuk mi pa Rev Franklin Gram hmanh nih Joe Biden a hei zomh khawh lo ning le Lai mi tampi nih Joe Biden kan hei tthan khawh ning ruah ahcun ngaihchia taktak khi kan si. US ram cu kan theih dih cio bangin vawleicung ram dihlak ah Missionary a thlah tam cem tu ram si ko hmanh sehlaw Obama nih US rampi a time hnih chung a vun hruai hnu bak ah rawk hram ai thawk.

Minak pa Obama nih time US rampi a hruai chung ah a hrawh mi thil tampi cu President Trump a nih time khat te a ttuan chung ah tampi cu a vun remh khawh tthan. Obama nih time hninh chung a ttuan mi nak in Trump nih time khat te a ttuan mi chung ah thiltttha a tuah mi a tam deuh ngai ngai. Trump nih US rampi a vun hruai hnu bak in Lai mi tampi nih Laitlang lei an chung le an zohkhenh khawh deuh hna.

Zei ruang dah an zohkhenh khawh deuh kan ti ahcun Trump a vun ttuan hnu bak in US um mi Lai mi tampi Company rianttuan mi nih fang 7 an hlawh khawh mi kha fang 15 hrawng hna an vun hlawh khawh ruangah chungkhar tampi cu Laitlang lei an chungkhat le an vun bomh khawh deuh ngai ngai hna. US president ttuan ding ahcun vawleicung ram dang cu um rih seh Laimi kan ca ko ahcun Trump nak i attha mi hi cu an um ti lai lo.

Lai mi tampi nih kan tthan tuk mi Joe Biden kong ah Rev Franklin Gram nih a hmuh ning le Joe Biden nih US rampi a vun hruai ahcun thil cang te lai ding le an tawn te ding mi pawl a vun langhter mi cu shreenshot in ka vun chiah chih mirang holh thiam mi hna na si ahcun rak bih ve hmanh ngaihchia taktak khi a si.