CDF ralkap nih ralhrang ceilak an thah hoi hna thawngtha taktak a chuak.

Theihtlei

Mindat Ah Kahdohnak A Chuak Than Ralhrang 7 An Thi Mindat khua ah nizaan August 14 ah ralhrang le CDF ralkap hmunthum ah kahdohnak a chuak i ralhrang lei in 7 an thi i hliam hma pu mi an um.

“Khua chung ahcun chun he zaan he ralhrang pawl an lut an chuak peng.Tu ahcun Mindat kiangkap hrawng zong ah hriamngan pawl an chiah cang.A herh tuk caan i lengchuah zong ttih a nung cang. Phone pawl an check i mino an si ahcun Batalion 274 ah an kal pi colh hna.

Mindat khua pawngkam ummi khua mi pawl zong an lam hmuh sak tu si lo le an thil an phorh ter hna.Atu ahcun an ttih ruang khuapi chung ah a rak um mi pawl zong khua te lei ah an rak kir than cang” tiah Mindat khua mi pakhat nih a chim.

Tu lio ah Mindat no.3 nak tlang kar lak ah kaphnih kahdohnak a chuak i Mindat no.1 nak lei zong ah ralhrang pawl nih fak deuh in cawlcanghnak an tuah tiah kan theih.

Mindat – Matupi lam meng 5 pawngkam zong ah ralhrang nih hriamnam an chiah i an kah cuahmah hna lawng si lo in ralhrang thazaang zong an chap thluahmah rih the chin post.

Thawngdang Covid -19 in nunnak liammi Myanmar mipi caah American palai hmurka Covid -19 zawtnak ruang ah Myanmar ramah a nunnak a liam mi Myanmar mipi hna caah kan ngaihchiat pi hna kan lung tha lo tuk ve tiah America Palai Thomas Alvida nih a chim.

Covid zawtnak a tuar mi myanmar mipi hna cu bawmhchanh khawh nak ding caah thazaang chuah in kan i zuam bantukin Myanmar ram Democracy lam cu an hmuh than khawh nak ding caah fehternak kan tuah tiah a chim.

Myanmar mipi caah Covid he a pehtlai mi bawmhnak ah Dollar nuai 20 leng man a pek bantukin milu a tlawmmi thlangcung mi hna tel in covid runvennak caah cozah asi lo mi ngandamnak lei pum ape mi phu hna caah bawmhnak ka pek tiah a chim.

Cu lawng si lo in Myanmar mipi hi bawmh chanh khawh nak ding caah Global Fund le Gavi phu telin ramkip i hawikomhnk phu hna i tangka a hleihluat hna cu fiang tein pehzulh in bawmhchanhnak kan pek tiah a chim.A luancia ni zong ah America ram nih Myanmar ram cu mipi zawnruahnak he America dollar nuai 50 leng bawmh a si lai tiah UN lei American palai Linda Thomas Greenfield nih a thanh the chin post.

Leave a Reply