Elon Musk Mirum pa kong: Tutan cu tawi deuh ngai in ka rak tialmi asi caah a dih tiangin rel khawh rak i zuam te hrim law.

Elon Musk cu June 28, 1971 kum ah Pretoria, Transvaal, South Africa ah achuakmi pa asi. Kum 2002 in US Citizen alak I tutiang US ah aum rihmi asi. Apa hi Canadian, a nu South Africa hna chungin a chuakmi asi. Kum 2020 I angeihmi cu 69.8 Billion USD asi. Tutiang ah Vawkhat hmanh sunghnak atong bal rih lomi cu, zeihmanh arak I tim rih lomi an si tinak asi tiah Min thang Albert Eihstein nih a rak timi bia: If you’ve never failed, You’ve never tried anything New: Elon Musk a ngeihmi hna cu SpaceX, Tesla, PayPal, Zip2, an si. Tulio a tuahmi cu Minung kan thluak le Minung ruahnak fonh ding timi hi asi. Hii an lim tik ahcun alet in minung kan thil tuah duhmi hi tuan ah kan lim khawh lai ti asi.

Sunghzatlaknak na ton bal cang ahcun, nang cu zuamnak ah na rak I tel bal cang tinak asi. Zeiruang ticun, Tulio kan Vawlei ah Mirum Cazin ah arak I telmi Mi minthang pa Elon Mask cu amah I zuamnak ruangah teinak nganpi ahmuhmi cungah Vawlei mipi nih thangthatnak a thongmi asi. Elon Mask cu sungh zatlaknak vial te chungin teinak ahmuh caah a min athan khunnak cu asi. Zeiruang dah hitluk in teinak hi a hmuh ti cun, aluancia caan ah rel cawk lomi sunghnak chung in atonmi tete nih khan thazaang tampi an rak pek caah tubantuk in Teinak lianpi hi arak hmuhmi cu asi.

Atu ahcun Vawlei minthang ah arak I telmipa cu, Nike ah rian asawk nain arak ngah kho lo. Culawng hmanh si loin, amah pumpak hrim nih arak dirhmi Zip2 Company in CEO arank zong in phuah a rak tong balmi asi. Culawng hlah ee amah I tuahmi PayPal company in CEO rank in phuah zong atong rih fawn. Kum 2002 ah amah I dirhmi SPACEX a company zong hi an khar dengmang tiangin arak tong rih. SpaceX cu May 30,2020 ah International space station ah khan Van le Vawlei ah thilnung hna aum maw? Minung hna um khawh asi maw tiah hlathlai ding ah an thlah I August 02, 2020 ah dam tein Atlantic Rili cungah an rak tum than cang. Zei pawl dah an kan port timi cu hnu deuh ah an kan thanh te Theo lai. Elon Musk cu sunghzatlaknak tampi hna chungin cawn awk tampi hna kha thazaangah I lak thiam in hmailei kan teinak lianpi ah chuah ter khawhnak dingah akan chimhmi hna phun 5 hna cu atanglei hna hi an si. Lessons from Elon Musk: Vawlei ah Mi minthang le thil khuaruahhar aser khomi hna asimi Thomas Edison, Nikola Tesla, Albert Einstein le Elon Musk hna an thil tuahmi hi hmailei caan saupi tiangin rinhchanh awk an si rih hrim ko lai timi cu al awk tha lo hna an si. Cu bantuk cun Elon Musk nih atonmi chungin teinak a hmuhnak hna phun 5 cu atanglei hna hi an si.

1. Turn Your Failure into Opportunity: Sunghnak na rak tonnak hna kha caantha ah hman khawh I zuam: Elon Musk cu Sipuaizi lei zongin athiam ngaimi asi hlei ah Vawlei fimthiamnak ( scientist) lei zongin mi minthang pakhat zong asi. Apa cu South Africa mi asi I anu cu Canadian mi asi. Angakchiat lio ah hin Pretoria, South Africa ah a rak thaangmi asi. Kum 1997 ah hin University of Pennsylvania ah Sipuazi degree in sianginn adih mipa asi. Mah lio ah hin Internet Company anganbik asimi Netscape ah rian arak sawk nain in rian pek cu chim lo, zei thawng hmanh thanh arak tong lo.Nain I lungsak loin amah pumpak theng tein ava kal in asawk than zongah a hmu hlei fawn hoi lo. Global Link Information Network (Zip2) cu kum 1995 ah a upa asimi Kimbal Musk he US$ 6,000 hram bunh in an rak dirh. Elon Musk cu Netscape company nih rian an pek duh lo caah Zip2 company cu 1999 kum ah Tree millions in an rak zuar. Cu Zip2 Company azuar dih in PayPal online in Phaisa peknak zong cu an tuah than rih. Arak thawk lio ahcun, thil tha lo ngai in an rak ruah nain, tuni ahcun Vawlei Minung 230 Millions nih kan hmanmi company tha ngai ah arak I chuah ko cang.

Elon Musk kha Netscape in rian rak hmuh sehlaw, asi lo ah rian arak hmuh lomi nih khan lungrawhnak rak ah rak I lak sehlaw tuni ah hibantuk minthannak hi arak hmu lai lo.
Cuve bantuk cun nang zong sunghnak he na chiah lio le na ruahnak bantuk in thil a rak kal lo caan arak tampi kho men ko lai, Mah bantuk caan lio ah khan um sawh loin le lungrawhnak ah hman loin, Teinak hmuh dingin I zuam kha arak herh ngaimi asi.

2. Have a Backup Plan: Thabik in na zuam lio cuahmah lio caan zongahh sunghnak nih an phak khawh ve caah, Timlamhnak kha rak I ngeih cia ding arak herh. Elon Musk cu Kum 2002 ah SpaceX timi Thlapa cung kainak caah SS$ 100 millions dih dingin timtuahnak arak ngeimi cu Millions $900 dih in Thlapa cungah Rocket cu athlah nian teinak arak hmu kho lo. Nain timhtuahnak arak ngeih cia cang bantuk khan avui hnihnak ahcun Teinak lianpi cu arak hmuh than ve ko. Khakha vuikhatnak ah teinak ka hmuh lo sual ah tiah timtuahnak arak ngeih chungmi nih khan teinak ahmuh termi asi tiah ti khawh asi.

Kannih Mino tha zongnih Company pakhat kan tuah tik ah kan ngeihchunhmi phaisa le kan caan hna tampi pek in kan rak thawkmi mi nih an vun duh saling hna ah phaisa hna kan ngeih tilo ruangah lungdong in company hna tuah kho lomi hna an rak um ton hna. Cubantuk cun Rian pakhat kan thawk cang lai ti ahcun, Elo Musk a vuikhatnak ah teinak rak hmuh hman hlahsehlaw ralrin tein arak I timh ciami nih avui hnihnak ah teinak ahmuh sakmi kha kan I cawn awk cu asi. Nangmah tein hnu lei in bawm chantu na ngeih lo hmanh ah network an tuah piak kho ding i ngeih kha arak herhmi asi.

3. Practice integrity and account ability: Dinfel tein um aherh: Na rian kha tha tein tuanvo lak aherh. Vawlei Minung hna hi ngandamnak caah biapi in aruah caah Gasoline in Motor kan hmanmi hna cu hrial in Electric thazaang in akal khomi Motor hman dingah ruahnak arak chuah. Nan theih bantuk in thilthar tuahnak cah cun phaisa tampi hi an rak dih ton caah, cu tluk dih dingin phaisa hram arak ngei ve lo. Cu caah American Cozah sin in UU$ 400 millions cu akarh pek dingin arak cuai hna. Cu tik ngamh ngai in atuahmi Electric Motor company cu khuaruahhar tak in Hlawhtlinnak arak hmuh ko. US Cozah sin Phiasa akarh in kum 10 chungah cham dingin an rak tuahmi zong cu kumkhat ah acham than khawh dih hna. Khati tuan tein acham khawhnak aruang cu leibaa kha tuan tein cham khawhnak ding rian nganpi ka ngeih tiah aruahmi le tuan duhnak thinlung arak ngeihmi nih khan teinak arak pekmi hna cu an si. Cuti atuan khawh caah a company zong cu Phaisa in cawk khawh lo dingmi Minthatnak zong cu arak hmuhnak asi ve.

4. Welcome constructive Criticism: Minih Soiselnak hna kha thiltha in ruat: Elon Musk zong cu TESLA Motor car engineer pawl hna he Biahalnak angeih hna ah hin, ahal hmasa mih hna cu Motor hi athat lonak zeital aum maw tiah ahal hmasa ton hna. Hi Mortor kong ahal hna ahhin, athatnak hal loin, azei zawn dah athat lonak le chap aherhnak lawng kha ahal tik hna ton hna. Cu tik ah athat lonak zawn le aherhnak zawn kha tha tein an remh caah minthatnak zong cu an rak hmuh tonnak asi. Kum 2018 kum ah Tesla Motor arak hmang vemi pakhat nih cun, hi Motor hi kan ruahnak tluk cun atha lo ee tiah ara soisel ve. Cu tik ah Elon Mask nih cuti an Motor an soiselnak cu thangchiatnak ah ruat hin loin, tha tein a cohlan hna I an soiselnak zawn cu tha tein an remh ve tik ah an thil tuahmi cu that chin lei aphan. Cu tik ah an thil tuahmi arak soisel pa sin khan thiltha achuah ternak ah thazaang an I lak khawh chin hna. Cuti an remh hnu cun Kum 2018, August thla in an tuah mi Tesla Motor car cu North America ah an zuar khawh bikmi Motor ah arak I chauhnak zong asi tiah an ti. Cu kum ah an zuarmi in an hmuhmi cu $93 millions man an rak zuar khawh ti asi.
Hi zawn ahhin Elon Musk athil tuahmi hi cawn awk thlak ngai in ka hmuh. Mi nih soiselnak hi cohlan khawh awk ngai in cun arak fawimi cu asi hrim lomi asi. Nain Mi thancho aduhmi hna nih cun thiltha chuahnak tu ah an rak herhmi soiselnak pakhat ah an ruahmi asi ve.

5. Never Ending Effort: Zuamnak cu zeitik hmanh ah adir bal lo: Elo Musk timi pa hi cu chunmang thatha he khua aruat pengmi pa asi. Achunmang tampi hna zong cu atak in arak tuahtu pa zong cu asi. Nain arak tuah ciami thil hna cung lawng khan I lunghmuih loin, zei thil thar dah ka tuah lai, zeitindah ka tuah khawh lai tiin khuaruahnak angei pengmi pa asi. Cu hna lak ah ka duh ngaimi pakhat cu Minung kan thluak (Brian) le kan khuaruahnak hi ifonh khawnak hi asi. Cucu tuah khawh asitak ahcun, Minung kan khuasaknak he alet in atleng kho te hrim lai timi hi asi. Cutin Elo Musk cu idinh caan ngeih loin khua ruahnak angeih pengmi le thil a tuahmi hna hi Mino hna nih kan I cawn awk ngai asi. Miteimak hna hi Teinak an rak hmuh hlan ah sunghnak an rak ngei cio, nain an rak tonmi sunghnak hna tu khan thazaang an I lakmi nih hin kannih hna zong thazaang kan I lak cio ve ding hrim kan si. Tanghra kum 5 sungh kha I teiter lo ding le, Tanghra aung kholo nih rum khawh tuk arak simi hna zong hi thazaan I lak cio hna si. Kannih Chinmi hna zong nih Mi tei aduhmi nih cun minak in kan colcangh deuh ahau timi hi kan thisaa chungah I ciah ter ve. A chunchun, azanzan In aa seh chihmi Chinmi phun si va cang hna si tiah sawm buin….

Moses Lian
USA