Gospel Singer “Mai Ngun Tha Sung” Kong Lam Tawi

Theihtlei

Gospel Singer “Mai Ngun Tha Sung” Kong Lam Tawi
===============================

Anih hi” ThangThat Hna U Sih” ti zaihla hmangin alar zet mi asii! Hi’CMT hmin interview lo neih kan duh ih caan in pe thei pei maw? Ans. Aww pe thei ee. ka lungawi.

A hmaisa bikah nahmin le na khua na umnak le na nu le pa’i hmin le unau ziangzat nan si? Ans. ka hmin”Ngun Tha Sung” Kan khua cu RamThlo khua asii. Unau pa2 kan si. ka pa cu Romeo kanu cu Hniang Hmen asii!

Tuhi kum ziat nasi ih,kum ziangzat nasi in hlasak na thawk? Ans. Tuhi kum 15 ka si ih kum 8 ka si ah hlasak ka rak thawk.

Nangmah tein album na tuah zo maw? Ans. Aww ka tuah zo. “ThangThat Hna U Sih” timi album asii!!

Na hla sak mi lakah zianghla na duh bik? Ans. ka hla sakmi lakah” KHUARUAHHAR DAWTNAK” timi ka duh bik.

Ziangvek hla pawl nasak theu, Ziangvek style saw na uar zawng? Ans. Hla ah cun gospel hla deuh ka sak ii style lam ah cun”Rock,country le Slow GoGo lam hi ka uar in ka sak tam!

Ziangtik kum in hlasak nathawk, Ziangmi hla in miin an lo theih thawk daan? Ans. Hlasak hicu ka nauhak ten ka sak peih zet mi asi,mipi hmai kasak thawk hicu”2012″in ka rak sak thawk. Mipi in in theih nak bik hla cu ka single album sungih aum mi “John Fready” ih phuah sakmi “THANGTHAT HNA U SIH” timi hla hi asi!

Hla fingziat na sak zo? Ans. Awsi Bawipa atha ka cover mi thawn fing 23 ka sak zo.

Hlathar suak cing ding teh na nei maw? Ans. aww Bawipa zarah fing4 lai cu sak ding ka nei’covid19 ruang le boruak sia ruangah studio khal ka lutthei hrih lo.

Hmailam ah ziangtin kekar na tum tivek teh in sim thei pei maw? Ans. Hmailam khalah ka ti thei tawk te hla in siseh thu in siseh pathian hrangah pumpe vivo dinghi ka saduhthah asii!

Kan laimi lungput hi ziangtin na ruat thleng țul inteh na thei maw? Ans. Awwsi kan laimi lungput thlengțul bik tiah ka ruah micu midang hrangah that nak kan tuah thei lo hmanah mi tlam tlin lo nak le soisel nak hi atam hrih in ka hmu cun pakhat le pakhat thazaang kan pekawk thiam ding khal hi athupi zet tin ka ruat.

Asicun, anetnak ah kan mipi hnenah thucah duh na nei maw? Ans. Awwsi ka lungawi, mipi nih hin hlasak thiam khal siseh kan sam baunak zawn aum asi ahcun duhdawt nak thawn pakhat le pakhat sim thiam tonaw sehla kan hlasak thiam mi tete khal in cawisanawk thiam in thazaang kan pekawk thiam dinghi cah ka duh, hla kan sak ii kan “Facebook”maw kan, Page ah maw hlathar tete ka rak thlah tikah siseh thazaang inpek mile kan hla te inrak share sak mi kha thazaang kan ngah nak bik le kan lungawi nak bik asii! Ans. Awsi ka hla arak ngaitu siseh thlacam nak thawn thazaang in petu ramsung ramleng aum mi nan zatee parah lungawi nak tampi ka nei. Hmailam khalah nan thazaang peknak kan țul ringring ti hi ka cah duhbik mi asii!

Na caan tha inpek mi parah kan lungawi zet. Kei khal ka tlinglo cingten interview in rak tuah nak parah tampi ka lungawi. CMT țuanvo neitu nan tlunah ka lungawi tuk. Credit: ‎Benjamin Thante

Leave a Reply