Kawl ralkap:That lo ruang ah’Chin mizong thinak tiang kan phan cang e.

Theihtlei

Nizan ralkap nih sizung in an tthawl hna lio ah sizung mizaw lak ah aa tel vemi CNA ralkap Sergeant Aung Lin Tun 26 cu nihin zinglei sml.5:30 hrawng ah a nunnak a liam.Aung Lin Tun hi Paletwa khuami a si i’CNA ralkap sen 2 a si.Pawpi lei zawtfahnak in a nunnak a liam hi a si i Hakha CCPR zung ah a ruak an suan.The chin journal

Relchap khawh si:Ramleng um nih ramchung cawlcanghnak kong he pehtlai in catial hi ka thlingza ziar nain Ralkap sualnak, thatlonak le nihsawh thlanglamhnak zoh ah ka sum kho bak ti lo. Kawlram miphun lakah Chinmi hi an kan zomhteih bik ko rua. Kan hriamtlai CNA hmunkhuarnak Victoria Camp tiang an kan luh hnawh. Hakha Kan Si-inn ah damlo zohkhenhtu le khuasa hna an pawnchuah hna. Kan fimcawnnak Sianghleirun tiang ah hmun an khuar. Kan hmun le ram cia ah an cawlcangh hi cohlan khawh hrim2 a si lo.

Mah tluk in a kan nihsawhtu ralkap uknak thalo hi chinmi nih lungrual le raltha taktak in kan doh hna a herh. Chin Pasal le nusal hna kan biartung fekte in i keih law kamlo Chuncha bang dir cang tuah. Naichailo raltha miphun kan si lo maw? Kan Ram le miphun caah Ralhruang bang dir cang sih.

Chinmi Cozah riantuan dihlak CDM cawlcanghnak ah lungrual tein um hna sih. CDM ah a lutcangmi upatnak kan pek hna. A lut rihlo mi zong na miphun ral dohnak ah rak lut ve. Kan ral ngan bikmi kawl ralkap misual thape tu le tanpi tu Chinmi chung in um sual hlah sih. Miphun leirawitu si hram hlah. Bible ah “Mi sualmi khuakhannak ah a tello i misual mi hna lam zong a zullo mi cu thluachuakmi an si.” Tiah Bible Cawnpiaknak hi i nunpi cio hna sih.

Kan nunphun, holh le ca, biaknak hrawh a zuam/tim pengmi Kawl ralkap hi kan thinlung ruahnak, ngeihchiah chawva le thazaang dihlak in do ko hna sih. Zauk phung kan dirkamh lai, kan covo kan kan kilven lai. Dinnak hmunhma kan pek lai. Kan ram le miphub kan humven lai. Kan ram ah deihnak le luatnak a hmunhnak ding caah lungrual tein kan tuan cio lai. Kan pahrang cio chuah in Kan ram le miphun caah tuan cio u sih. Kan dohmi hi techin fapar caah a si. Pathian bochan le thlacam bawmhhalnak he hmainawr chin sih.Teinak cu Bawipa ta a si.

Leave a Reply