Laipa Bank ah:Tangka MMK ting 250 a lut sual’A van tha taktak Pathian khua khan bak asi.

Theihtlei

Pathian remruah dan hi a mak tuk rori e.Tuini cu Pathian zarah paisa kuattu rin aiin nan tam ih ka lungawi zet. Curualin ka lo tawn ngah lo mi pawl hnenah nan theihthiamnak le ngai damnak ka lo dil a siZing nazi 9 ah City Hall ka thleng. Zanlam 6:30 tiangah paisa kuattu an cem hrih lo.Paisa kuat dingin in hngak cingin, Ka elna tuar loin ekinn sungah minutes 10 hrawng ka to ringring. Nunaupawl thi an neih ih a har ding zia tiang ka ruah sak thiam phah rori ding.

Paisa kuattu an tam si, ziangtin ha hi zatzat thaisun le tipsun ih pe thluh thei dingin ka kuat thei ding tiih ka buai laiah, ka bankah Mmk ting 250 miin an run transfer sual. In run call ih ka mang bang. Ka KBZ ka vun zoh cu paisa tampi a rak um ngai.Thuhla kan rel ih annih Singapore le Myanmar thil kuattu te an si. Cutin thuhla kan rel peh vivo tikah $ (Singapore dollar) an rak mamawh tuk khi a si.Cutin rin lo pin dollar in pe thei sehla an duhthu le dollar an mamawh zia thu in sim.Ka beisei aiih sang in dollar in lei dingin in dil.Dollar ka pe cu an lungawi dan cu amak. Culawng hman si loin an paisa thunsal mi ih an mangbangnak khal an thawpi an thaw hlunhlo.

Pathian zarah, leh lam, leh lam in kan lung a awi tlang.Annih khalin dollar an ngah phah ih, kei le ting 250 rori paisa kuatman țul loin ka ngah cih.Bawipa kei misual bik hi ziangso ka siih ka zawn in ruah?A tebik mi kei rori in thlahthlam lo hi ka lungawi tuk.

Kuattu nan tamtuk ruangah thaisun ih kan lo pekthluh man lo pang asile tipsun ih lo pek thluh thei kan zuam ding.City Hall sung ka lut thei loih cabu in laksaktu Rose Mawi par khalah ka lungawi ngaingai.Cun cabu khal
Surbung Airport Thuanthu bu 3 LeChin Phungthluk Dictionary bu 3 lawng a tang.Lai Cerek in bu 1 veve thaizan len a la dingih,Kei in bu 1 veve in present mi ka la dingih, cutin bu 2 veve lawng a tang ding tinak a si. Paisa in kuattupawl le cabu in leitupawl nan parah simcawk lo lungawinak ka nei.

Leave a Reply