Min Aung Hliang nih ralkap a tuan ding mi pawl a phuan dih cang hi

Theihtlei

Ralhrangbu Nih Rallokap A Lut Kho Ding Cu Tangruk Aung In Tangli Aung Ah An Thumh Ralhrangbu nih rampi nawlngeinak an lak hnu ah rallokap a lut duh mi an tlawmtuk cang caah mithar kawl ah buainak tampi an ton caah cacawnnak lei ah tang 4 a awng mi poh luj khawh dingin a thumh.

Mah hlan ah rallokap ah a lut khomi hi tang 6 awng a si lai tiin ralhrangbu nih an rak khiah mi a si.Atu cu a hlan bantukin mithar kawl a fawi ti lo caah tang 6 awng in tang 4 awng ah an thumh mi hi a si tiin hmun tampi ah mithar kawl rian a rak tuan bal mi rallokap hlun pakhat nih a chim.

A hlan ahcun rallokap nih ‘standard army’ a si khawhnak dingah timhnak a ngei caah fimthiamnak lei zong ri a rak khiah,rallokap an tuan pah zongah an duh ahcun cacawn pah khawh a si.

Ralhrangbu nih uknak an lak hnu ah an riantuannak duhlo in cozah riantuan, palek le ralkap tampi CDM ah an lut.Mah caah mipi le ralkap pehtlaihnak a hlat,a rawk chinchin i ralkap a lut mi zong an zor ngai.Cheukhat hmun ahcun ralkap an i daih lo ruangah ralkap hlun pawl zong an lak than hna, ralzaam hmun cheukhat ah a ummi hna zong pitusit ah hramhram an tuan ter hna tiah theih a si the chin post.

Thawngdang Kawlram cu kumzabu chungrau in thanchonak ding caah i zuamnak cu rallokap uknak lak ruangah a rawk kho Kawlram ah rallokap nih uknak a lak i buainak le Covid zawtnak a karhtuk ruang ah ram chawlehthalnak cu tukum chung ah 18% a tum tiah vawlei cung bank pi nih a chim.

Tu lio sining ahhin rian nuaikhat sungh khawh a si.riantuan mi cheukhat cu thlahlawh thumh piak an si i phaisa luh a tlawm deuh tuk kho tuah a chim.

2022 kum hramthok lei ahcun a si a faktuk mi ram ah a chuak kho.Kawlram minung hi 2019 kum in tahchunh ahcun a lethnih in a tam deuh kho tiah theihternak ca ah a langhter.

Min Aung Hliang hruai mi rallokap in nawlngeihnak a lak thok in America Dollars le Kawlram phaisa thlen cu 23% tiang a tum i chawhlehnak a um ti lo caah thilman a kai.

Riantuan ding te hna, phaisa lut hna sunghmi a tam bantukin ngandamnak le ei din zalak in um lo i pawngkam ral he fonh in tulio vawlei pumpi karh mi zawtnak ruangah faktuk in tuar in sifak bik le a tha a der bik mipi hna cu minung nunnak a herh mi tete ah harnak ngan an tong lai tiah Vawlei cung Bank Palai Mariramsiaman nih a chim.

Rallokap nih hramhram in uknak lak ruangah kumzabu chung i zuam mi ramthanchonak cu a rawk kho i minung nunnak le thil tuah har ruangah cawlehnak ah ton khawh a si mi harnak cu kumtam pi tiang tuar khawh a si tiah Vawlei cung bank tlai tu nih an chim the chin post.

Leave a Reply