Ngun Cung Lian nih Min Aung Hliang lungthin a lawmtar cang laksawng pek a siko la hi

Theihtlei

Chin miphun pakhat a si vemi le tilio kan ram buai lio ah mipi lei ah ttang loin ralhraang lei ah a ttang tu Ngun Cung Lian nih a Pu Min Aung Hlaing le a unau ralhraang pawl lung tong ngai dingmi bia a vun chim tthan cang, ralhraang kut tang i rian a ttuan zong ah hi bantuk bia hi cu rak kan chim piak hraam hlah sehlaw ttha ngai hnga!

Myanmar ram hi Internetional Court for Juctice ah zei bantuk konglam a va si zongah, zei bantuk international upadi a buar zongah siseh, zei bantuk ram, zei bantuk bu le zei bantuk phu hmanh nih tazacuai le sualphawt an timhnak kongah hin nan lungthin chungah miphun dawtnak, ram dawtnak le mipi dawtnak in thinlung nih a chuah pimi fahnak, i nautatnak le thin hunnak nan neih ve ttung lo ah cun Kawlram ah um hlah uh!

Kawlram miphun sinak zong i tlaih hlah uh, ramdang ummi nan si zongah Myanmar timi hi rak philh ko uh, an cawmkeng tu hna ram sin ah khan uangthlaar ngai khan um ko uh, Myanmar ram hi nang mah he zei hmanh pehtlaihnak a nei lo tiah ruat ko.

An hringtu na nu le na pa an duh lo ruangah tazacuai tongmi fapa si na duh maw, na farnu an duh lo ruangah tazacuai tongmi ttapa si na duh maw, na upa an duh lo ruangah tazacuai tongmi naupa si na duh maw, zei dah si nan duh timi kha chim ko uh, chungkhar buainak hi chungkhar kar ah chungkhar lungput le chungkhar dawtnak in remh timh hi a ttha bikmi si.

Kan ram chungah a chuakmi buainak hi rammi pakhat sinak theih bu tein le, rammi pakhat nih ram cungah a neihmi dawtnak in remh timh hi a ttha bikmi si, chungkhar lungput zong neih lo, rammi sinak lungput zong neih lo le rammi cungah dawtnak neih lo ah cun Myanmar rammi sinak hi nan caah a phu lo.

American ram New Yourk ah president hlun simi U Thein Sein taza a rak cuai tu pawl, Australia ram ah Daw Aung San Su Kyi taza cuai a rak timtu ramdang mi pawl, ICC ah Myanmar ram tazacuai timtu hna, Argentina ram i Union District biaceih zung ah England ram ah ummi Kawlram mi hna nih nih Kawlram tazacuai a rak tim tu hna kha mi zei dah nan si timi cu Kawlram mipi nih theih dih a si ko.

Hringtu a pa zong a biang ah voikheng bengh lomi, hringtu a nu sam zong voikhat te hmanh rawt a tong lomi hna nih International Law hmang in Kawlram le Kawlram mipi hna cu misual le mifir tiah melmang nan thuh hna le, tattoo hna nan chunh piak hnami hi Kawlram mi sinak he nan i pehtlaih lonak a langhter tu si.

Nan nih pawl hi Kawlram mi zong nan si ti lo, hring tu pa zong hngalh lo le hringtu nu zong hngalh lo in a rak chuakmi nan si lai, tu lio kan ram buainak hi zoh ulaw Kawlram ah a chuakmi, Kawlram thli a dawpmi, Kawlram ti a dingmi, Kawlram facang a eimi, Kawlram he aa hlaatnak hmun ah a chuakmi Chin miphun pakhat sinak in ka ning zak tuk tiah Ngun Cung Lian chimmi cu si.

Leave a Reply