Pu Trump nih:USA mipi ralring a pek cang hna hi.

Theihtlei

Nan ka thim than lo a si citcet ah cun kan stock market hi ai rawk dih lai, tiah Trump nih a tu le tu American mipi ralrin a pek hna. A taktak ah cun, a tu i thil umtuning hi a let ta lem lam. Biden thim a si ah cun markets pawl an i rawk dih lai,” tiin August le October kar lawng hmanh ah khan voi 6 khengte Trump twitter in a thlah. Cu bantuk biachim cu cuhlan president pawl nih chim an i sum zungzal mi bia asi.

The Dow Jones Industrial hi 29,000 lenglo tiang in a hlawh a tling! Nan President ka si mi hi cu nan van a va tha ve aw… Joe Biden chan ah cun siseh law ai rawk dih hnga,: tiin Sep. 2 ah khan Trump nih twitter a thlah. Zanmangchia muisam a kengmi Election buaibainak ruangah markets pawl an thathawhnak a zor ngai cang ko nain, Pfizer le Moderna nih vaccine serchuah khawhnak lam an hmuhchuahmi thawngpang nih investors pawl tampi an tha a thawhter than cang hna.

500 le bang cu 1932 hnu in a thabikmi election week a tinco khawh cang. Monday i faak ngaiin a tlak ko bu zongah November thla chungah the Dow hi 12% tiang a kai. Cucu 1987 January hnu in a caah a thabikmi thla (month) a si. The S&P 500 le Nasdaq zong April hnu in tu thla hi an caah a thabikmi thla a si. Biden hi market caah a tha lo, tiin thawngpang kan theihmi le nihin hi kan hmuhmi hi ai ralkah ngaingai,” tiah Hedgeye Rish Management ah research director Daryl Jones nih a chim.

Relchap ko:Nai te ah President Trump nih twitter ah a tialmi cu, Tu lio thimnak kong ah heh tiah ka doh cuahmah mi hi keimah caah a si lo, zumhtlak tein mee a ka petu minung 74,000,000 hna caah asi tiah a ti. Trump nih nihin tiangah hnulei thawn aa tim lo, thil sining vialte a ruh tiang lang dih hlanlo cawlcang aa tim ko. Nizan tihni ah a chimmi zong kha ruahlo awk tha asi lo. A rak chimmi cu, White House ah Biden a thut khawhnak dingah cun, Biden nih a ka teinak tehte achuahpi a hau ati. Biden nih hi zatzat in a ka tei hi phung ning tein asi tiah tehte a chuahpi khawh ah cun US President sinak cu tha tein ka kianh lai tinak asi ko.

Tehte a chuahpi khawhlo ah cun President thutnak thutdanh kian khawh dawh a si lo. Nain cunglei tuanvo ngeitu Supreme Court nih Biden nih EV in teinak a hmu ko tiah an thanh ahcun White House ka chuahtak ko lai tiah a ti thiam ko. US President hi January 20,2021, ah khin President sinak le nawlngeihnak vialte I pek dih ding asi cang. Atu hi thlakhat le cheu te lawng aa duh cang. Nihin tiangah lawsuit file mi athar in a um than peng tikah zeidah a lawh te laic him khawh asi rih lo. Thimnak result ning ahcun BIDEN nih teinak a hmu rih ko.Daily Chinstar

Relchap ko ri:America cu an pui bak ko hna hih. Atu tiang thimnak kong a buai ko rih. A ho nih dah President a tuan lai ti zong kan hngah cuahmah cang ko hih,Trump Caah Thawngpang Tha. Joe Biden Caah Tahnak, Arizona ah zapi hmuh dingin Republican party pawl nih an tuahmi ah US tuanbia ah a nganbik fiarnak cu Ting 3, vote 300000 an hmuh chuah. Zapi an lau tuk hrinhran cang. Joe Biden te party tuah sernak.

Ka rak chim lengmang cang Supreme court justice ah an phan lai I Trump nih 100% 100% in teinak a hmuh lai ka ti zungzal. Democratic a tanhmi hi tha te in ngia hmanh hna u . Vulei mit in kan fim an ti lai nain Pathian kha zei an rello i An cungah Pathian ai phuang bal te lailo.

A chimmi tampi ka tial ti lai lo. Rak ngaive te u. Khuaruahhar tuah sernak a si caah, tutan ithimnak ah Trump nih a pehthan a si ah cun a zia a chuah lai I, hnawm thianh in a thianh te hna lai. Kha Republican Trump a tanhmi caah thawngpang thatha lih an hmuh cuahmah. Democratic caah cun zeilam dah an zawh cio te lai.

Media pawl, Media ngan pawl nih Joe Biden an dir kamh. Sihmansehlaw media fami pawl nih biatak an dirpi ve. Media ngan pawl cu mipi millions nih an chuah tak hna caah harnak nganpi lamah an I tap cang. Credit: Joseph Thawng Za Ting

Relchap ko:Uar um kho taktak si. Trump nih Khrihfa a si nak a langhter than cang. Kan Bible ahcun “na ral kha va daw” timi bia a um. Cu bantuk cun Laimi nih kan uar ngaingai mi Trump nih a tu dirhmun ah a ral bik simi Joe Biden cung ah hi bia hi a chim i, Khrihfa a sinak a langhter. Tunai deuh kan van post cang bantuk khan Biden cu fak ngai in aa hliam. Trump nih aa hliam ti a theih bak in mah ti hin Trump nih a wish, “Get well soon.” tiah a dam zau khawhnak ding ah a wish. A tu dirhmun ahcun Trump caah Biden hi a ral bik a si.Asinain Trump nih hin Biden hi pumpak in a hua taktak lo timi hmuh khawh a si. Khrihfa a si bantuk in a lungput zong a tha ngaingai.

Joe Biden aa hliam nak kong kha a si’ Joe Biden cu zahan ah khan Lente a celh nak ah fak in in aa hliam. A poi bak ko, upa lei a si cang caah zaangfak ngaingai khi asi. A tu Biden hi kum 78 bak a si cang. Cu lio ah zahan ah khan lentecelh nak ah aa hliam. A hliam nak hi a ke (ankle) ah a si. Sunday zaanlei ah khan Orthopedist sin ah check-up tuah dingin a kal i. Doctor te nih zohfel nak an nei lai.

Orthopedist sin ah check-up ding in a kal lio hi media pawl hmuh an siang loh i Biden team nih mipi an block hna. Asinain @nbcnews nih Orthopedist in a chuah lio hi video in an rak lak. Rau lo ah social media ah a lar colh. Doctor nih a chim ning ahcun Biden nih hin a ke orh lei(right ankle) cu a ulh(Sprained) tiah a chim. Joe Biden doctor nihcun CT hmangin zohfel nak kan nei than lai tiah a chim.

Relchap ko:Trump caah thawngpang chia tak tak Pennsylvania lei in a chuak. Pennsylvania i court a sangbikmi nih Trump le a team pawl nih tazacuainak an tuahmi mail in tlakmi vote 2.5 million thihternak cun an hlawnh piak diam. Pennsylvania Supreme Court nih cun tuni khan (US Saturday) ah court hme deuh nih order a tuahmi cu a cohlang lo.

Court hme deuh nih hin tutan ithimnak hi cohlang (certify) lo dingin nawlnak a tuah. Tazacuainak nih a duhmi cu hi state chung i mail in vote pawl hi US phunghrampi ning in a kal lo (Unconstitutional) tiah a ti. Hi tazacuainak hi kan hnu thla khan rak up cangmi a si. Cun Trump zong nih voi tampi a chim phuan cangmi a si. Tuni Saturday khan Pennsylvania Supreme court nih a hlawnh piak hi a si. Trump caah cun thawngpang chia tak tak a si. Zeitin US pi hi a kal lai ti ruahawk a tam ngai ngaicang. Source: Daily Mail.

Relchap ko:Vawleicung thawngthan chim minthang cem Billi Graham fapa Rev Franklin Gram nih a tialmi cabia tawite nih ka thinlung a kuaiter ngaingaii Joe Biden nih US a hruai ahcun khrihfa hna caah cun kan zalonnak, kan himnak le ka covo a zor lai i ruahchannak a bi chin lai , sehtan pennak nih hmunhma a laak lai i khrihfa hna hmunhma a bi chin lengmang lai.

Pathian a duh tuk mi pa Rev Franklin Gram hmanh nih Joe Biden a hei zomh khawh lo ning le Lai mi tampi nih Joe Biden kan hei tthan khawh ning ruah ahcun ngaihchia taktak khi kan si. US ram cu kan theih dih cio bangin vawleicung ram dihlak ah Missionary a thlah tam cem tu ram si ko hmanh sehlaw Obama nih US rampi a time hnih chung a vun hruai hnu bak ah rawk hram ai thawk.

Minak pa Obama nih time US rampi a hruai chung ah a hrawh mi thil tampi cu President Trump a nih time khat te a ttuan chung ah tampi cu a vun remh khawh tthan. Obama nih time hninh chung a ttuan mi nak in Trump nih time khat te a ttuan mi chung ah thiltttha a tuah mi a tam deuh ngai ngai. Trump nih US rampi a vun hruai hnu bak in Lai mi tampi nih Laitlang lei an chung le an zohkhenh khawh deuh hna.

Zei ruang dah an zohkhenh khawh deuh kan ti ahcun Trump a vun ttuan hnu bak in US um mi Lai mi tampi Company rianttuan mi nih fang 7 an hlawh khawh mi kha fang 15 hrawng hna an vun hlawh khawh ruangah chungkhar tampi cu Laitlang lei an chungkhat le an vun bomh khawh deuh ngai ngai hna. US president ttuan ding ahcun vawleicung ram dang cu um rih seh Laimi kan ca ko ahcun Trump nak i attha mi hi cu an um ti lai lo.

Lai mi tampi nih kan tthan tuk mi Joe Biden kong ah Rev Franklin Gram nih a hmuh ning le Joe Biden nih US rampi a vun hruai ahcun thil cang te lai ding le an tawn te ding mi pawl a vun langhter mi cu shreenshot in ka vun chiah chih mirang holh thiam mi hna na si ahcun rak bih ve hmanh ngaihchia taktak khi a si.

Leave a Reply