Taluk ram ah thil tihnung tuk a tlung than ve minung tampi nunnak a liam

Theihtlei

Taluk Ram Cu Thlichia Le Ruah Nih A Den,Minung 12 An Nunnak Liam aluk ram ah ruahpi fak tukin a sur ruangah khua chungah ti a khat mipi khuasak tintuk a buai.Henan state chung mipi thong 10 leng cu hmunhimnak lei ah thial an si i, Zhengzhou khuapi ah minunh 12 renglo an nunnak a liam tiah theih a si.

Atu ah khuapi 12 lampi phih an si. Vanlawng service zong phih dih a si.Minung nuai 94 hrawng umnak Henan state ah ruahlo piin ruah fak pi a sur caah a cozah nih ralrinnak a thanh.Ruahpi le thlichia a hran caah Henan state i tikhamnak (Dam) pakhat cu a bauh i khuami dirhmun a harsa ngai i ralkap nih an ven hna.

Khua chungah tii a dil ruangah mawtaw le mipi tampi an taap minung hna cu chanhtu phu nih hri an zam in an si khawh chungin an chanhchuah hna.A liamcia nithum chungah Zhengzhou ah ruah a sur hi kumkhat chung a sur mi zat tluk a si. Ruah hi suimilam 24 chung a sur rih lai tiah khuacaan lei mithiam pawl nih an thanh the chin post.

Thawngdang N-Dagon Ah Rallokap Cu Covid Mizaw Bantuk In Um Ter In Mipi Bawmchantu Doctor Minung 5 Cu I Pehtlaih In Auh Riangmang In Mipi Bawmhnak Ngandamnak Zohkhenhnak Zung Ah Lut In , Oxygen Dur Le Sii Pawl An Chuh Hna. Yangon ramthen, N-Dagon peng ah nihin zinglei ah Covid in damlo mi, mipi zohkhenh tu sibawi minung 5 cu ralhrang rallokap phu hna nih mizaw bantuk umter riangmang in an auh hna i an tlaih hna, cuka an um nak hmun cu hal in an luhhnawh hna tiah N-Dagon ah Covid mizaw ngandamnak lei in zohkhenh tu hna lak ah hruaitu pakhat si mi Ko Chan Lay nih a chim.

Ralhrang rallokap tlaih ruang ah N-Dagon peng chung ah Covid zawtnak ngeimi ,mipi hna cu online in zohkhenh le cawnghhramh ning chimtu sibawi pahnih le a hmun ah a zohkhenh ,thlopbul tu volunteer sibawi minung 3,sibawi te dihlak minung 5 cu an tlaih hna tiah theih a si.

“Ni zaan ah N-Dagon ah Covid zawtnak in damlo mi mizaw hna cu suimilam 9:00 hnu hrawng ah mizaw piah ding in pehtlaihnak an tuah. Bawmhding ah kan umnak hmun cu kan chimh hna. Cu bantukin bawmhnak a kan hal mi bawmhding ah a zohkhenh tu ding sibawi an phan.An zohkhenh hna lio ah zung thu/ zung ah um mi hna he pehtlaihnak a cat. Sibawi leader minung 3 an i tel.

A luat mi volunteer pakhat nih a chim nak ah cun mizaw zohnak hmun an phak ah cun mizaw si lo in sibawi te an phak bak in inn kaa an khar. An inn cu dot hnih a si a cung dot ah kal pi in inn tanglei inn kaa zong an khar hnu ah sang upa tiah ruah mi hna le rallokap hna nih inn cung in an rak hngah hna, cu hnu ahcun an dih lak in tlaih an si.

An tlaih dih hnu hna ah tulio zung an thut nak hmun cu an hal hna.Tlaihkhih an ton lio ah kan mah volunteer pakhat cu inn tang ah ka tang. Inncung in an cawlcangh ka hmuh tik ah motor in ka tli zok,cun zung ah ka va chimh hna ah ralhrang rallokap phu hna cu an rak phan colh,kan mah cu hmun dang thial ding in kan timh tuah lio ah an rak phanh cang caah luat nak ding in kan hrial hna nain online in zohkhenh tu sibawi minung 2 cu an tlaih ve hna ” tiah Ko Chan Lay nih a chim.

Cuka N-Dagon Covid mizaw zohkhenh nak an tuah nak hmun cu no.46 sang ah a ummi si i ralhrang rallokap phu hna nih cuka zung ah lut in sibawite an tlaih hna, mipi nih hlut mi oxygen 40litre dur 5 , 15litre dur 18 , oxygen dur thilri tling 12 le PPE telh in sii pawl cu phungning lo a si tiah an ti hnu ah an kal pi tiah Ko Chan Lay nih cun a chim.Tlaihkhih a tong mi sibawi te cu khoika dah an kal pi hna tiah theih a si lo, tu tiang ah pehtlaihnak kan tuah kho lo, mipi hna cu Covid zawtnak zohkhenhnak ding caah ka zuam rih lai tiah a chim chap the chin post.

Leave a Reply