Thantlang Sipin Ohkathah Pu Ram Khar Hringtu a Nu cu Zahanzan Dec.7, zaan ah a ho ti theih lomi nih TBC biakinn pawngah Cycle in a pah i a kal taak. A pahtu hi mizei si theih a si rihlo, a pahtu pa nih hlawmlo in cu ti cun lampi ah a kal taak i a ho theihlo in lampi ah a rel ko.

Lam ai chokmi nih a ho hme lamlai ah a it tiah an van zoh i a thi he lam ah cun a it ko, hi cycle in an pah hi Thantlang mei a mit suimilam suimi 7 hrawnghrang a si lio si. Mei van ding ka caw lai ati a kal ah a pah hi a si tiah theih a si. A ke pakhat kiak cun a lu zong fak ngai in ai khawng, a thluak cu a hnursuang lemlo tiah sii bawi te nih an chim.A pahtu zong atutiang cu theih si rihlo, Hibantukin an zaam le an kal takmi hi cu a poi ngai, a hnu an theihte sual cun a caah tihnung chin sibte khomi si.

Relchap ko:Democratic Presidential Candidate Joe Biden nih cun ningani ah khan mah ti bak hin bia a chim. America mipi hna cu US President Office ah rian tuan a thawk hnu ni 100 chung cu Mask hmang ding in a nawl hna.

Interview an ngeih nak ah Joe Biden nih cun America mipi hna cu US President Office ah rian tuan a thawk hnu ni 100 chung cu hmaituam nak Mask hmang dingin a nawl hna. US hi vawlei cung ah cun Covid-19 mizaw an tam bik nak ram asi. America ram mipi tampi nih cun Covid-19 zawtnak hi an tih lem lo i, hmaituam nak Mask zong an hmang duh loh. US ram ah Covid-19 zawtnak a zual khun nak aruang cu a ram mipi hna nih tha tein mask an hman duh lo caah asi.

Relchap khawh a si:ocratic Joe Biden lei nih teinak kan hmuh cang an ti na’in, President Trump nih cun Vote dik lo ruangah asi ti’ah kianh a timh loh. Tu December 5, 6 ah hin States kip nih Election Certification cu GSA ah report an pek dih a hau i, Ni 14 December,2020 ah Electoral College nih President ding Votes pekin an thim cang lai. Trump nih cun,EC Votes ka sunghah cun Biden hi President ah ka kianh lai ti’ah a chim cang.

US President sinak dingah zulhding phunglam (Procedure)an nei mi ah cun, General Services Administration(GSA) nih 23 November,2020 ah Presidential transition a onh hnu in, President nih a thimmi Ministers, Security Staffers le Whitehouse Staffs ding Mi- 2000 pawl cu backround Security Checkup tuah ta dih an hau i, a ong mi lawng lawngnih Whitehouse chungah lutkhawhin rian an tuan khoh lai.

President elected an timi Biden nih Ministers-6 le Security Staffers-18 Transition Team pawl cu Trump tangi US Defense Intelligence, National Intelligence Agencies Pawlnih backround zoh/ checknak an tuah duh rih loh ca’ah an buai tuk cang.Trump nih Biden zong Whitehouse chung ah luhter a sianh fawn loh. Tuhlanah cun, First Lady’s”Tea Party” zong 1 December poh ah an hmang tawn na’in, tu Kum cu atu tiangin an hmang rih loh.

Ni.9 November, 2020 ah khan President Trump nih Defense Secretary Mark Esper le bawizik-3 a phuah hnu ah khan, amah mizumh America Indian Kash Patel le American Jewish Mr.Ezra- Cohen Watnick cu Acting Secretary le Under Secretary of Defense for Intelligence & Security ah a chiah hna. Hi hna pahnih nih hin John Ratcliffe, Director of National Intelligence le Sue Gough, Director of Defense Intelligence tangi backround Security Check Boards cu an thlaih dih. Biden Teams pawl cu zarhhnih leng Checking an tuah duh hna loh.

Joe Biden Transition Team hna hi, spokesman Ned Price le Ex-Director of Defense Intelligence Agency, Vince Stewart nih an hruai hna na’in, Trump Teams lei pawl nih an tuah duh rih hna loh ti’ah Biden Spokesman Ned Price nih a chim/ a au khuang len cang. Biden nih cun Trump chiahmi John Ratcliffe, Director of NIA hi thlak i, amah thimmi Avril Haines chiah dingin General Services Adm. ah heh ti’ah a hal len hna.

Pentagon i DIA le NIA nih Biden Transition Team pawl backround checkup an tuah dih hnu i, an ong hnu lawng lawngah Officials in Cozah rian an thlaih kho fang te hna lai. Cuca’ah, Trump nih Biden hi President ah a pawm hnu in, Order a pek hnu lawngah Biden lei nih Cozah an siam khawh te lai. Election kongah biatak te’in buaibai dawh ding an si rih. Van hngak rih hna usih.